ಭಾರತೀಯ ವಾಯುಪಡೆಯ ಫ್ಲೈಯಿಂಗ್ ಮತ್ತು ಗ್ರೌಂಡ್ ಡ್ಯೂಟಿ (ಟೆಕ್ನಿಕಲ್ ಮತ್ತು ನಾನ್ಟೆಕ್ನಿಕಲ್) ವಿಭಾಗದಲ್ಲಿ ಕಮಿಷನ್ಡ್ ಆಫೀಸರ್ಸ್ ಹುದ್ದೆಗೆ ಅರ್ಹ ಮಹಿಳಾ ಮತ್ತು ಪುರುಷ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.
2023ರ ಜನವರಿಯಲ್ಲಿ ಆರಂಭಿಸುತ್ತಿರುವ ಹೊಸ ಕೋರ್ಸ್ಗೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಶಾರ್ಟ್ ಸರ್ವಿಸ್ ಕಮಿಷನ್ (ಎಸ್ಎಸ್ಸಿ) ಮತ್ತು ಪರ್ಮನೆಂಟ್ ಕಮಿಷನ್ (ಪಿಸಿ) ವಿಭಾಗದ ಏರ್ಪೋರ್ಸ್ ಕಾಮನ್ ಅಡ್ಮಿಷನ್ ಟೆಸ್ಟ್ (ಎಎಫ್ಸಿಎಟಿ) ಎಂಟ್ರಿ ಮತ್ತು ಎನ್ಸಿಸಿ ಸ್ಪೆಷಲ್ ಎಂಟ್ರಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಪರ್ಮನೆಂಟ್ ಕಮಿಷನ್ ಅಧಿಕಾರಿ ಹುದ್ದೆಗೆ ಪುರುಷ ಅಭ್ಯರ್ಥಿಗಳಿಗೆ ಮಾತ್ರ ಅವಕಾಶ ಇರಲಿದೆ. ಎಸ್ಎಸ್ಸಿ ಅಧಿಕಾರಿ ಹುದ್ದೆಗೆ ಮಹಿಳೆ ಹಾಗೂ ಪುರುಷ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ. ಅಭ್ಯರ್ಥಿಗಳ ದೇಹದಲ್ಲಿ ಟ್ಯಾಟೂ (ಹಚ್ಚೆ) ಇರಬಾರದು ಎಂದು ತಿಳಿಸಲಾಗಿದೆ.
ಹುದ್ದೆ ವಿವರ
– ಎಎಫ್ಸಿಎಟಿ ಎಂಟ್ರಿ
* ಪ್ಲೈಯಿಂಗ್ – ಎಸ್ಎಸ್ಸಿ – 77
* ಗ್ರೌಂಡ್ ಡ್ಯೂಟಿ (ಟೆಕ್ನಿಕಲ್) (ಎಸ್ಎಸ್ಸಿ 103, ಪಿಸಿ 26) – 129
* ಗ್ರೌಂಡ್ ಡ್ಯೂಟಿ (ನಾನ್ ಟೆಕ್ನಿಕಲ್) (ಎಸ್ಎಸ್ಸಿ 89, ಪಿಸಿ 22) – 111
– ಎನ್ಸಿಸಿ ಸ್ಪೆಷಲ್ ಎಂಟ್ರಿ
* ಪ್ಲೈಯಿಂಗ್ – ಸಿಡಿಎಸ್ಸಿ ಖಾಲಿ ಇರುವ ಹುದ್ದೆಯ ಶೇ.10ರಷ್ಟು ಪಿಸಿಗೆ ಮತ್ತು ಎಎಫ್ಸಿಎಟಿಯಲ್ಲಿ ಖಾಲಿ ಇರುವ ಹುದ್ದೆಯ ಶೇ.10 ಎಸ್ಎಸ್ಸಿಗೆ
ವಯೋಮಿತಿ: 1.1.2023ಕ್ಕೆ ಅನ್ವಯವಾಗುವಂತೆ ಫ್ಲೈಯಿಂಗ್ ವಿಭಾಗಕ್ಕೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳಿಗೆ ಗರಿಷ್ಠ 20 ರಿಂದ 24 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದ್ದು, 1999ರ ಜ.2 ಹಾಗೂ 2003ರ ಜ.1ರ ನಡುವೆ ಜನಿಸಿರಬೇಕು. ಗ್ರೌಂಡ್ ಡ್ಯೂಟಿ (ಟೆಕ್ನಿಕಲ್/ನಾನ್-ಟೆಕ್ನಿಕಲ್) ವಿಭಾಗದ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳಿಗೆ ಗರಿಷ್ಠ 20 ರಿಂದ 26 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದ್ದು, 1997ರ ಜ.2 ರಿಂದ 2003ರ ಜ.1ರ ನಡುವೆ ಜನಿಸಿರಬೇಕು.
