ಈ ನಡುವೆಯೇ ಮೂರು ಬಾರಿ ಮಗಳು ಕಾಣೆಯಾಗಿದ್ದಾಳೆ ಎಂದು ದೂರು ದಾಖಲು ಮಾಡಿದ ತಂದೆ, ಪೊಲೀಸರ ಜತೆಗೆ ಆಕೆಯ ಪತಿಯ ಮನೆಗೆ ಬಂದಿದ್ದಾರೆ. ಪೊಲೀಸರು ಅದ್ಯಾವುದೋ ದಾಖಲೆಗಳಿಗೆ ಬಲವಂತದಿಂದ ಯುವತಿಯಿಂದ ಸಹಿ ಹಾಕಿಸಿಕೊಂಡಿದ್ದಾರೆ. ‘ಪತಿಯ ಮನೆಗೆ ವಾಪಸ್ ಹೋದ ಮೇಲೆ ಮತ್ತೆ ನನ್ನ ತಂದೆ ಮನೆಗೆ ಬಂದು ನನ್ನನ್ನು ಎಳೆದುಕೊಂಡು ಹೋದರು. ನರ್ಮದಾ ನದಿಗೆ ಕರೆದುಕೊಂಡು ಹೋಗಿ, ಅರೆಬೆತ್ತಲೆ ಮಾಡಿದರು. ಅಲ್ಲಿ ನಾಲ್ಕು ಮಂದಿ ಇದ್ದರು. ನನಗೆ ಹಿಂಸೆ ತಾಳಲು ಆಗುತ್ತಿರಲಿಲ್ಲ. ಆದರೂ ಬಲವಂತದಿಂದ ಅರೆನಗ್ನಗೊಳಿಸಿದರು. ಏಕೆ ಹೀಗೆ ಮಾಡುತ್ತಿದ್ದಿ ಎಂದು ಕೇಳಿದ್ದಕ್ಕೆ ದಲಿತನನ್ನು ಮದುವೆಯಾಗಿರುವುದಕ್ಕೆ ಇದು ಶುದ್ಧೀಕರಣ ಮಾಡು್ತಿರುವುದು ಎಂದರು. ನಂತರ ನದಿಯಲ್ಲಿ ಮುಳುಗಿಸಿದರು, ಕೂದಲು ಕತ್ತರಿಸಿದರು. ಬಟ್ಟೆಯನ್ನು ಅಲ್ಲೇ ಎಸೆಯಲು ಹೇಳಿದರು. ಅವರು ಹೊಸ ಬಟ್ಟೆ ತಂದಿದ್ದರು, ಸಾಲದು ಎನ್ನುವುದಕ್ಕೆ ಎಂಜಲು ಊಟ ತಿನ್ನಿಸಿದರು... ಎಂದು ಭಯಾನಕ ಘಟನೆ ವಿವರಿಸಿದ್ದಾಳೆ ಯುವತಿ.
