ಲಾಸ್ ಏಂಜಲಿಸ್: ವಿಮಾನಗಳು ಹಾರಾಡುವ ಎತ್ತರದಲ್ಲಿ ಮನುಷ್ಯನೊಬ್ಬ ಸದಾ ಆಕಾಶದಲ್ಲಿ ತೇಲಾಡುತ್ತಿದ್ದು, ಈ ಬಗ್ಗೆ ಪೈಲಟ್ಗಳು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಜಾಟ್ಪ್ಯಾಕ್ (ಮನುಷ್ಯನಿಗೆ ಹಾರಲು ನೆರವಾಗುವ ಉಪಕರಣ) ಧರಿಸಿರುವ ಈ ನಿಗೂಢ ವ್ಯಕ್ತಿ ಈ ಹಿಂದೆಯೂ ಕಾಣಿಸಿಕೊಂಡಿದ್ದು, ಈತ ಯಾರು ಎಂಬ ಬಗ್ಗೆ ಇನ್ನೂ ಸಂದೇಹ ಪರಿಹಾರವಾಗಿಲ್ಲ. ಲಾಸ್ ಎಂಜಲೀಸ್ ವಿಮಾನ ನಿಲ್ದಾಣದ ಆಗಸದಲ್ಲಿ ವ್ಯಕ್ತಿಯೊಬ್ಬ ಜೆಟ್ಪ್ಯಾಕ್ ಅಳವಡಿಸಿಕೊಂಡು ಸುಮಾರು 3 ಸಾವಿರ ಅಡಿ ಎತ್ತರದಲ್ಲಿ ಹಾರಾಡುತ್ತಿದುದಾಗಿ ಅಮೆರಿಕ ಏರ್ಲೈನ್ಸ್ ವಿಮಾನದ ಪೈಲಟ್ಗಳು ಹೇಳಿದ್ದಾರೆ.
ವಿಮಾನಗಳು ಹಾರಾಡುವ ಎತ್ತರದಲ್ಲಿ ಮನುಷ್ಯನೊಬ್ಬ ಸದಾ ಆಕಾಶದಲ್ಲಿ ತೇಲಾಡುತ್ತಿದ್ದು ಅಚ್ಚರಿ ಮೂಡಿಸಿದ್ದಾನೆ. ಈತ ಯಾರೆಂದು ಇದುವರೆಗೂ ತಿಳಿದಿಲ್ಲ pic.twitter.com/0u0KSk1nJc
— Vijayavani (@VVani4U) January 5, 2021
ಕೆಲ ತಿಂಗಳ ಹಿಂದೆ ಕೂಡ ಈ ವ್ಯಕ್ತಿ ಕಾಣಿಸಿಕೊಂಡಿದ್ದ. ಸುಂಯ್ ಎಂದು ಆಕಾಶದಲ್ಲಿ ತೇಲಾಡುತ್ತ ನಿಮಿಷ ಮಾತ್ರದಲ್ಲಿ ಕಣ್ಮರೆಯಾಗಿರುವ ಈ ನಿಗೂಢ ವ್ಯಕ್ತಿ ನಿನ್ನೆಯೂ ಮತ್ತೊಮ್ಮೆ ಕಾಣಿಸಿಕೊಂಡಿದ್ದು, ಇವನೀಗ ಯಕ್ಷಪ್ರಶ್ನೆಯಾಗಿಯೇ ಉಳಿದಿದ್ದಾನೆ.
ವಿಮಾನ ಹಾರಾಡುವ ಸಮುಯದಲ್ಲಿ, ವಿಮಾನಕ್ಕೆ ಕೇವಲ 300 ಗಜಗಳಷ್ಟು ಸಮೀಪದಲ್ಲಿ ಈ ವ್ಯಕ್ತಿ ಕಾಣಿಸಿಕೊಳ್ಳುತ್ತಿದ್ದಾನೆ. ಈತನನ್ನು ಈಗಾಗಲೇ ಇನ್ನೂ ಕೆಲ ಪೈಲಟ್ಗಳು ನೀಡಿದ್ದಾರೆ. ನಿನ್ನೆ ಸಂಜೆ 6.30ರಲ್ಲಿ ವಿಮಾನ ನಿಲ್ದಾಣ ಸಮೀಪಿಸುತ್ತಿದ್ದಂತೆ ಲ್ಯಾಂಡಿಂಗ್ಗೆ ಸಜ್ಜಾಗುತ್ತಿದ್ದಾಗ ಹಾರಾಡುತ್ತಿದ್ದ ವ್ಯಕ್ತಿಯನ್ನು ಗುರುತಿಸಿದ್ದಾಗಿ ಒಬ್ಬ ಪೈಲಟ್ ಹೇಳಿದ್ದಾರೆ.
ನಂತರ ಕೂಡಲೇ ವಿಮಾನ ಹಾರಾಟ ನಿಯಂತ್ರಣ ಕೇಂದ್ರದಿಂದ ಎಲ್ಲ ವಿಮಾನಗಳಿಗೂ ಮಾಹಿತಿ ರವಾನೆ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.
ಕಳೆದ ಸೆಪ್ಟೆಂಬರ್ನಲ್ಲಿ ಮೊದಲು ಜೆಟ್ಪ್ಯಾಕ್ ಮನುಷ್ಯನನ್ನ ಪತ್ತೆ ಮಾಡಲಾಗಿತ್ತು. ಪೈಲೆಟ್ಗಳು ಈತನನ್ನು ಗಮನಿಸಿದ್ದರು. ನಂತರ ಫೆಡರಲ್ ಬ್ಯುರೋ ಆಫ್ ಇನ್ವೆಸ್ಟಿಗೇಷನ್ ತನಿಖೆ ಪ್ರಾರಂಭಿಸಿತ್ತು. ನಂತರ ಅಕ್ಟೋಬರ್ನಲ್ಲಿ ಲಾಸ್ ಎಂಜಲೀಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ 6500 ಅಡಿ ಎತ್ತರದಲ್ಲಿ 2ನೇ ಬಾರಿಗೆ ಜೆಟ್ಪ್ಯಾಕ್ ಮನುಷ್ಯನನ್ನ ಗುರುತಿಸಲಾಗಿತ್ತು.
ಈ ಸಮಯದಲ್ಲಿ ಪೈಲಟ್ ಜೆಟ್ಪ್ಯಾಕ್ ಮನುಷ್ಯನ ವಿಡಿಯೋವನ್ನ ಸೆರೆಹಿಡಿದಿದ್ದಾರೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಹಲವಾರು ಬಳಕೆದಾರರು ಹಂಚಿಕೊಂಡಿರುವ ವಿಡಿಯೋದಲ್ಲಿ ಮೋಡದ ಮಧ್ಯದಲ್ಲಿ ಚಲಿಸುತ್ತಿರೋದನ್ನ ಕಾಣಬಹುದಾಗಿದೆ.
ಕಾರಿನ ಮೇಲೆ ನಾಲ್ಕು ಬೆರಳಿನ ವಿಚಿತ್ರ ಹೆಜ್ಜೆ ಗುರುತು: ಉತ್ತರ ಸಿಗದ ಪ್ರಶ್ನೆಗಳು..!
ಸಂಸಾರಕ್ಕೆ ಒಪ್ಪದಾಕೆಗೆ ಡಿವೋರ್ಸ್ ಕೊಟ್ರೆ ಕೂಲಿ ಹಣದಲ್ಲೂ ಭಾಗ ಕೊಡ್ಬೇಕಾ? ಮನೆಯ ಪಾಲೂ ನೀಡ್ಬೇಕಾ?