ಒಂದು ವಿಷಯದಲ್ಲಿ ಶಾರೂಖ್ ಖಾನ್ ಅವರನ್ನು ಮೆಚ್ಚಲೇ ಬೇಕು, ಅವರು ಸುಖಾಸುಮ್ಮನೆ ತಮ್ಮನ್ನು ಹೊಗಳಿಕೊಳ್ಳುವುದಿಲ್ಲ ಮತ್ತು ಇದ್ದಿದ್ದನ್ನು ನೇರವಾಗಿ ಹೇಳಿಕೊಳ್ಳುತ್ತಾರೆ ಎಂದು ಬಾಲಿವುಡ್ ಮಂದಿ ಆಗಾಗ ಹೇಳುವುದು ಉಂಟು. ಈಗ್ಯಾಕೆ ಈ ವಿಷಯ ಎಂದರೆ, ಶಾರೂಖ್ ಮತ್ತೊಮ್ಮ ತಮ್ಮ ಕಾಲನ್ನು ತಾವೇ ಎಳೆದುಕೊಂಡಿದ್ದಾರೆ.
ಇದನ್ನೂ ಓದಿ: ನಿರ್ದೇಶಕ ರಘುರಾಮ್ಗೆ 15 ವರ್ಷದ ಹಿಂದೆ ಸುದೀಪ್ ನೀಡಿದ್ದ ವಿಶೇಷ ಗಿಫ್ಟ್ ಇದು!
ಶಾರೂಖ್ ಖಾನ್ ಅವರ ಪತ್ನಿ ಗೌರಿ, ಬೆಳಿಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಒಂದು ಹಳೆಯ ಫೋಟೋ ಶೇರ್ ಮಾಡಿಕೊಂಡಿದ್ದರು. ಪ್ಯಾರಿಸ್ನ ಗ್ರೆವಿನ್ ವ್ಯಾಕ್ಸ್ ಮ್ಯೂಸಿಯಂನಲ್ಲಿರುವ ಶಾರೂಖ್ ಅವರ ಮೇಣದ ಗೊಂಬೆಯ ಜತೆಗೆ ತೆಗೆಸಿಕೊಂಡಿದ್ದ ಫೋಟೋ ಆಗಿತ್ತು. ಈ ಫೋಟೋದಲ್ಲಿ ಅಸಲಿ ಮತ್ತು ನಕಲಿ ಶಾರೂಖ್ ಮಧ್ಯೆ ಗೌರಿ ನಿಂತುಕೊಂಡಿದ್ದಾರೆ. ಈ ಫೋಟೋ ಹಂಚಿಕೊಂಡ ಗೌರಿ, ‘ಟೂ ಮಚ್ ಟು ಹ್ಯಾಂಡಲ್ …’ ಎಂಬ ಕ್ಯಾಪ್ಶನ್ ಕೊಟ್ಟಿದ್ದರು.
ಇದಕ್ಕೆ ಪ್ರತಿಕ್ರಿಯಿಸಿರುವ ಶಾರೂಖ್, ‘ಕಳೆದ ಒಂದೂವರೆ ವರ್ಷಗಳಿಂದ ಇಬ್ಬರೂ ಮನೆಯಲ್ಲೇ ಇದ್ದಾರೆ’ ಎಂದು ಬರೆದುಕೊಂಡಿದ್ದಾರೆ.
ಶಾರೂಖ್ ಈ ರೀತಿ ಬರೆದುಕೊಂಡಿರುವುದಕ್ಕೂ ಕಾರಣವಿದೆ. ಕಳೆದ ಒಂದೂವರೆ ವರ್ಷಗಳಿಂದ ಅವರು ಕೆಲಸ ಮಾಡಿಲ್ಲ. 2018ರಲ್ಲಿ ಬಿಡುಗಡೆಯಾದ ಆನಂದ್ ರೈ ಅವರ ‘ಜೀರೋ’ ಚಿತ್ರವೇ ಕೊನೆ. ಆ ಚಿತ್ರ ಸೋತಿದ್ದೇ ಸೋತಿದ್ದು, ಅದರಿಂದ ಬಹಳ ಬೇಸರಗೊಂಡ ಶಾರೂಖ್ ಹಲವು ದಿನಗಳ ಕಾಲ ಯಾವುದೇ ಚಿತ್ರವನ್ನೂ ಒಪ್ಪಿಕೊಂಡಿರಲಿಲ್ಲ. ಸುಮ್ಮನೆ ಒಂದು ಬ್ರೇಕ್ ತೆಗೆದುಕೊಂಡು, ತಮ್ಮ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದರು.
ಇದನ್ನೂ ಓದಿ: ಸುಶಾಂತ್ ನೆನಪಲ್ಲಿ ಏಕ್ತಾ ಕಪೂರ್ ಶುರು ಮಾಡಿದ್ರು ‘ಪವಿತ್ರಾ ರಿಶ್ತಾ ಫಂಡ್’
ಈ ವರ್ಷದ ಆರಂಭದಲ್ಲಿ ಒಂದು ವರ್ಷದ ಬ್ರೇಕ್ನ ನಂತರ ಒಂದೆರೆಡು ಚಿತ್ರಗಳಲ್ಲಿ ಸಣ್ಣ ಪಾತ್ರ ಮಾಡುವುದಕ್ಕೆ ಒಪ್ಪಿಕೊಂಡರಾದರೂ, ಲಾಕ್ಡೌನ್ನಿಂದಾಗಿ ಆ ಚಿತ್ರಗಳು ಶುರುವಾಗಿಲ್ಲ. ಅದೇ ಕಾರಣಕ್ಕೆ ಶಾರೂಖ್, ಒಂದೂವರೆ ವರ್ಷಗಳಿಂದ ಮನೆಯಲ್ಲೇ ಇದ್ದೇನೆ ಎಂದು ಹೇಳಿಕೊಂಡಿದ್ದಾರೆ.
ಜೀ಼ ಕನ್ನಡದಲ್ಲಿ ಮ್ಯೂಸಿಕ್ ಅನ್ಲಾಕ್ ಮೂಲಕ ಮತ್ತೆ ಶುರುವಾಯ್ತು ಸರಿಗಮಪ-17