ಮುಂಬೈ: ಭಾರತೀಯ ಷೇರುಪೇಟೆಯಲ್ಲಿ ಇಂದು ಗರಿಷ್ಠ ಮಟ್ಟದ ಏರಿಳಿತ ಕಂಡುಬಂದಿತ್ತಾದರೂ, ದಿನದ ಆರಂಭದಂತೆ ಕೊನೆಯಲ್ಲೂ ಬಿಎಸ್ಇ ಸೆನ್ಸೆಕ್ಸ್ 282 ಅಂಶ ಏರಿಕೆ ದಾಖಲಿಸಿದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಧನಾತ್ಮಕ ಅಂಶಗಳು ಹಾಗೂ ವಿದೇಶಿ ನಿಧಿಯ ಒಳಹರಿವಿನ ಕಾರಣ ಈ ಏರಿಕೆ ದಾಖಲಾಗಿದೆ.
ಬಿಎಸ್ಇ ಸೆನ್ಸೆಕ್ಸ್ ಶುಕ್ರವಾರದ ವಹಿವಾಟಿನ ಕೊನೆಗೆ 282.29 ಅಂಶ ಹೆಚ್ಚಳವಾಗಿ 43, 882.25 ಅಂಶದಲ್ಲಿ ವಹಿವಾಟು ಮುಗಿಸಿದೆ. ಎನ್ಎಸ್ಇ ನಿಫ್ಟಿ 87.35 ಅಂಶ ಹೆಚ್ಚಳವಾಗಿದ್ದು, 12,859. 05 ಅಂಶದಲ್ಲಿ ದಿನದ ವಹಿವಾಟು ಕೊನೆಗೊಳಿಸಿದೆ. ಸೆನ್ಸೆಕ್ಸ್ ಪಟ್ಟಿಯಲ್ಲಿ ಬಜಾಜ್ ಫಿನ್ಸರ್ವ್ ಕಂಪನಿಯ ಷೇರು ಗರಿಷ್ಠ ಶೇಕಡ 9 ಏರಿಕೆ ದಾಖಲಿಸಿದ್ದು, ಟೈಟಾನ್, ಬಜಾಜ್ ಫೈನಾನ್ಸ್, ಕೊಟಾಕ್ ಬ್ಯಾಂಕ್, ಭಾರ್ತಿ ಏರ್ಟೆಲ್, ನೆಸ್ಟ್ಲೆ ಇಂಡಿಯಾ, ಎನ್ಟಿಪಿಸಿ ಷೇರುಗಳು ಲಾಭಾಂಶ ಗಿಟ್ಟಿಸಿಕೊಂಡಿವೆ.
ಇದನ್ನೂ ಓದಿ: ಲೈಂಗಿಕ ಕಿರುಕುಳ ಕೇಸ್ – ನಟ ದಿಲೀಪ್ ಸಲ್ಲಿಸಿದ ಅರ್ಜಿ ತಿರಸ್ಕರಿಸಿದ ಕೇರಳ ಹೈಕೋರ್ಟ್
ಇನ್ನೊಂದೆಡೆ, ರಿಲಯನ್ಸ್ ಇಂಡಸ್ಟ್ರೀಸ್, ಇಂಡಸ್ಇಂಡ್ ಬ್ಯಾಂಕ್, ಸನ್ ಫಾರ್ಮಾ, ಏಕ್ಸಿಸ್ ಬ್ಯಾಂಕ್, ಒಎನ್ಜಿಸಿ, ಎಚ್ಯುಎಲ್ ಷೇರುಗಳು ದಿನದ ವಹಿವಾಟಿನಲ್ಲಿ ನಷ್ಟ ಅನುಭವಿಸಿವೆ. ದೀಪಾವಳಿ ವಾರದ ವಹಿವಾಟಿಗೆ ಹೋಲಿಸಿದರೆ ಸೆನ್ಸೆಕ್ಸ್ ಶೇಕಡ 1 ಏರಿಕೆ ದಾಖಲಿಸಿದೆ. (ಏಜೆನ್ಸೀಸ್)