ಹೈದರಾಬಾದ್: ಡಿವೋರ್ಸ್ ಪಡೆದುಕೊಂಡ ಹಲವು ತಿಂಗಳ ಬಳಿಕ ನಟಿ ಸಮಂತಾ, ಮಾಜಿ ಪತಿ ನಾಗಚೈತನ್ಯ ಫೋಟೋ ಶೇರ್ ಮಾಡಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ಒಂದು ಕ್ಷಣ ಅಚ್ಚರಿಗೆ ದೂಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಮಜಿಲಿ ಚಿತ್ರದ ಪೋಸ್ಟ್ ಶೇರ್ ಮಾಡುವ ಮೂಲಕ ಸಮಂತಾ ಅಭಿಮಾನಿಗಳಿಗೆ ಶಾಕ್ ನೀಡಿದರು. ನಾಗಚೈತನ್ಯ ಮತ್ತು ಸಮಂತಾ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಮಜಿಲಿ ಚಿತ್ರ ನಿನ್ನೆ (ಏ.6) 3 ವರ್ಷಗಳನ್ನು ಪೂರೈಸಿರುವ ಹಿನ್ನೆಲೆಯಲ್ಲಿ ಸಮಂತಾ ಮಜಿಲಿ ಚಿತ್ರದ ಪೋಸ್ಟರ್ ಅನ್ನು ಶೇರ್ ಮಾಡಿಕೊಂಡಿದ್ದರು.
ಶಿವ ನಿರ್ವಾಣ ನಿರ್ದೇಶನದ ಮಜಿಲಿ ಚಿತ್ರ ಬ್ಲಾಕ್ಬಸ್ಟರ್ ಹಿಟ್ ಆಯಿತು. ಮದುವೆಯಾದ ಎರಡು ವರ್ಷದ ಬಳಿಕ ಒಟ್ಟಿಗೆ ನಟಿಸಿದ ಚಿತ್ರ ಇದಾಗಿದ್ದು, ಈ ಚಿತ್ರದ ಬಳಿಕ ಈ ಜೋಡಿಯ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಯಿತು. ಹಲವು ಸಿನಿಮಾಗಳಲ್ಲಿ ಇಬ್ಬರು ಒಟ್ಟಿಗೆ ನಟಿಸಿದ್ದಾರೆ. ಇಬ್ಬರು ಅನೋನ್ಯವಾಗಿರುವಾಗಲೇ ಇಬ್ಬರ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಬೀಸಿ ಕಳೆದ ವರ್ಷ ಅಕ್ಟೋಬರ್ 2ರಂದು ಜಂಟಿ ಹೇಳಿಕೆಯ ಮೂಲಕ ಇಬ್ಬರೂ ತಮ್ಮ ಡಿವೋರ್ಸ್ ಅನ್ನು ಘೋಷಿಸಿದರು. ಇದು ಅವರ ಅಭಿಮಾನಿಗಳಿಗೂ ಇಂದಿಗೂ ನಂಬಲಾಗದ ಅತಿ ದೊಡ್ಡ ಶಾಕ್ ಆಗಿದೆ.
ಇಬ್ಬರೂ ಬೇರೆಯಾದ ನಂತರ, ಸಮಂತಾ ಅವರು ನಾಗಚೈತನ್ಯ ಅವರ ಚಿತ್ರವನ್ನು ಹಂಚಿಕೊಂಡಿರುವುದು ಇದೇ ಮೊದಲು. ವಿಚ್ಛೇದನ ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ನಾಗಚೈತನ್ಯರನ್ನು ಸಮಂತಾ ಅನ್ಫಾಲೋ ಮಾಡಿದ್ದಾರೆ ಮತ್ತು ತಮ್ಮ ಇನ್ಸ್ಟಾಗ್ರಾಂ ಪೇಜ್ನಿಂದ ನಾಗಚೈತನ್ಯರ ಫೋಟೋಗಳನ್ನು ಡಿಲೀಟ್ ಮಾಡಿದ್ದಾರೆ. 10 ವರ್ಷಗಳ ಸ್ನೇಹದ ನಂತರ 2017 ರಲ್ಲಿ ದಂಪತಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಆದರೆ, 4 ವರ್ಷಕ್ಕೆ ಇಬ್ಬರ ದಾಂಪತ್ಯ ಜೀವನ ಅಂತ್ಯವಾಗಿದೆ. (ಏಜೆನ್ಸೀಸ್)
ಹೆಣ್ಣು ಮಗು ಜನಿಸಿದ ಖುಷಿ: ಹೆಲಿಕಾಪ್ಟರ್ ಮೂಲಕ ಮಗಳನ್ನು ಅದ್ಧೂರಿಯಾಗಿ ಮನೆಗೆ ಬರಮಾಡಿಕೊಂಡ ತಂದೆ!
17ರ ಬಳಿಕ ಕ್ಲೈಮ್ಯಾಕ್ಸ್: ವರಿಷ್ಠರು-ಸಂಘದ ಪ್ರಮುಖರ ಚರ್ಚೆ ನಂತರವೇ ನಿರ್ಧಾರ