ನವದೆಹಲಿ: ಅಮೆರಿಕಕ್ಕೆ ಕೊರಿಯರ್ ಮೂಲಕ ಹೋಗಬೇಕಿದ್ದ ವಿಮಾನ ನಿಲ್ದಾಣದಲ್ಲಿ ನಾಲ್ಕು ಮಾನವ ತಲೆಬುರುಡೆಗಳು ಪತ್ತೆಯಾಗಿವೆ ಎಂದು ಸ್ಥಳೀಯ ಅಧಿಕಾರಿಗಳು ಶುಕ್ರವಾರ ತಿಳಿಸಿದ್ದಾರೆ.
ಮೆಕ್ಸಿಕೋದ ಕ್ವೆರೆಟಾರೊ ಇಂಟರ್‌ಕಾಂಟಿನೆಂಟಲ್ ಏರ್ಪೋರ್ಟ್ನಲ್ಲಿ ರಟ್ಟಿನ ಪೆಟ್ಟಿಗೆಯೊಳಗೆ ಅಲ್ಯೂಮಿನಿಯಂ ಫಾಯಿಲ್ನಲ್ಲಿ ಸುತ್ತಿದ ತಲೆಬುರುಡೆಗಳು ಪತ್ತೆಯಾಗಿವೆ. ಮೆಕ್ಸಿಕೋ ದೇಶದ ಅತ್ಯಂತ ಹಿಂಸಾತ್ಮಕ ಭಾಗಗಳಲ್ಲಿ ಒಂದಾದ ಪಶ್ಚಿಮ ಕರಾವಳಿ ರಾಜ್ಯವಾದ ಮೈಕೋವಾಕನ್‌ನಿಂದ ದಕ್ಷಿಣ ಕೆರೊಲಿನಾದ ಮ್ಯಾನಿಂಗ್‌ನಲ್ಲಿ ವಿಳಾಸಕ್ಕೆ ಈ ಪ್ಯಾಕೇಜ್ ಅನ್ನು ಕಳುಹಿಸಲು ಉದ್ದೇಶಿಸಲಾಗಿತ್ತು.
ಪಾರ್ಸೆಲ್ ಕಳುಹಿಸುವವರು, ಸ್ಕ್ಯಾನರ್ಗಳ ಕಣ್ಣಿಗೆ ಸಿಗದೇ ಹೋಗಲಿ ಎಂದು ಅಲುಮೀನಿಯಂ ಫಾಯಿಲ್ನಲ್ಲಿ ಕೂಡ ಬುರುಡೆಗಳನ್ನು ಸುತ್ತಿದ್ದರು. ಆದರೆ ಈ ಏರ್ಪೋರ್ಟ್ನಲ್ಲಿ ಎಕ್ಸ್-ರೇ ಸ್ಕ್ಯಾನರ್ನಲ್ಲಿ ಇವು ಇರುವುದು ಪತ್ತೆಯಾಗಿದೆ.
ಈ ತಲೆಬುರುಡೆಗಳು ಯಾರದ್ದು? ಯಾಕೆ ಪಾರ್ಸೆಲ್ ಮಾಡಲಾಗಿತ್ತು ಎನ್ನುವ ವಿಷಯ ತನಿಖೆಯ ನಂತರವೇ ಬಹಿರಂಗವಾಗಲಿದೆ. (ಏಜೆನ್ಸೀಸ್)