ನವದೆಹಲಿ: ಸ್ಫೋಟಕ ಆಟದಿಂದ ಮಾತ್ರವಲ್ಲ ತಮ್ಮ ವಿಚಿತ್ರ ವರ್ತನೆಯಿಂದಲೂ ವೆಸ್ಟ್ಇಂಡಿಸ್ ದಾಂಡಿಗ ಕೀರಾನ್ ಪೋಲಾರ್ಡ್ ಆಗಾಗ ಸುದ್ದಿಯಲ್ಲಿರುತ್ತಾರೆ. ಐಪಿಎಲ್ನಲ್ಲಿ ಬಾಯಿಗೆ ಟೇಪ್ ಹಾಕಿಕೊಂಡು ಹಾಗೂ ಬೌಲರ್ ಕಡೆಗೆ ಬ್ಯಾಟ್ ಬೀಸಿ ಸುದ್ದಿಯಾಗಿದ್ದರು. ಪೊಲಾರ್ಡ್ ಅವರ ಅನೇಕ ನಡವಳಿಕೆಗಳು ವೀಕ್ಷಕರಿಗೆ ನಗು ತರಿಸಿದರೆ, ಕೆಲವರಿಗೆ ಮುಜುಗರ ಉಂಟು ಮಾಡುತ್ತಿದೆ. ಅದೇ ರೀತಿಯ ಘಟನೆ ಕೆರಿಬಿಯನ್ ಪ್ರೀಮಿಯರ್ ಲೀಗ್ (ಸಿಪಿಎಲ್)ನಲ್ಲೂ ಆಗಿದೆ.
ಸಿಪಿಎಲ್ನಲ್ಲಿ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡದ ಪರ ಆಡುತ್ತಿರುವ ಕೀರನ್ ಪೊಲಾರ್ಡ್ ಮಂಗಳವಾರ ನಡೆದ ಪಂದ್ಯದ ವೇಳೆ ಮೈದಾನದಲ್ಲಿಯೇ ಎಂದಿನಂತೆ ತಮ್ಮದೇ ಶೈಲಿಯಲ್ಲಿ ವಿಚಿತ್ರ ಹಾಗೂ ವಿನೂತನ ಪ್ರತಿಭಟನೆ ನಡೆಸಿದರು. ಎದುರಾಳಿ ಸೆಂಟ್ಲೂಸಿಯಾ ಕಿಂಗ್ಸ್ ತಂಡದ ಆಟಗಾರ ವಹಾಬ್ ರಿಯಾಜ್ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡದ ಬ್ಯಾಟ್ಸ್ಮನ್ ಟಿಮ್ ಸೈಫರ್ಟ್ಗೆ ಎಸೆದ ಚೆಂಡು ಸ್ಟಂಪ್ನ ಹೊರಭಾಗಕ್ಕೆ ಹೋಯಿತು. ಆ ಬಾಲನ್ನು ಹೊಡೆಯುವ ಪ್ರಯತ್ನ ಮಾಡಿದಾದರೂ ಸೈಫರ್ಟ್ ಕೈಯಲ್ಲಿ ಆಗಲಿಲ್ಲ.
ಬಾಲ್ ಸ್ಟಂಪ್ನಿಂದ ಹೊರಗಡೆ ಇದ್ದರಿಂದ ಸಜಜವಾಗಿಯೇ ಅಂಪೈರ್ ವೈಡ್ ಎಂಬ ತೀರ್ಮಾನ ನೀಡಬಹುದು ಅಂತಾ ಸೈಫರ್ಟ್ ಮತ್ತು ಪೊಲಾರ್ಡ್ ಅಂದುಕೊಂಡರು. ಆದರೆ, ಅಂಪೈರ್ ಇಬ್ಬರನ್ನು ನಿರಾಸೆಗೊಳಿಸಿದರು. ಆ ಎಸೆತವನ್ನು ವೈಡ್ ಎಂದು ಪರಿಗಣಿಸಲಿಲ್ಲ. ಇದರಿಂದ ಅಸಮಾಧಾನಗೊಂಡ ನಾನ್ಸ್ಟ್ರೈಕ್ ವಿಭಾಗದಲ್ಲಿ ನಿಂತಿದ್ದ ಪೊಲಾರ್ಡ್ ಏನೂ ಮಾತನಾಡದೇ ಅಂಪೈರ್ನಿಂದ ಬಹಳ ಅಂತರ ಕಾಯ್ದುಕೊಳ್ಳುವ ಮೂಲಕ ವಿನೂತನ ರೀತಿಯಲ್ಲಿ ಪ್ರತಿಭಟಿಸಿದರು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
— Hassam (@Nasha_e_cricket) August 31, 2021
ಪಂದ್ಯದ ವಿಚಾರಕ್ಕೆ ಬಂದರೆ ಪೊಲಾರ್ಡ್ ಮತ್ತು ಸೈಫರ್ಟ್ ಐದನೇ ವಿಕೆಟ್ಗೆ 78 ರನ್ ಜತೆಯಾಟವಾಡುವ ಮೂಲಕ ಸೆಂಟ್ಲೂಸಿಯಾ ಕಿಂಗ್ಸ್ ತಂಡಕ್ಕೆ 158 ರನ್ ಗುರಿ ನೀಡಿದರು. ಪೊಲಾರ್ಡ್ 26 ಎಸೆತಗಳಲ್ಲಿ 41 ರನ್ ಕಲೆಹಾಕಿದ್ರೆ ಸೈಫರ್ಟ್ 25 ಎಸೆತದಲ್ಲಿ 37 ರನ್ ಗಳಿಸಿದರು. ಗುರಿ ಬೆನ್ನತ್ತಿದ ಎದುರಾಳಿ ತಂಡ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 131 ರನ್ ಗಳಿಸುವ ಮೂಲಕ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ಎದುರು ಸೋಲಿಗೆ ಶರಣಾಯಿತು. (ಏಜೆನ್ಸೀಸ್)
MLA ಪುತ್ರನ ಡೆಡ್ಲಿ ಕಾರು ಅಪಘಾತಕ್ಕೆ ಕಾರಣವಾಯ್ತಾ ನೀರಿನ ಬಾಟಲ್? ಇಲ್ಲಿದೆ ಶಾಕಿಂಗ್ ಸಂಗತಿ..!
MLA ಪುತ್ರನ ಕಾರು ಅಪಘಾತ: ಸಾವಿಗೂ ಮುನ್ನ ತರಾತುರಿಯಲ್ಲಿ ಪ್ರೇಯಸಿ ಖರೀದಿಸಿದ್ದೇನು?
ಮಹಿಳೆಯರೇ, ಸ್ತನ ಕ್ಯಾನ್ಸರ್ ಬಗ್ಗೆ ಎಚ್ಚರ ವಹಿಸಿ! ರೋಗಲಕ್ಷಣ, ತಪಾಸಣೆ, ಚಿಕಿತ್ಸೆ… ವಿವರಗಳು ಇಲ್ಲಿವೆ