ಬೆಂಗಳೂರು: ಮಾಜಿ ಸಚಿವ ರಮೇಶ್ ಜಾರಕಿಹೊಳಿಯದ್ದು ಎನ್ನಲಾದ ಸೆಕ್ಸ್ ವಿಡಿಯೋದಲ್ಲಿರುವ ಸಂತ್ರಸ್ತ ಯುವತಿ ಇದ್ದದ್ದು ಪಿಜಿ(ಪೇಯ್ಡ್ ಗೆಸ್ಟ್)ನಲ್ಲಿ ಅಲ್ಲ, ಬದಲಾಗಿ ಇಂಡಿಪೆಂಡೆಂಟ್ ರೂಂನಲ್ಲಿ ಎಂಬ ಮಾಹಿತಿ ಲಭ್ಯವಾಗಿದೆ.
ಡ್ರೋನ್ ಕ್ಯಾಮರಾ ಮೂಲಕ ಡ್ಯಾಂಗಳ ಚಿತ್ರೀಕರಣ ಮಾಡಬೇಕು, ಅವಕಾಶ ಕೊಡಿ ಎಂದು ಜಲಸಂಪನ್ಮೂಲ ಸಚಿವರಾಗಿದ್ದ ರಮೇಶ್ ಜಾರಕಿಹೊಳಿ ಬಳಿ ಹೋದ ಯುವತಿಗೆ ಕೆಪಿಟಿಸಿಎಲ್ನಲ್ಲಿ ಉದ್ಯೋಗ ಕೊಡಿಸುವ ಆಮಿಷವೊಡ್ಡಿ ಸಚಿವರು ಕಾಮತೃಷೆಗೆ ಬಳಸಿಕೊಂಡು ವಂಚಿಸಿದ್ದಾರೆ. ಇದರ ಸತ್ಯಾಸತ್ಯತೆಯನ್ನ ಪರಿಶೀಲಿಸಿ ಎಂದು ಸಾಮಾಜಿಕ ಕಾರ್ಯಕರ್ತ ದಿನೇಶ್ ಕಲ್ಲಹಳ್ಳಿ ನಗರದ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಗೆ ದೂರು ನಿಡಿದ್ದರು. ಸಚಿವರದ್ದು ಎನ್ನಲಾದ ಸೆಕ್ಸ್ ವಿಡಿಯೋ ರಿಲೀಸ್ ರಾಜ್ಯದಲ್ಲಿ ಭಾರಿ ಕೋಲಾಹಲ ಎಬ್ಬಿಸಿದೆ. ಕೊನೆಗೆ ಆರೋಪಕ್ಕೊಳಗಾದ ರಮೇಶ್ ಜಾರಕಿಹೊಳಿ ಸಚಿವ ಸ್ಥಾನಕ್ಕೆ ರಾಜೀನಾಮೆಯನ್ನೂ ಕೊಟ್ಟಿದ್ದಾರೆ. ಈ ನಡುವೆ ಸಂತ್ರಸ್ತ ಯುವತಿ ಯಾರು? ಆಕೆ ಏಕೆ ದೂರು ಕೊಡಲು ಬಂದಿಲ್ಲ, ಇದು ಪಕ್ಕಾ ಪ್ಲಾನ್ಡ್, ಹನಿಟ್ರ್ಯಾಪ್, ರಾಜಕೀಯ ಷಡ್ಯಂತ್ರ… ಎಂಬ ಮಾತುಗಳು ದಟ್ಟವಾಗಿ ಕೇಳಿಬರುತ್ತಿವೆ. ಮಾ.2ರಂದು ಸಿಡಿ ಸ್ಫೋಟಗೊಂಡಾಗಿನಿಂದ ಇಂದಿನವರೆಗೂ ಸಂತ್ರಸ್ತ ಯುವತಿ ಎಲ್ಲಿದ್ದಾಳೆಂಬ ಮಾಹಿತಿ ಸಿಕ್ಕಿರಲಿಲ್ಲ. ಆದರೆ, ಆಕೆಗೆ ಸಂಬಂಧಿಸಿದ ಕೆಲ ಮಹತ್ವದ ಈಗ ಮಾಹಿತಿ ಸಿಕ್ಕಿದೆ. ಇದನ್ನೂ ಓದಿರಿ ಸಿಡಿ ಟೆನ್ಶನ್: 26 ಜನಪ್ರತಿನಿಧಿಗಳು ಕೋರ್ಟ್ಗೆ ಮೊರೆ!
