ಮುಂಬೈ: ಬ್ಲೂ ಫಿಲ್ಮ್ ಕೇಸ್ನಲ್ಲಿ ಬಂಧನವಾಗಿರುವ ಉದ್ಯಮಿ ಹಾಗೂ ಖ್ಯಾತ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ಪರ ವಕೀಲರು ಪ್ರಕರಣದಲ್ಲಿ ಪೊಲೀಸರ ನಡೆಯನ್ನೇ ಟೀಕಿಸಿದ್ದಾರೆ. ಪೋರ್ನೊಗ್ರಫಿಕ್ ಸಿನಿಮಾ ಅಥವಾ ವೆಬ್ ಸರಣಿಯನ್ನು ಅಶ್ಲೀಲ ಎಂದು ವರ್ಗೀಕರಿಸುತ್ತಿರುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ರಾಜ್ ಕುಂದ್ರಾ ಪರ ವಕೀಲರಾದ ಅಬ್ಯಾಡ್ ಪಾಂಡ ಎಂಬುವರು ವಕಾಲತ್ತು ವಹಿಸಿದ್ದಾರೆ. ಮಂಗಳವಾರ ತಮ್ಮ ಕಕ್ಷಿದಾರನ ಪರ ವಕೀಲರು ವಾದ ಮಂಡಿಸಿದರು. ಅಶ್ಲೀಲ ವಸ್ತುಗಳನ್ನು ಎಲೆಕ್ಟ್ರಾನಿಕ್ ರೂಪದಲ್ಲಿ ಕಳುಹಿಸುವುದು ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಸೆಕ್ಷನ್ 67 ಎ ಅಡಿಯಲ್ಲಿ ಬರುವುದಿಲ್ಲ. ಪ್ರಕರಣದಲ್ಲಿ ಐಟಿ ಸೆಕ್ಷನ್ ಅನ್ವಯಿಸಿರುವುದು ತಪ್ಪಾಗಿದೆ. ಅಶ್ಲೀಲ ಚಿತ್ರಗಳಿಗೆ ಸಂಬಂಧಿಸಿದ ಭಾರತೀಯ ದಂಡ ಸಂಹಿತೆಯಲ್ಲಿನ ಸೆಕ್ಷನ್ಗಳ ಪ್ರಕಾರ “ನಿಜವಾದ ಸಂಭೋಗ” ವನ್ನು ಅಶ್ಲೀಲವೆಂದು ಪರಿಗಣಿಸಲಾಗುತ್ತದೆ ಹೊರತು ಉಳಿದದ್ದನ್ನು ಕೇವಲ ಅಶ್ಲೀಲ ವಿಷಯ ಎಂದು ಕಾನೂನಿನಲ್ಲಿ ಪರಿಗಣಿಸಲಾಗಿದೆ ಎಂದು ವಕೀಲರು ಹೇಳಿದ್ದಾರೆ.
ಐಪಿಸಿ ಸೆಕ್ಷನ್ ಜತೆ ಐಟಿ ಕಾಯ್ದೆ ಸೆಕ್ಷನ್ಗಳನ್ನು ಸೇರಿಸುವಂತಿಲ್ಲ. ಆದರೆ, ಈ ಪ್ರಕರಣದಲ್ಲಿ ಪೊಲೀಸರು ಅದೇ ಕೆಲಸ ಮಾಡಿದ್ದಾರೆಂದು ಪೊಲೀಸರು ಕ್ರಮವನ್ನು ಪಾಂಡ ಅವರು ಟೀಕಿಸಿದ್ದಾರೆ.
ಸುಮಾರು 4 ಗಂಟೆಗಳ ವಿಚಾರಣೆ ಬಳಿಕ ಜುಲೈ 19ರಂದು ಮುಂಬೈ ಅಪರಾಧ ವಿಭಾಗದ ಪೊಲಿಸರು ಉದ್ಯಮಿ ಹಾಗೂ ಖ್ಯಾತಿ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾರನ್ನು ಬಂಧಿಸಿದ್ದಾರೆ. ನೀಲಿ ಚಿತ್ರಗಳನ್ನು ಸೆರೆಹಿಡಿದು ಭಾರತದ ಹೊರಗೆ ಲಭ್ಯವಿರುವ ಅನೇಕ ಪೇಯ್ಡ್ ಆ್ಯಪಗಳಲ್ಲಿ ಅಪ್ಲೋಡ್ ಮಾಡಿರುವುದರ ವಿರುದ್ಧ ಫೆಬ್ರವರಿ 4ರಂದು ದಾಖಲಾಗಿರುವ ದೂರಿನ ಆಧಾರದ ಮೇಲೆ ಕುಂದ್ರಾ ಬಂಧನವಾಗಿದೆ. ಸದ್ಯ ಆರೋಪಿ ಕುಂದ್ರಾರನ್ನು ಮುಂಬೈನ ಮೆಟ್ರೋಪಾಲಿಟನ್ ಕೊರ್ಟ್ ಜುಲೈ 23ರವರೆಗೆ ಪೊಲೀಸ್ ಕಸ್ಟಡಿಗೆ ನೀಡಿದೆ.
ಈ ಪ್ರಕರಣದಲ್ಲಿ ಈವರೆಗೆ 11 ಜನರನ್ನು ಬಂಧಿಸಲಾಗಿದೆ. ತಮ್ಮ ಕಂಪನಿಯ ಐಟಿ ನೋಡಿಕೊಳ್ಳುತ್ತಿದ್ದ ಶ್ರೀ ಕುಂದ್ರಾ ಅವರ ಆಪ್ತ ಸಹಾಯಕ ರಿಯಾನ್ ಥಾರ್ಪ್ ಅವರನ್ನು ಮಂಗಳವಾರ ಬಂಧಿಸಲಾಗಿದೆ. (ಏಜೆನ್ಸೀಸ್)
ಬ್ಲೂ ಫಿಲ್ಮ್ ದಂಧೆಯಲ್ಲಿ ರಾಜ್ ಕುಂದ್ರಾ ಸಿಕ್ಕಿಬಿದ್ದಿದ್ಹೇಗೆ? ಮುಂಬೈನ ಕರಾಳ ಲೋಕ ಬಿಚ್ಚಿಟ್ಟ ಪೊಲೀಸ್ ಆಯುಕ್ತ!
ಸಾಕಪ್ಪ ಸಾಕು ರಾಜ್ ಕುಂದ್ರಾ ಸಹವಾಸ: 2019ರಲ್ಲಿ ನಡೆದ ಕರಾಳ ಘಟನೆ ಬಿಚ್ಚಿಟ್ಟ ಪೂನಂ ಪಾಂಡೆ..!
ವೆಬ್ ಸರಣಿಯಲ್ಲಿ ನಟಿಸುವುದಾದ್ರೆ ಹೀಗೆ ಮಾಡಿ! ನಟಿಗೆ ಓಪನ್ ಆಫರ್ ಕೊಟ್ಟಿದ್ರಂತೆ ರಾಜ್ ಕುಂದ್ರಾ