ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ನಟ ದಿಗಂತ್ ಹೆಚ್ಚಾಗಿ ರೊಮ್ಯಾಂಟಿಕ್ ಕಾಮಿಡಿ ಚಿತ್ರಗಳಲ್ಲಿ, ಚಾಕ್ಲೇಟ್ ಬಾಯ್ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಹೀಗಾಗಿಯೇ ಅವರನ್ನು ಸ್ಯಾಂಡಲ್ವುಡ್ನಲ್ಲಿ “ದೂದ್ಪೇಡಾ’ ಎನ್ನುತ್ತಾರೆ. ಇಂತಹ ದಿಗಂತ್ ಇದೇ ಮೊದಲ ಬಾರಿಗೆ ರಾವೇಂದ್ರ ನಾಯಕ್ ನಿರ್ದೇಶನದ “ಮಾರಿಗೋಲ್ಡ್’ ಸಿನಿಮಾದಲ್ಲಿ ರಾ, ರಗಡ್ ಪಾತ್ರದಲ್ಲಿ ನಟಿಸಿದ್ದಾರೆ. ಶುಕ್ರವಾರ (ಏ. 5) ಸಿನಿಮಾ ರಾಜ್ಯಾದ್ಯಂತ ರಿಲೀಸ್ ಆಗಲಿದ್ದು, ಅದೇ ಖುಷಿಯಲ್ಲಿ ದಿಗಂತ್ ವಿಜಯವಾಣಿ ಜತೆ ಮಾತಿಗೆ ಸಿಕ್ಕಿದ್ದರು.
ಮೊದಲ ಬಾರಿಗೆ ವಿಭಿನ್ನ ಪ್ರಯತ್ನ
“ಮಾರಿಗೋಲ್ಡ್’ ಕೆಮ್ ಥ್ರಿಲ್ಲರ್ ಜಾನರ್ ಚಿತ್ರವಾಗಿದ್ದು, ನಾಲ್ವರು ಗೆಳೆಯರು ಚಿನ್ನದ ಬಿಸ್ಕೆಟ್ ಮಾರಲು ಹೋಗಿ ಏನೆಲ್ಲಾ ಸಮಸ್ಯೆಗೆ ಸಿಲುಕುತ್ತಾರೆ ಎಂಬುದರ ಸುತ್ತ ಕಥೆ ಸಾಗುತ್ತದೆ. ದಿಗಂತ್ ಜತೆ ಸಂಗೀತಾ ಶೃಂಗೇರಿ, ಯಶ್ ಶೆಟ್ಟಿ ಮತ್ತು ಕಾಕ್ರೋಚ್ ಸುಧಿ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಚಿತ್ರದ ಬಗ್ಗೆ ದಿಗಂತ್, “ಈ ಸಿನಿಮಾದಲ್ಲಿ ರಾ, ರಗಡ್ ಪಾತ್ರ ಮಾಡಿದ್ದೇನೆ. ಈ ಹಿಂದೆ ಈ ರೀತಿ ಪಾತ್ರ ಮಾಡಿರಲಿಲ್ಲ. ರೊಮ್ಯಾಂಟಿಕ್ ಕಾಮಿಡಿ, ಕಾಮಿಡಿ ಸಿನಿಮಾಗಳನ್ನು ಹೆಚ್ಚು ಮಾಡಿರುವ ಕಾರಣ, ನನ್ನ ಕರಿಯರ್ನಲ್ಲಿ ಡಿರೆಂಟ್ ಸಿನಿಮಾ. ಬಾಡಿ ಲಾಂಗ್ವೇಜ್, ಡೈಲಾಗ್ಸ್ ಮತ್ತು ಡೈಲಾಗ್ ಡೆಲಿವರಿ ಎಲ್ಲವೂ ವಿಭಿನ್ನವಾಗಿತ್ತು’ ಎಂದು ಹೇಳಿಕೊಳ್ಳುತ್ತಾರೆ. ಹಾಗೇ ಸಿನಿಮಾ ಪ್ರಾರಂಭವಾದ ಬಗ್ಗೆ ದಿಗಂತ್, “ನಾನು ರಾು ಹಳೆಯ ಪರಿಚಯ. ಒಂದು ದೊಡ್ಡ ಬ್ಯಾನರ್ನಲ್ಲಿ 2013, 14ರಲ್ಲಿ ಸಿನಿಮಾ ಮಾಡಬೇಕಿತ್ತು. ಆ ಸಿನಿಮಾ ಆಗಲಿಲ್ಲ. ಆದರೆ, ಕಥೆ ಪ್ರೊಡಕ್ಷನ್ ಹೌಸ್ ಜತೆ ಉಳಿಯಿತು. ಆಗ ತುಂಬ ಬೇಜಾರಾಗಿತ್ತು. ಏನ್ ಮಾಡೋದು ಅಂತ ಯೋಚಿಸುತ್ತಿದ್ದೆವು. ಕೆಲ ವರ್ಷಗಳ ಬಳಿಕ ರಾು ಬಂದು ಈ ಕಥೆ ಹೇಳಿದರು. ಇಷ್ಟವಾಯಿತು. ರಾು ಹಲವು ಸಿನಿಮಾಗಳಿಗೆ ಕೆಲಸ ಮಾಡಿದ್ದಾರೆ. ಈ ಸಿನಿಮಾ ಚೆನ್ನಾಗಿ ಮಾಡುತ್ತಾರೆ ಅಂತ ಗೊತ್ತಿತ್ತು’ ಎನ್ನುತ್ತಾರೆ.