ಸಂತ್ರಸ್ತ ಯುವತಿ ಹೆಬ್ಬಾಳದ ಖಾಸಗಿ ಕಾಲೇಜ್ನಲ್ಲಿ ಇಂಜಿನಿಯರಿಂಗ್ ಮುಗಿಸಿ ಕೆಲಸಕ್ಕೆ ಹೋಗ್ತಿದ್ದರು. ಅಲ್ಲದೆ ಜಾರಕಿಹೊಳಿಯದ್ದು ಎನ್ನಲಾದ ವಿಡಿಯೋದಲ್ಲಿ ಲೇಡಿಸ್ ಪಿಜಿನಲ್ಲಿ ವಾಸವಿರುವುದಾಗಿ ಹೇಳಿರುವ ಧ್ವನಿ ಇದೆ. ಆದರೆ, ಆಕೆ ಸುರೇಶ್ ಕುಮಾರ್ ಎಂಬುವರಿಗೆ ಸೇರಿದ ಕಟ್ಟಡದ ಸಿಂಗಲ್‌ ರೂಂನಲ್ಲಿ ಬಾಡಿಗೆಗೆ ಇದ್ದರು.
ಇದು ಪಿಜಿ ಅಲ್ಲ, ಈ ಕಟ್ಟದಲ್ಲಿ ಪ್ರತ್ಯೇಕ ನಾಲ್ಕು ರೂಂಗಳನ್ನು ಬಾಡಿಗೆಗೆ ಕೊಟ್ಟಿದ್ವಿ. ಆ ಪೈಕಿ ಮೊದಲ ಮಹಡಿಯ ಒಂದು ರೂಂನಲ್ಲಿ 2018ರಿಂದ ಇದೇ ರೂಂನಲ್ಲಿ ವಾಸವಿದ್ದ ಯುವತಿ, ಸಿಡಿ ಸ್ಫೋಟಗೊಳ್ಳುವ ಹಿಂದಿನ ದಿನದವರೆಗೂ ಅಂದರೆ ಮಾ.1ರಂದು ಕೂಡ ಇದೇ ರೂಂನಲ್ಲಿ ಇದ್ದರು. ಆ ನಂತರ ಎಲ್ಲಿಗೆ ಹೋಗಿದ್ದಾಳೆ ಎಂಬುದು ಗೊತ್ತಿಲ್ಲ ಎಂದು ಸುರೇಶ್ ಕುಮಾರ್ ‘ದಿಗ್ವಿಜಯ ನ್ಯೂಸ್’ಗೆ ತಿಳಿಸಿದ್ದಾರೆ.
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಸೆಕ್ಸ್ ವಿಡಿಯೋದಲ್ಲಿ ರಮೇಶ್ ಜಾರಕಿಹೊಳಿಯ ಮಚ್ಚೆ ಹುಡುಕಿದ ಮಹೇಶ್ ಕುಮಟಳ್ಳಿ!
ನಮ್ಮ ವಿರುದ್ಧ ತೇಜೋವಧೆ ನಡೆಯುತ್ತಿದೆ.. 6 ಜನ ಮಾತ್ರವಲ್ಲ, ಎಲ್ಲ ಸಚಿವರೂ ಕೋರ್ಟ್ ಹೋಗ್ತಾರೆ…