ಬೆಂಗಳೂರು: ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದ್ದಾರೆ. ಅದಕ್ಕೆ ಕಾರಣ, ಅವರು ಗದ್ದೆಯಲ್ಲಿ ಮಣ್ಣನ್ನು ಹದಗೊಳಿಸುತ್ತಿದ್ದಾರೆ!
ಉಳುಮೆ ಮಾಡುವ ಮುನ್ನ ಯಂತ್ರದ ನೆರವಿನಿಂದ ಗದ್ದೆಯಲ್ಲಿ ಉಳುಮೆ ಮಾಡುವ ಫೋಟೋ ಅನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಂಡಿರುವ ಈ ನಟಿ, ಇದೀಗ ಅಭಿಮಾನಿಗಳ ಭರಪೂರ ಶ್ಲಾಘನೆಗೆ ಒಳಗಾಗಿದ್ದಾರೆ.
ಆದರೆ ವಾಸ್ತವದಲ್ಲಿ ಅವರೇನೂ ನಿಜವಾಗಿ ಹೊಲ ಉಳುಮೆ ಮಾಡುತ್ತಿಲ್ಲ, ಹಾಗೆಂದು ಫೋಟೋಗೂ ಪೋಸ್ ಕೊಡ್ತಿಲ್ಲ. ಅಷ್ಟಕ್ಕೂ ಇನ್ಸ್ಟಾಗ್ರಾಂನ ಈ ವಿಡಿಯೋದ ನಿಜವಾದ ರಹಸ್ಯ ಏನು ಎಂದರೆ, ಇದು ಸಿನಿಮಾ ಒಂದರ ಶೂಟಿಂಗ್!
ಹೌದು. ಕನ್ನಡ ಸೇರಿದಂತೆ ತೆಲುಗು ಹಾಗೂ ತಮಿಳು ಭಾಷೆಯ ಚಿತ್ರಗಳಲ್ಲಿ ಸದ್ಯ ಶೂಟಿಂಗ್ನಲ್ಲಿರುವ ರಶ್ಮಿಕಾ ತಮಿಳಿನ ಸುಲ್ತಾನ್ ಎಂಬ ಚಿತ್ರಕ್ಕಾಗಿ ಈ ಉಳುಮೆ ಮಾಡಿದ್ದಾರೆ. ಇದರಲ್ಲಿ ಇವರ ಪಾತ್ರ ರೈತ ಮಹಿಳೆಯದ್ದು, ಆದ್ದರಿಂದ ರೈತ ಮಹಿಳೆಯಂತೆ ವೇಷ ಹಾಕಿಕೊಂಡು ಉಳುಮೆ ಮಾಡಿದ್ದು, ಅದರ ವಿಡಿಯೋ ಅನ್ನು ಶೇರ್ ಮಾಡಿಕೊಂಡಿದ್ದಾರೆ.
ವಿಡಿಯೋ ನೋಡಿದವರ ಪೈಕಿ ಹಲವರು ನಿಜವಾಗಿಯೂ ರಶ್ಮಿಕಾ ಯಾವುದೋ ಹಳ್ಳಿಗೆ ಹೋಗಿ ಉಳುಮೆಯಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂದುಕೊಂಡಿದ್ದರೆ, ಇನ್ನು ಕೆಲವರು ಇದು ಫೋಟೋಗಾಗಿ ನೀಡಿರುವ ಪೋಸ್ ಎಂದಿದ್ದಾರೆ. ಆದರೆ ವಾಸ್ತವಾಂಶವನ್ನು ರಶ್ಮಿಕಾ ಅಲ್ಲಿಯೇ ಬರೆದುಕೊಂಡಿದ್ದಾರೆ. ಇದು ಚಿತ್ರದ ಶೂಟಿಂಗ್ ಎಂದಿರುವ ಅವರು ಚಿತ್ರೀಕರಣದ ವೇಳೆ ತಮಗಾದ ಸಂತಸ ಹೇಳಿಕೊಂಡಿದ್ದಾರೆ.
ನೀವೂ ನೋಡಿ ಈ ವಿಡಿಯೋ..
View this post on Instagram
ಭಾರತಕ್ಕೆ ಲಾಭ ಬೇಕಾದ್ರೆ ಹೀಗೆ ಮಾಡಿ ಎಂದು ‘ಅದ್ಭುತ’ ಸಲಹೆ ಕೊಟ್ರು ಪಾಕ್ ಪ್ರಧಾನಿ!
ಸಂತಾನಶಕ್ತಿಹರಣ ಚಿಕಿತ್ಸೆ ಗಂಡು ಮಂಗಕ್ಕೊ? ಹೆಣ್ಣು ಮಂಗಕ್ಕೊ- ಪ್ರಶ್ನೆ ಮಾಡಿದ ಬಿಜೆಪಿ ಮುಖಂಡ
ಬಿಜೆಪಿ ಸಂಸದ ಮನೆಯ ಸಮೀಪ ಬಾಂಬ್ ಬ್ಲಾಸ್ಟ್; ಸಿಸಿಟಿವಿ ಧ್ವಂಸ ಮಾಡಿ 15 ಕಡೆ ಸ್ಫೋಟ