ಆ ಟಾರ್ಚರ್ ಯಾರಿಗೂ ಬೇಡ!
ಬೇಸಗೆಯ ಉರಿಬಿಸಲು, ಕಸ ತುಂಬಿದ, ದುರ್ನಾತ ಬೀರುವ ಜಾಗಗಳಲ್ಲಿ ಚಿತ್ರೀಕರಣ ನಡೆಸಿದ ಅನುಭವ ಹಂಚಿಕೊಳ್ಳುವ ದಿಗಂತ್, “ಚಿತ್ರದುರ್ಗದ ವಿಂಡ್ ಮಿಲ್ ಬಳಿ ಬೇಸಗೆಯ ಉರಿಬಿಸಿಲು, ಧೂಳಿನ ನಡುವೆ ಶೂಟ್ ಮಾಡಿದ್ದೇವೆ. ಅದಕ್ಕಿಂತ ಹೆಚ್ಚಾಗಿ ಟಾರ್ಚರ್ ಸೀನ್ ಒಂದನ್ನು ಎಚ್ಎಂಟಿ ್ಯಾಕ್ಟರಿಯಲ್ಲಿ ಚಿತ್ರೀಕರಣ ಮಾಡಿದೆವು. ನೆಲದ ಮೇಲೆ ಊಟ ಹಾಕುತ್ತಾರೆ, ಅದನ್ನು ತಿನ್ನಬೇಕು. ಎಷ್ಟೋ ವರ್ಷಗಳ ಕಸ, ಧೂಳು, ವಾಸನೆಯ ನಡುವೆ ಚಿತ್ರತಂಡವರೆಲ್ಲರೂ ಎಲ್ಲರೂ ಮಾಸ್ಕ್ ಹಾಕಿಕೊಂಡು ಶೂಟ್ ಮಾಡುತ್ತಿದ್ದರೆ, ನಾನು ಮೂರ್ನಾಲ್ಕು ದಿನ ಪ್ರತಿ ಶಾಟ್ಗೆ ಮಾಸ್ಕ್ ತೆಗೆದು ಕ್ಯಾಮರಾ ಮುಂದೆ ಬರಬೇಕಿತ್ತು. ಆ ಟಾರ್ಚರ್ ಸೀನ್ ಶೂಟಿಂಗ್ ಮುಗಿಯುವಷ್ಟರಲ್ಲಿ ನಿಜವಾದ ಟಾರ್ಚರ್ ಆಗಿತ್ತು’ ಎಂದು ನಗುತ್ತಾರೆ ದಿಗಂತ್.
ಫೋರ್ ಬಾರಿಸಲು ರೆಡಿ
ಐಪಿಎಲ್ ಹಂಗಾಮಾ ನಡುವೆಯೇ ನಟ ದಿಗಂತ್ ಕೂಡ ಈ ವರ್ಷ ಫೋರ್ ಬಾರಿಸಲು ರೆಡಿಯಾಗಿದ್ದಾರೆ. ಈ ವಾರ “ಮಾರಿಗೋಲ್ಡ್’ ತೆರೆಗೆ ಬರಲಿದ್ದು, “ಐಪಿಎಲ್ ನಡೆಯುತ್ತಿದೆ. ಚುನಾವಣೆ ಬೇರೆ ಇದೆ. ಮೂರ್ನಾಲ್ಕು ಚಿತ್ರಗಳು ತೆರೆಗೆ ಬರುತ್ತಿವೆ. ಎಲ್ಲ ಸಿನಿಮಾಗಳನ್ನೂ ಬೆಂಬಲಿಸಿ’ ಎನ್ನುತ್ತಾರೆ. ಅದರ ಜತೆಗೆ ದಿಗಂತ್ “ಪೌಡರ್’, “ಎಡಗೈಯೇ ಅಪಘಾತಕ್ಕೆ ಕಾರಣ’ ಮತ್ತು “ದ ಜಡ್ಜ್ಮೆಂಟ್’ ಚಿತ್ರಗಳಲ್ಲಿ ನಟಿಸುತ್ತಿದ್ದು, ಆ ಸಿನಿಮಾಗಳು ಸದ್ಯ ವಿವಿಧ ಹಂತದಲ್ಲಿವೆ.
