ನ್ಯೂಯಾರ್ಕ್: ಪ್ರತಿಷ್ಠಿತ ಯುಎಸ್ ಓಪನ್ ಗ್ರಾಂಡ್ ಸ್ಲಾಂ ಟೆನ್ನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ವಿಭಾಗದ ಫೈನಲ್ ಪಂದ್ಯದಲ್ಲಿ ಬ್ರಿಟನ್ನ 18 ವರ್ಷದ ಎಮ್ಮಾ ರಾಡುಕೇನು ಕೆನಾಡದ 19 ವರ್ಷದ ಲೇಲಾ ಫೆರ್ನಾಂಡಿಸ್ ವಿರುದ್ಧ ಗೆಲವು ಸಾಧಿಸುವ ಮೂಲಕ ಹೊಸ ದಾಖಲೆಯನ್ನು ಬರೆದಿದ್ದಾರೆ.
ಶನಿವಾರ ನಡೆದ ಫೈನಲ್ನಲ್ಲಿ ಎಮ್ಮಾ ರಾಡುಕೇನು ಅಮೋಘ ಗೆಲವು ಸಾಧಿಸುವ ಮೂಲಕ ಸುಮಾರು 53 ವರ್ಷಗಳ ನಂತರ ಬ್ರಿಟನ್ ಆಟಗಾರ್ತಿಯೊಬ್ಬರು ಅಮೆರಿಕನ್ ಓಪನ್ ಪ್ರಶಸ್ತಿ ಗೆದ್ದ ದಾಖಲೆಯನ್ನು ಬರೆದಿದ್ದಾರೆ. ವಿಶ್ವ ನಂ 150ನೇ ಆಟಗಾರ್ತಿ ರಾಡುಕೇನು ವಿಶ್ವ ನಂ. 73ನೇ ಎಡಗೈ ಆಟಗಾರ್ತಿ ಫರ್ನಾಂಡೀಸ್ ಅವರನ್ನು 6-4, 6-3 ರಿಂದ ಮಣಿಸಿ, ಯುಎಸ್ ಓಪನ್ ಗ್ರಾಂಡ್ ಸ್ಲಾಂ ಮಹಿಳೆಯರ ಸಿಂಗಲ್ಸ್ ಕಿರೀಟವನ್ನು ಮುಡಿಗೇರಿಸಿಕೊಂಡರು.
1977ರಲ್ಲಿ ವಿಂಬಲ್ಡನ್ನಲ್ಲಿ ಬ್ರಿಟಿಷ್ ಆಟಗಾರ್ತಿ ವರ್ಜಿನಿಯಾ ವೇಡ್ ಸಿಂಗಲ್ಸ್ ಟೈಟಲ್ ಗೆದ್ದಿದ್ದರು. ಅದಕ್ಕೂ ಮುನ್ನ 1968ರಲ್ಲಿ ವೇಡ್, ಯುಎಸ್ ಓಪನ್ ಕಿರೀಟ ಮುಡಿಗೇರಿಸಿಕೊಂಡಿದ್ದರು. ಅಂದಿನಿಂದ ಯಾವೊಬ್ಬ ಬ್ರಿಟನ್ ಆಟಗಾರ್ತಿಯು ಕೂಡ ಟ್ರೋಫಿ ಗೆದ್ದಿರಲಿಲ್ಲ. ಇದೀಗ 53 ವರ್ಷಗಳ ಬಳಿಕ ಯುಎಸ್ ಓಪನ್ ಪ್ರಶಸ್ತಿ ಗೆದ್ದ ಮೊದಲ ಬ್ರಿಟನ್ ಮಹಿಳಾ ಆಟಗಾರ್ತಿ ಎಂಬ ಕೀರ್ತಿಗೆ ರಾಡುಕೇನು ಭಾಜನರಾಗಿದ್ದಾರೆ.
ಬ್ರಿಟನ್ನ ರಾಣಿ ಎಲಿಜಬೆತ್ ಕೂಡಾ ಎಮ್ಮಾ ರಾಡುಕೇನು ಅವರನ್ನು ಅಭಿನಂದಿಸಿದ್ದಾರೆ. ಎಮ್ಮಾ ರಾಡುಕೇನು ಅವರಿಗೆ ಶುಭಾಶಯಗಳನ್ನು ಕೋರುತ್ತೇನೆ. ಚಿಕ್ಕವಯಸ್ಸಿನಲ್ಲೇ ಈ ಸಾಧನೆಯನ್ನು ಅವರು ಮಾಡಿದ್ದಾರೆ. ನೀವು ಮುಂದಿನ ತಲೆಮಾರಿನ ಟೆನ್ನಿಸ್ ಆಟಗಾರರಿಗೆ ಪ್ರೇರಣೆಯಾಗಿದ್ದೀರಿ ಎಂದಿದ್ದಾರೆ. ಬ್ರಿಟನ್ನ ಪ್ರಧಾನಿ ಬೋರಿಸ್ ಜಾನ್ಸನ್ ಮತ್ತು ಕ್ರೀಡಾ ಸಚಿವ ನಿಗೆಲ್ ಹಡಲ್ಸ್ಟನ್ ಕೂಡಾ ಎಮ್ಮಾ ರಾಡುಕೇನು ಅವರ ಸಾಧನೆಗೆ ಅಭಿನಂದನೆ ಸಲ್ಲಿಸಿದ್ದಾರೆ. (ಏಜೆನ್ಸೀಸ್)
ಗಣೇಶನ ಮೂರ್ತಿ ಹಿಡಿದ ಎಬಿಡಿ: ವೈರಲ್ ಫೋಟೋ ಹಿಂದಿರುವ ಅಸಲಿಯತ್ತು ಹೀಗಿದೆ ನೋಡಿ…
ಕನಸು ನನಸಾಯಿತು: ಅಪ್ಪ-ಅಮ್ಮನನ್ನು ಮೊದಲ ಬಾರಿಗೆ ವಿಮಾನದಲ್ಲಿ ಕರೆದೊಯ್ದ ಖುಷಿ ಹಂಚಿಕೊಂಡ ಚಿನ್ನದ ಹುಡುಗ