ಕೋಲ್ಕತಾ: ಪಶ್ಚಿಮ ಬಂಗಾಳದಲ್ಲಿ ಇದೀಗ ‘ಮಾ’ದ್ದೇ ಸುದ್ದಿ. ದೀದೀ ಎಂದೇ ಪ್ರಚಲಿತದಲ್ಲಿರುವ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿಯವರಿಗೆ ‘ಮಾ’ ಎಂದೇ ಪ್ರಸಿದ್ಧಿಪಡೆದಿದ್ದಾರೆ. ಇದಕ್ಕೆ ಕಾರಣ, ಇವರು ಶುರು ಮಾಡಿರುವ ಕ್ಯಾಂಟೀನ್.
ಇನ್ನೇನು ಪಶ್ಚಿಮ ಬಂಗಾಳದಲ್ಲಿ ಚುನಾವಣೆ ಸಮೀಪವಾಗುತ್ತಿದೆ. ಇದರ ಬೆನ್ನಲ್ಲೇ ಮಮತಾ ಅವರು ‘ಮಾ’ ಎನ್ನುವ ಹೆಸರಿನ ಕ್ಯಾಂಟೀನ್ ಶುರು ಮಾಡಿದ್ದಾರೆ. ಕಡಿಮೆ ದುಡ್ಡಿನಲ್ಲಿ ಬಡವರಿಗೆ ಶುರು ಮಾಡಿರುವ ಈ ಕ್ಯಾಂಟೀನ್ನಿಂದಾಗಿ ಮಮತಾ ಬ್ಯಾನರ್ಜಿಯವರು ಸದ್ಯ ದೀದಿಯಿಂದ ಮಾಗೆ ಬಡ್ತಿ ಪಡೆದಿದ್ದಾರೆ.
ಜನಸಾಮಾನ್ಯರಿಗೆ ಉತ್ತಮವಾದ ಆಹಾರ ನೀಡುವ ಮೂಲಕ ಈ ಕ್ಯಾಂಟೀನ್ ಗಮನಸೆಳೆಯುತ್ತಿದೆ ಎನ್ನಲಾಗಿದೆ. ಕಳೆದ ಫೆಬ್ರವರಿ ತಿಂಗಳಲ್ಲಿ ಈ ಕ್ಯಾಂಟೀನ್ ತೆರೆಯಾಲಾಗಿದೆ. ಮಧ್ಯಾಹ್ನ 12.30 ರಿಂದ 3.00 ಗಂಟೆಯವರೆಗೆ ಕಾರ್ಯ ನಿರ್ವಹಿಸುವ ಈ ಕ್ಯಾಂಟೀನ್ನಲ್ಲಿ 5 ರೂಪಾಯಿಗೆ ಊಟ ನೀಡಲಾಗುತ್ತಿದೆ. ಇದರಲ್ಲಿ ಅನ್ನ, ಸಾಂಬಾರ್, ಕರಿ ಮತ್ತು ಮೊಟ್ಟೆ ಕರಿ ನೀಡಲಾಗುತ್ತಿದೆ.
ನಾನು ಊಟಕ್ಕಾಗಿ 35 ರೂಪಾಯಿಯನ್ನು ಖರ್ಚು ಮಾಡಬೇಕಾಗಿತ್ತು. ಆದರೆ ಇದೀಗ ‘ಮಾ’ ಕ್ಯಾಂಟೀನ್ ಬಡವರಿಗೆ ದೇವರಂತೆ ಬಂದಿದೆ. ಕೇವಲ 5 ರೂಪಾಯಿಗೆ ಊಟ ನೀಡುತ್ತಿದೆ. ಈ ಆಹಾರವು ಬಹಳ ಚೆನ್ನಾಗಿದೆ ಎಂದು ಹೊಗಳಲಾಗುತ್ತಿದೆ.
ಇದಾಗಲೇ ಮಮತಾ ಬ್ಯಾನರ್ಜಿಯವರು ‘ಮಾ’ ಕ್ಯಾಟೀಂನ್ ಗಾಗಿ 100 ಕೋಟಿ ರೂಪಾಯಿಯನ್ನು ಬಜೆಟ್ನಲ್ಲಿ ಕಾಯ್ದಿರಿಸಿದ್ದಾರೆ.
ರಾಷ್ಟ್ರೀಯ ಮುಕ್ತ ಶಾಲೆಯಲ್ಲಿದೆ ಹಲವಾರು ಹುದ್ದೆ- ನೇರ ಸಂದರ್ಶನದಿಂದ ಪಡೆಯಿರಿ ಉದ್ಯೋಗ
ಪತಿ, ಪ್ರೇಮಿ ಹಾಗೂ ಪಾಲಕರ ಚಾಯ್ಸ್… ಆಯ್ಕೆ ಮಾಡಲಾಗದೇ ಕುಗ್ಗಿಹೋಗಿದ್ದೇನೆ… ಏನು ಮಾಡಲಿ?
ಆರು ಗಂಟೆಯಲ್ಲಿ ಮೂರು ಬಾರಿ ಕಂಪಿಸಿದ ಭೂಮಿ: ಸುನಾಮಿ ಎಚ್ಚರಿಕೆ- ಎತ್ತರ ಪ್ರದೇಶಕ್ಕೆ ಸ್ಥಳಾಂತರ