ತಾಯಿಯ ಮೇಲಿನ ಸಿಟ್ಟಿಗೆ ಮೂರು ತಿಂಗಳ ಮಗುವನ್ನು ಜೀವಂತವಾಗಿ ಹೂತುಹಾಕಿದ ಚಿಕ್ಕಮ್ಮ!

ಚಂಡೀಗಢ: ಅತ್ಯಂತ ಭಯಾನಕ ಘಟನೆಯೊಂದರಲ್ಲಿ ಮಹಿಳೆಯೊಬ್ಬಳು ಮೂರು ತಿಂಗಳ ಮಗುವನ್ನು ಜೀವಂತಾಗಿ ಹೂತುಹಾಕಿದ ಘಟನೆ ಚಂಡೀಗಢದಲ್ಲಿ ನಡೆದಿದೆ.

ಮಗುವಿನ ತಾಯಿಯ ಮೇಲೆ ಇರುವ ಕೌಟುಂಬಿಕ ಕಲಹದಿಂದಾಗಿ ಆಕೆಗೆ ಬುದ್ಧಿಕಲಿಸಲು ಇಂಥದ್ದೊಂದು ಭೀಕರ ಕೃತ್ಯ ಎಸಗಿದ್ದಾಳೆ ಸುಖ್​ದೀಪ್​ ಎಂಬ ಮಹಿಳೆ. ಅಮೀರ್ ಖಾಸ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ. ಮಗುವನ್ನು ಕಳೆದುಕೊಂಡಿರುವ ನತದೃಷ್ಟ ತಾಯಿಯ ಹೆಸರು ಅಮನ್​ದೀಪ್ ಕೌರ್.

ಅಮನ್​ದೀಪ್​ ಅವರಿಗೆ ಬ್ಯಾಂಕ್​ನಲ್ಲಿ ಕೆಲಸವಿತ್ತು. ಇದೇ ಕಾರಣಕ್ಕೆ ಅವರು ತಮ್ಮ ಆರು ತಿಂಗಳ ಶಿಶುವನ್ನು ಪಕ್ಕದ ಮನೆಯಲ್ಲಿ ಬಿಟ್ಟುಹೋಗಿದ್ದರು. ಆದರೆ ಅವರು ವಾಪಸ್​ ಬಂದಾಗ ಮಗು ನಾಪತ್ತೆಯಾಗಿತ್ತು. ಪಕ್ಕದ ಮನೆಯವರನ್ನು ಕೇಳಿದಾಗ ಇಲ್ಲೇ ಆಡುತ್ತಿದ್ದ ಮಗು ಕಾಣೆಯಾಗಿದೆ ಎಂದು ಹೇಳಿದರು.

ಅಮನ್​ದೀಪ್​ ಅವರು ಎಲ್ಲೆಡೆ ಮಗುವನ್ನು ಹುಡುಕಿದರೂ ಅದು ಸಿಗಲಿಲ್ಲ. ನಂತರ ಮಗುವನ್ನು ಹುಡುಕಾಡುತ್ತಿರುವಾಗ ಸಮೀಪದ ಮಹಿಳೆಯೊಬ್ಬರು ಶೌಚಗೃಹದ ಸೆಪ್ಟಿಕ್​ ಟ್ಯಾಂಕ್​ ಬಳಿ ಶಿಶುವೊಂದರ ಕಾಲುಗಳಂತೆ ಕಂಡಿರುವ ವಸ್ತುವನ್ನು ತಾವು ನೋಡಿದ್ದು, ಸಮೀಪ ಹೋಗಲು ಭಯವಾಗಿ ಹೋಗಲಿಲ್ಲ ಎಂದು ಹೇಳಿದರು.

ನಂತರ ಅಮನ್​ದೀಪ್​ ಅವರು ಅಲ್ಲಿಗೆ ಹೋಗಿ ಆ ಜಾಗವನ್ನು ಅಗೆದು ನೋಡಿದಾಗ ಅಲ್ಲಿ ಅವರ ಮಗು ಜೀವಂತ ಸಮಾಧಿಯಾಗಿತ್ತು. ನಂತರ ಕೂಡಲೇ ಪೊಲೀಸರಿಗೆ ದೂರು ನೀಡಿದ ಅವರು, ಸುಖ್​ದೀಪ್​ ಈ ಕೆಲಸ ಮಾಡಿರುವುದಾಗಿ ಸಂದೇಹದಿಂದ ಆಕೆಯ ಮೇಲೆ ದೂರು ದಾಖಲಿಸಿದರು.

ನಂತರ ಸುಖ್​ದೀಪ್​ಳನ್ನು ಪೊಲೀಸರು ವಿಚಾರಿಸಿದಾಗ ಸತ್ಯ ಬಾಯಿಬಿಟ್ಟ ಆಕೆ ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಅಮನ್​ದೀಪ್​ಗೆ ಬುದ್ಧಿ ಕಲಿಸಲು ಹೀಗೆ ಮಾಡಿರುವುದಾಗಿ ಹೇಳಿದ್ದಾಳೆ,. ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

https://www.vijayavani.net/s-udyogamitra-hmt-2/

https://www.vijayavani.net/s-no-lockdown-in-karantaka/

https://www.vijayavani.net/s-mobilephone-thieves-arrested-in-bangalore/

https://www.vijayavani.net/s-nyayadevate-patniya-mobilenalli/