ಚೆನ್ನೈ: ಮಹಿಳೆಯರಿಗೆ ರೈಲು ಪ್ರಯಾಣದಲ್ಲಿ ಅನುಕೂಲಗಳನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಮತ್ತೊಂದು ಹೆಜ್ಜೆಯಾಗಿ ಚೆನ್ನೈ ಮೆಟ್ರೊ ರೈಲ್ ಲಿಮಿಟೆಡ್(ಸಿಎಂಆರ್ಎಲ್) ಚೆನ್ನೈ ನಗರದ 39 ರೈಲು ನಿಲ್ದಾಣಗಳಲ್ಲಿ ಸಾನಿಟರಿ ಪಾಡ್ ವೆಂಡಿಂಗ್ ಮೆಷಿನ್ಗಳನ್ನು ಅಳವಡಿಸುತ್ತಿದೆ. ಜಿಯೊ ಇಂಡಿಯ ಫೌಂಡೇಶನ್ ಮತ್ತು ರೋಟರಿ ಇಂಟರ್ನ್ಯಾಷನಲ್ ಸಹಯೋಗದೊಂದಿಗೆ ಸಿಎಂಆರ್ಎಲ್ ಈ ಯೋಜನೆಯನ್ನು ಕೈಗೊಂಡಿದೆ.
ಕೆಲವು ತಿಂಗಳ ಹಿಂದೆ ಸಿಎಂಆರ್ಎಲ್ ಮೆಟ್ರೋ ರೈಲಿನಲ್ಲಿ ಹಾಲಿ ಇರುವ ಮಹಿಳಾ ಬೋಗಿಗಳೊಂದಿಗೆ ಎಲ್ಲಾ ಫಸ್ಟ್ ಕ್ಲಾಸ್ ಬೋಗಿಗಳನ್ನು ಮಹಿಳೆಯರಿಗೇ ಮೀಸಲಾದ ಬೋಗಿಗಳನ್ನಾಗಿ ಪರಿವರ್ತಿಸಿತ್ತು. ಇದೀಗ ಮಹಿಳಾ ಪ್ರಯಾಣಿಕರಿಗೆ ಇನ್ನಷ್ಟು ಅನುಕೂಲವನ್ನು ಕಲ್ಪಿಸಲು ಮುಂದಾಗಿದೆ. ತಮಿಳುನಾಡು ಕೈಗಾರಿಕಾ ಸಚಿವ ಎಂ.ಸಿ.ಸಂಪತ್ ಈ ವ್ಯವಸ್ಥೆಯನ್ನು ಚೆನ್ನೈ ಮುಖ್ಯ ಮೆಟ್ರೋ ನಿಲ್ದಾಣದಲ್ಲಿ ಮಂಗಳವಾರ ಉದ್ಘಾಟಿಸಿದರು.
ಇದನ್ನೂ ಓದಿ: ಡ್ಯೂಟಿ ಮಧ್ಯೆ ಮುಟ್ಟಾದರೆ…?! ಮಹಿಳಾ ಪೊಲೀಸರಿಗೆ ಸಿಕ್ಕಿದೆ ಪರಿಹಾರ
ಸದರಿ ವೆಂಡಿಂಗ್ ಮೆಷಿನ್ಗಳಲ್ಲಿ ಒಮ್ಮೆಗೆ 20 ಪ್ಯಾಡ್ಗಳನ್ನು ಶೇಖರಿಸಿಡುವ ಅವಕಾಶವಿದ್ದು, ರೀಫಿಲ್ಗಾಗಿ ಪ್ರತಿ ನಿಲ್ದಾಣದ ಅಧಿಕಾರಿಗಳಿಗೆ 1,000 ಪ್ಯಾಡ್ಗಳನ್ನು ಒದಗಿಸಲಾಗಿರುತ್ತದೆ. ಮಹಿಳಾ ಶೌಚಾಲಯಗಳ ಬಳಿ ಅಳವಡಿಸಲಾಗುವ ಈ ಮೆಷಿನ್ಗಳಲ್ಲಿ ಪ್ರಯಾಣಿಕರು ಅವಶ್ಯಕತೆ ಬಿದ್ದಾಗ ನಾಣ್ಯವನ್ನು ಹಾಕಿ, ಪ್ಯಾಡ್ ಪಡೆಯಬಹುದು ಎನ್ನಲಾಗಿದೆ.(ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಮಾರ್ಚ್ 1 ರಿಂದ 60 ವರ್ಷ ಮೇಲ್ಪಟ್ಟವರಿಗೆ, ಆಯ್ದ 45 ಮೇಲ್ಪಟ್ಟವರಿಗೆ ಕರೊನಾ ಲಸಿಕೆ ಲಭ್ಯ