"ನೂರು ಅಪರಾಧಿಗಳಿಗೆ ಶಿಕ್ಷೆಯಾಗದಿದ್ದರೂ ಪರವಾಗಿಲ್ಲ. ಆದರೆ, ಒಬ್ಬ ನಿರಪರಾಧಿಗೆ ಶಿಕ್ಷೆಯಾಗಬಾರದು' ಎನ್ನುತ್ತದೆ ನ್ಯಾಯಶಾಸ್ತ್ರ. ನಿರ್ದೇಶಕ ಗುರುರಾಜ ಕುಲಕರ್ಣಿ "ದ ಜಡ್ಜ್ಮೆಂಟ್' ಕಥೆಯನ್ನೂ ಅದೇ ಹಿನ್ನೆಲೆಯಲ್ಲಿ ಮಾಡಿಕೊಂಡಿದ್ದಾರೆ. ಅದರಲ್ಲಿ ಕೊಲೆ, ಹವಾಲಾ ಹಣ, ಕ್ರಿಪ್ಟೋ ಕರೆನ್ಸಿ, ಭ್ರಷ್ಟಾಚಾರ, ಮಾಫಿಯಾ, ರಾಜಕೀಯ ಮೇಲಾಟ, ಸಾಮಾನ್ಯರ ಒದ್ದಾಟ, ಹೋರಾಟ, ಹೊಡೆದಾಟ, ಕೋರ್ಟ್ನಲ್ಲಿ ವಿಚಾರಣೆಯ ನೋಟ, ಭಾರತೀಯ ಕಾನೂನು ಸಂಹಿತೆಯ ಒಳನೋಟ… ಎಲ್ಲವೂ ಇದೆ. ಸಾಕಷ್ಟು ಅಧ್ಯಯನ ನಡೆಸಿ, ಹಳೆಯ ಕೇಸ್ಗಳನ್ನು ಹುಡುಕಿ, ಕಾಲ್ಪನಿಕ ಕಥೆಯಲ್ಲಿ ಹೂರಣದಂತೆ ಬೆರೆಸಿ, ನೈಜತೆಗೆ ಹತ್ತಿರವಿರುವಂತೆ ಚಿತ್ರವನ್ನು ಪ್ರಸ್ತುತಪಡಿಸಿದ್ದಾರೆ ಗುರುರಾಜ್.