ತರಬೇತಿ ವಿವರ: 2023ರ ಜನವರಿ ಮೊದಲ ವಾರದಲ್ಲಿ ತರಬೇತಿ ಆರಂಭವಾಗಲಿದ್ದು, ಹೈದರಾಬಾದ್ನ ಡುಂಡಿಗಲ್ನಲ್ಲಿರುವ ಏರ್ ಫೋರ್ಸ್ ಅಕಾಡೆಮಿಯಲ್ಲಿ ತರಬೇತಿ ನಡೆಯಲಿದೆ. ಫ್ಲೈಯಿಂಗ್ ಮತ್ತು ಗ್ರೌಂಡ್ ಡ್ಯೂಟಿ ಟೆಕ್ನಿಕಲ್ ವಿಭಾಗಕ್ಕೆ 74 ವಾರದ ತರಬೇತಿ, ನಾನ್ ಟೆಕ್ನಿಕಲ್ ವಿಭಾಗಕ್ಕೆ 52 ವಾರಗಳ ತರಬೇತಿ ನೀಡಲಾಗುವುದು. ಪ್ಯಾನ್ಕಾರ್ಡ್, ಎಸ್ಬಿಐ ಖಾತೆ, ಆಧಾರ್ ಸಂಖ್ಯೆಯನ್ನು ಅಭ್ಯರ್ಥಿಗಳು ಕಡ್ಡಾಯವಾಗಿ ಹೊಂದಿರಬೇಕು.
ಗೌರವಧನ: ಕನಿಷ್ಠ ವೇತನ 15,500 ರೂ. ಇರಲಿದ್ದು, ಮೊದಲ ವರ್ಷದ ತರಬೇತಿ ಪೂರ್ಣಗೊಳಿಸಿದ ನಂತರ ಮಾಸಿಕ 56,100-1,77,500 ರೂ. ಇರಲಿದೆ. ಸರ್ವಿಂಗ್ ಆಫೀಸರ್ಗೆ 1 ಕೋಟಿ ಮೌಲ್ಯದ ವಿಮೆ ಹಾಗೂ ಫ್ಲೈಯಿಂಗ್ ವಿಭಾಗದ ಅಧಿಕಾರಿಗಳಿಗೆ 12 ಲಕ್ಷ ರೂ, ಮೌಲ್ಯದ ವಿಮೆ ಇರಲಿದೆ.
ವೈವಾಹಿಕ ಮಾನದಂಡ: 25 ವರ್ಷದೊಳಗಿನ ಅಭ್ಯರ್ಥಿಗಳು ಅವಿವಾಹಿತರಾಗಿರಬೇಕು, 25 ವರ್ಷದೊಳಗಿನ ವಿಧವೆ/ ವಿಧುರ, ವಿಚ್ಛೇದಿತ ಅಭ್ಯರ್ಥಿಗಳಿಗೆ ಅವಕಾಶ ಇಲ್ಲ ಎಂದು ತಿಳಿಸಲಾಗಿದೆ.
ಅರ್ಜಿ ಶುಲ್ಕ: ಎಎಫ್ಸಿಎಟಿ ವಿಭಾಗಕ್ಕೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳಿಗೆ ಆನ್ಲೈನ್ ಪರೀಕ್ಷೆ ನಡೆಸುವುದರಿಂದ ಪರೀಕ್ಷಾ ಶುಲ್ಕವಾಗಿ 250 ರೂ. ಪಾವತಿಸತಕ್ಕದ್ದು. ಎನ್ಸಿಸಿ ಸ್ಪೆಷಲ್ ಎಂಟ್ರಿ ವಿಭಾಗದ ಅಭ್ಯರ್ಥಿಗಳಿಗೆ ಅರ್ಜಿಶುಲ್ಕ ಇರುವುದಿಲ್ಲ.
ಅರ್ಜಿ ಸಲ್ಲಿಸಲು ಕೊನೇ ದಿನ: 30.12.2021
ಅಧಿಸೂಚನೆಗೆ: https://bit.ly/3EfejZi
ಮಾಹಿತಿಗೆ: http://www.careerindianairforce.cdac.in
ವಿವಿಧ ಸ್ನಾತಕೋತ್ತರ ಪದವೀಧರರಿಂದ ಅತಿಥಿ ಉಪನ್ಯಾಸಕರ ಹುದ್ದೆಗಳಿಗೆ ಅರ್ಜಿ ಆಹ್ವಾನ: ಎರಡೇ ದಿನ ಬಾಕಿ
ವಿವಿಧ ತಾಂತ್ರಿಕ ಪದವೀಧರರಿಗೆ ಅಣುವಿದ್ಯುತ್ಸ್ಥಾವರದಲ್ಲಿದೆ ಉದ್ಯೋಗ- 21 ಹುದ್ದೆಗಳಿಗೆ ಆಹ್ವಾನ