ಹೈದರಾಬಾದ್: ಶೇಖರ್ ಮಾಸ್ಟರ್ ಟಾಲಿವುಡ್ನ ಟಾಪ್ ಕೊರಿಯೋಗ್ರಾಫರ್. ಸ್ಟಾರ್ ಹೀರೋಗಳಿಗೆ ಡ್ಯಾನ್ಸ್ ಹೇಳಿಕೊಟ್ಟಿರುವ ಶೇಖರ್, ತೆಲುಗು ಚಿತ್ರರಂಗದಲ್ಲಿ ಬಹುಬೇಡಿಕೆ ಹಾಗೂ ಎಲ್ಲರಿಗೂ ಪರಿಚಿತರಾಗಿರುವ ಖ್ಯಾತ ಕೊರಿಯೋಗ್ರಾಫರ್. ಇದೀಗ ಅವರಿಗೆ ಗೂಗಲ್ ಶಾಕ್ ನೀಡಿದೆ.
ಗೂಗಲ್ನಲ್ಲಿ ಶೇಖರ್ ಮಾಸ್ಟರ್ ಎಂದು ಸರ್ಚ್ ಮಾಡಿದರೆ, ವಿಕಿಪೀಡಿಯದಲ್ಲಿ ಅವರ ಜನ್ಮ ದಿನಾಂಕ 1963 ಎಂದು ತೋರಿಸುತ್ತದೆ. ಇಷ್ಟೇ ಇದ್ದಿದ್ದರೆ ಏನಾಗುತ್ತಿರಲಿಲ್ಲ. ಆದರೆ, ಮರಣ ದಿನಾಂಕವನ್ನು ಗೂಗಲ್ ಪ್ರಕಟಿಸಿದೆ. 2003 ಜುಲೈ 8ರಂದು ಮೃತರಾದರು ಎಂದು ಉಲ್ಲೇಖಿಸಿದೆ. ಆದರೆ, ಶೇಖರ್ ಮಾಸ್ಟರ್ ಇನ್ನೂ ಗಟ್ಟಿಮುಟ್ಟಾಗಿ ಇದ್ದಾರೆ.
ತಮಿಳುನಾಡು ಮೂಲದ ಬಾಲ್ಯ ನಟರಾಗಿದ್ದ ಜೀವಿ ಶೇಖರ್ ಇಂದು ಮಾಸ್ಟರ್ ಶೇಖರ್ ಆಗಿ ಕೊರಿಯೋಗ್ರಫಿಯಲ್ಲಿ ಹೆಸರು ಮಾಡಿದ್ದಾರೆ. ತಮಿಳು, ಮಲಯಾಳಂ ಹಾಗೂ ತೆಲುಗು ಚಿತ್ರರಂಗದಲ್ಲಿ ತುಂಬಾ ಬೇಡಿಕೆ ಸೃಷ್ಟಿಸಿಕೊಂಡಿದ್ದಾರೆ.
ಇದೀಗ ವಿಕಿಪೀಡಿಯದಲ್ಲಿ ತಪ್ಪಾಗಿ ಅಪ್ಲೋಡ್ ಮಾಡಿದ್ದು, ಅದನ್ನು ನೋಡಿದ ಅಭಿಮಾನಿಗಳಿಗೆ ದಿಗ್ಭ್ರಮೆಯಾಗಿದೆ. ಗೂಗಲ್ ಮಾಡಿರುವ ಎಡವಟ್ಟಿನಿಂದ ಶೇಖರ್ ಮಾಸ್ಟರ್ ಸಹ ಕಂಗಾಲಾಗಿದ್ದಾರೆ. ಗೂಗಲ್ ಅಪ್ಡೇಟ್ಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. (ಏಜೆನ್ಸೀಸ್)
‘ಯಾವುದೇ ವೆಬ್ ಸರಣಿಗಳಲ್ಲಿರುವ ಅಶ್ಲೀಲ ವಿಷಯವೂ ಪೋರ್ನ್ ಆಗುವುದಿಲ್ಲ’
ಮೊದಲು ಪರಿಹಾರ ನೀಡಿ, ಬಳಿಕ ವಸೂಲಿ ಮಾಡಿ: ವಿಮಾ ಸಂಸ್ಥೆಗೆ ಹೈಕೋರ್ಟ್‌ ಆದೇಶ