ಜಕಾರ್ತ: ವಿಶ್ವದ ವಿವಿಧ ಭಾಗಗಳಲ್ಲಿ ವಿವಿಧ ರೀತಿಯ ಸಂಪ್ರದಾಯ ಮತ್ತಿ ಪದ್ಧತಿಗಳು ಇವೆ. ಕೆಲವೊಂದು ಸಾಮಾನ್ಯ ಎನಿಸಿದರೆ, ಇನ್ನು ಕೆಲವು ಆಚರಣೆಗಳು ಎಲ್ಲರನ್ನೂ ಅಚ್ಚರಿಗೆ ದೂಡುತ್ತದೆ.
ಇಂಡೋನೇಷ್ಯಾದ ಜಾವಾ ದ್ವೀಪದಲ್ಲಿ ಇರುವ ಮೌಂಟ್ ಕೆಮುಕಸ್ ಬೆಟ್ಟದ ಆಚರಣೆಯ ಬಗ್ಗೆ ತಿಳಿದರೆ ನಿಮಗೆ ಖಂಡಿತ ಅಚ್ಚರಿಯಾಗುತ್ತದೆ. ಈ ಬೆಟ್ಟವನ್ನು ಲೈಂಗಿಕ ಬೆಟ್ಟ (ಸೆಕ್ಸ್ ಮೌಂಟೇನ್) ಎಂದೇ ಕರೆಯುತ್ತಾರೆ. ಈ ಬೆಟ್ಟದಲ್ಲಿ ಒಂದು ದೇವಸ್ಥಾನವಿದ್ದು, ಇಲ್ಲಿನ ಆಚರಣೆ ಬಹಳ ವಿಭಿನ್ನವಾಗಿದೆ.
ಭಕ್ತರು ಈ ಬೆಟ್ಟಕ್ಕೆ ಬರಿಗಾಲಲ್ಲಲಿ ಏರಿ ಬರಬೇಕು. ಬೆಟ್ಟದ ಮೇಲಿನ ದೇವಸ್ಥಾನವನ್ನು ಜಾವಾ ರಾಜನ ಮಗ ಮತ್ತು ಆತನ ಮಲತಾಯಿ ಸ್ಮರಣಾರ್ಥ ನಿರ್ಮಿಸಲಾಗಿದೆ. ಮಲತಾಯಿಯ ಜತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದಕ್ಕಾಗಿ ಜಾವಾ ರಾಜ ಮಗ ಮತ್ತು ಆತನ ಮಲತಾಯಿಯನ್ನು ಬಹಿಷ್ಕರಿಸಿದ.
ಬಳಿಕ ಇಬ್ಬರು ಮೌಂಟ್ ಕೆಮುಕಸ್ ಬೆಟ್ಟಕ್ಕೆ ಬಂದರು. ಅಲ್ಲಿಯೇ ಇಬ್ಬರು ಏಕಾಂತದಿಂದ ಇರುವಾಗ ಸೈನಿಕರು ಅವರನ್ನು ಕೊಂದು ಅಲ್ಲಿಯೇ ಹೂತು ಹಾಕಿದರು. ಈ ವಿಚಾರ ಜಾವಾ ಜನಗಳಿಗೆ ತಿಳಿದು ದೇವಸ್ಥಾನವೊಂದನ್ನು ಸ್ಥಾಪಿಸಿ, ಅವರಿಗೆ ಪೂಜೆ ಅರ್ಪಿಸುತ್ತಾ ಬಂದಿದ್ದಾರೆ.
ರೊಮ್ಯಾಂಟಿಕ್ ಮೌಂಟೇನ್ನಲ್ಲಿ ವರ್ಷಕ್ಕೆ 35 ದಿನ ಹಬ್ಬವನ್ನು ಆಚರಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ಇಲ್ಲಿಗೆ ಬರುವ ಜನರು ಅಪರಿಚಿತರೊಂದಿಗೆ ಲೈಂಗಿಕ ಕ್ರಿಯೆ ನಡೆಸುತ್ತಾರೆ. ಒಂದೇ ವ್ಯಕ್ತಿಯ ಜತೆ ಏಳು ಬಾರಿ ಸೆಕ್ಸ್ ನಡೆಸಿದರೆ ಒಳ್ಳೆಯದಾಗುತ್ತದೆ ಎಂಬ ವಿಚಿತ್ರ ನಂಬಿಕೆಯನ್ನು ಇಲ್ಲಿನ ಜನರು ಹೊಂದಿದ್ದಾರೆ.
ಇನ್ನು ವಿವಾಹಿತರು ಸಹ ಬೇರೆಯವರ ಜತೆ ಲೈಂಗಿಕ ಕ್ರಿಯೆ ನಡೆಸುತ್ತಾರೆ. ಹೀಗೆ ಮಾಡುವಾಗ ಬೇರೆಯವರೊಂದಿಗೆ ಪ್ರೀತಿಯಲ್ಲಿ ಬಿದ್ದು ಮತ್ತೆ ಮದುವೆ ಸಹ ಆಗುತ್ತಾರೆ. ಹೀಗಾಗಿ ಈ ಪದ್ಧತಿಯನ್ನು ಕೆಲವರು ತೀವ್ರವಾಗಿ ವಿರೋಧಿಸಿದ್ದಾರೆ.
ತಮ್ಮ ಗಂಡಂದಿರ ಜತೆ ವಾಸಿಸುವ ಮಹಿಳೆಯರು ಬೇರೆಯವರ ಜತೆ ಪ್ರೀತಿಯಲ್ಲಿ ಬಿದ್ದು ಗಂಡಂದಿರನ್ನು ತೊರೆದು ಹೋಗುತ್ತಿರುವುದರಿಂದ ಈ ಪದ್ಧತಿಗೆ ಬಹಳ ವಿರೋಧ ವ್ಯಕ್ತವಾಗಿದೆ. ಹೀಗಿದ್ದರೂ ಇಂದಿಗೂ ವಿಚಿತ್ರ ಆಚರಣೆಯನ್ನು ಮಾಡಿಕೊಂಡು ಬರಲಾಗುತ್ತಿದೆ. (ಏಜೆನ್ಸೀಸ್)
ಇಷ್ಟವಿಲ್ಲದ ಮದುವೆಯಿಂದ ತಪ್ಪಿಸಿಕೊಳ್ಳಲು ಕಲ್ಯಾಣ ಮಂಟಪದಲ್ಲೇ ವಧುವಿನಿಂದ ಹೈಡ್ರಾಮ..!
ಆಶ್ರಮಕ್ಕೆ ಸೇವೆ ಸಲ್ಲಿಸಲು ಹೋದ ನಾಲ್ವರು ಮಹಿಳೆಯರ ಮೇಲೆ ‘ದೇವಮಾನವ’ನಿಂದ ಅತ್ಯಾಚಾರ
ಕರೊನಾ ರೋಗಿಗಳ ಚಿಕಿತ್ಸೆಗಾಗಿ 3 ಐಷಾರಾಮಿ ಕಾರುಗಳನ್ನೇ ಆಸ್ಪತ್ರೆಯನ್ನಾಗಿಸಿದ ಐವರು ಸ್ನೇಹಿತರು!