ನವದೆಹಲಿ: ಹಾಲಿ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ತನ್ನ ಕಳಪೆ ಪ್ರದರ್ಶನದಿಂದಾಗಿ ಪಾಕಿಸ್ತಾನ ತಂಡವು ತೀವ್ರ ಟೀಕೆಗೆ ಗುರಿಯಾಗಿದ್ದು, ಸೆಮಿಫಿನಾಲೆ ಪ್ರವೇಶಿಸಲೇಬೇಕೆಂಬ ಹಂಬಲದೊಂದಿಗೆ ಶನಿವಾರ ತನ್ನ ಲೀಗ್ ಹಂತದ ಕೊನೆಯ ಪಂದ್ಯವನ್ನು ಇಂಗ್ಲೆಂಡ್ ವಿರುದ್ಧ ಸೆಣಸಾಡಲಿದೆ. ಈ ಪಂದ್ಯದಲ್ಲಿ ಪಾಕಿಸ್ತಾನ ಭರ್ಜರಿ ಜಯಗಳಿಸಿ ತನ್ನ ಸೆಮೀಸ್ ಆಸೆಯನ್ನು ಜೀವಂತವಾಗಿಸಿಕೊಳ್ಳಬೇಕಿದೆ.
ಇದೇ ವೇಳೆ ಪಾಕಿಸ್ತಾನದ ವಿರುದ್ಧ ತಮ್ಮ ಟೀಕಾಪ್ರಹಾರವನ್ನು ಮುಂದುವರೆಸಿರುವ ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್ ದೂಷಿಸುವ, ಹಾಸ್ಯಾಸ್ಪದ ಆರೋಪ ಮಾಡುವ ಪಾಕ್ ಈ ಭಾರಿ ಏನು ಹೇಳುತ್ತದೆ ಎಂದು ನೋಡಬೇಕಿದೆ ಎಂದಿದ್ದಾರೆ.
ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಬರೆದುಕೊಂಡಿರುವ ಸೆಹ್ವಾಗ್, 21ನೇ ಶತಮಾನದಲ್ಲಿ ನಡೆದ 6 ಏಕದಿನ ವಿಶ್ವಕಪ್ಗಳಲ್ಲಿ ನಾವು 2007ರಲ್ಲಿ ಮಾತ್ರ ಸೆಮಿಫಿನಾಲೆ ಪ್ರವೇಶಿಸಲು ವಿಫಲರಾದೆವು. ಆದರೆ, ಪಾಕಿಸ್ತಾನವು 2011 ಹೊರತುಪಡಿಸಿದರೆ ಉಳಿದ ಆವೃತ್ತಿಗಳಲ್ಲಿ ಲೀಗ್ ಹಂತದಲ್ಲೇ ನಿರ್ಗಮಿಸಿದೆ.
ಇದನ್ನೂ ಓದಿ: ಅಪ್ರಾಪ್ತ ವಯಸ್ಕಳಿಗೆ ಲೈಂಗಿಕ ಕಿರುಕುಳ ನೀಡಿದ ಪೊಲೀಸ್ ಅಧಿಕಾರಿ; ಆರೋಪಿ ಅರೆಸ್ಟ್
ಪ್ರತಿಬಾರಿಯೂ ಭಾರತದ ಮೇಲೆ ಸೋತಾಗ ನೀವು ಬಿಸಿಸಿಐ ಹಾಗೂ ಐಸಿಸಿಯನ್ನು ದೂಷಿಸುವ ಹಾಸ್ಯಾಸ್ಪದ ಆರೋಪಗಳನ್ನು ಮಾಡಿ ಟೀಕೆಗೆ ಗುರಿಯಾಗಿದ್ದೀರಾ. ನಾವು ಬೇರೆ ತಂಡದ ಮೇಲೆ ಸೋತಾಗ ನಿಮ್ಮ ಪ್ರಧಾನಿಗಳು ನಮ್ಮನ್ನು ಟೀಕಿಸಿ ಟ್ವೀಟ್ ಮಾಡಿದ್ದಾರೆ. ನಿಮ್ಮ ತಂಡದ ಆಟಗಾರರು ನಮ್ಮ ದೇಶದ ಸೈನಿಕರನ್ನು ಅಪಹಾಸ್ಯ ಮಾಡುತ್ತಿರುವ ಪೋಸ್ಟ್ಗಳನ್ನು ಹಾಕಿದ್ದಾರೆ.
ಭಾರತವನ್ನು ಶತ್ರು ರಾಷ್ಟ್ರ ಎಂದು ಕರೆಯುವ ಪಿಸಿಬಿ ಮುಖ್ಯಸ್ಥರು ನಮ್ಮಿಂದ ಪ್ರೀತಿಯನ್ನು ನಿರೀಕ್ಷಿಸುತ್ತಾರೆ. ಇದು ಪಾಕಿಸ್ತಾನದ ದ್ವಿಮುಖ ನೀತಿಯಾಗಿದ್ದು, ಮೈದಾನದ ಹೊರಗಾಗಲಿ ಅಥವಾ ಒಳಗಾಗಲಿ ನಮ್ಮೊಂದಿಗೆ ಚೆನ್ನಾಗಿ ವರ್ತಿಸುವವರಿಗೆ ನಾವು ತುಂಬಾ ಒಳ್ಳೆಯವರು ಮತ್ತು ಯಾರಾದರೂ ಈ ರೀತಿ ವರ್ತಿಸಿದರೆ, ಅವರಿಗೆ ತಕ್ಕ ತಿರುಗೇಟು ಕೊಡುತ್ತೇವೆ ಎಂದು ಸೆಹ್ವಾಗ್ ಸಾಮಾಜಿಕ ಜಾಲತಾಣದಲ್ಲಿ ಪಾಕಿಸ್ತಾನದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಇತ್ತೀಚಿಗೆ ಪಾಕಿಸ್ತಾನ ಜಿಂದಾಭಾಗ್ ಎಂದು ಪೋಸ್ಟ್ ಮಾಡಿ ಟೀಕಿಸಿದ್ದ ಸೆಹ್ಬಾಗ್ ಇದೀಗ ಮತ್ತೊಮ್ಮೆ ತಮ್ಮ ಪ್ರಹಾರವನ್ನು ಮುಂದುವರೆಸಿದ್ದಾರೆ. ಕಳೆದ ವರ್ಷ ನಡೆದ ಟಿ-20 ವಿಶ್ವಕಪ್ ವೇಳೆ ಇಂಗ್ಲೆಂಡ್ ವಿರುದ್ಧ ಸೆಮೀಸ್ನಲ್ಲಿ ಮುಗ್ಗರಿಸಿದ ಭಾರತದ ವಿರುದ್ಧ ಪಾಕಿಸ್ತಾನ ಸಾಮಾಜಿಕ ಜಾಲತಾಣದಲ್ಲಿ ಟೀಕಿಸಿತ್ತು. ಇಂದು (ನವೆಂಬರ್ 11) ಅದೇ ಪಾಕಿಸ್ತಾನ ತಂಡವು ತನ್ನ ಸೆಮೀಸ್ ಸ್ಥಾನಕ್ಕಾಗಿ ಹೋರಾಟ ನಡೆಸುತ್ತಿರುವುದು ಸೋಚನೀಯ ಎಂದು ಮಾರ್ಮಿಕವಾಗಿ ಟ್ವೀಟ್ ಮೂಲಕ ನೆರೆಯ ದೇಶವನ್ನು ಕಾಲೆಳೆದಿದ್ದಾರೆ.