ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್-2 ಸಿನಿಮಾ ಬಾಕ್ಸ್ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಸಾವಿರ ಕೋಟಿ ರೂಪಾಯಿ ದಾಟಿದ ಕನ್ನಡದ ಮೊದಲ ಹಾಗೂ ಭಾರತದ ನಾಲ್ಕನೇ ಸಿನಿಮಾ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ. ಕೆಜಿಎಫ್-2 ಚಿತ್ರದ ಗೆಲುವಿನ ಒತ್ತಡ ಪುಷ್ಪ ಚಿತ್ರದ ನಿರ್ದೇಶಕ ಸುಕುಮಾರ್ ಮೇಲೆ ಬಿದ್ದಿದೆ ಎಂಬ ಮಾತುಗಳು ಕೇಳಿಬರುತ್ತಲೇ ಇದೆ. ಪುಷ್ಪ ಚಿತ್ರದ ಸ್ಕ್ರಿಪ್ಟ್ ಅನ್ನು ಸುಕುಮಾರ್ ಬದಲಾಯಿಸುವ ಯತ್ನದಲ್ಲಿದ್ದಾರೆ ಎಂಬ ಚರ್ಚೆಯು ನಡೆಯುತ್ತಿದೆ. ಆದರೆ, ಅದನ್ನು ಚಿತ್ರತಂಡ ಅಲ್ಲಗೆಳೆಯುತ್ತಿದ್ದರೂ ಅವರ ನಡೆ ಮಾತ್ರ ಕೆಜಿಎಫ್ 2 ಯಶಸ್ಸಿನ ಒತ್ತಡ ಅವರ ಮೇಲೆ ಪರಿಣಾಮ ಬೀರಿದೆ ಎಂಬುದನ್ನು ಸಾಬೀತು ಮಾಡುತ್ತಿದೆ.
ಸ್ಟೋರಿಯ ವಿವರಣೆಗೂ ಮುನ್ನ ಒಂದು ಫ್ಲ್ಯಾಶ್ಬ್ಯಾಕ್ ನೆನಪಿಸಿಕೊಳ್ಳೋಣ.. ಒಂದು ಪುಷ್ಪ 10 ಕೆಜಿಎಫ್ಗೆ ಸಮ ಎಂಬ ಮಾತುಗಳು ಈ ಹಿಂದೆ ಟಾಲಿವುಡ್ ಗಲ್ಲಿಯಲ್ಲಿ ಕೇಳಿಬಂದಿತ್ತು. ಸ್ಯಾಂಡಲ್ವುಡ್ನಲ್ಲಿಯೂ ಇದರ ಬಗ್ಗೆ ಚರ್ಚೆಯಾಗಿತ್ತು. ಆದರೆ, ಪುಷ್ಪ ಚಿತ್ರ ಬಿಡುಗಡೆಯಾದಾಗ ಪ್ರೇಕ್ಷಕರಿಂದ ಬಂದ ಮಾತುಗಳು ಚಿತ್ರತಂಡವನ್ನು ನಿರಾಸೆಗೆ ದೂಡಿತು. ಕೆಜಿಎಫ್ ಮುಂದೆ ಪುಷ್ಪ ಚಿತ್ರ ಏನೇನು ಅಲ್ಲ. ಹೋಲಿಕೆಯೇ ಸರಿಯಲ್ಲ ಎಂಬ ಅಭಿಪ್ರಾಯಗಳು ಕೇಳಿಬಂದವು.
ತಾಜಾ ವಿಚಾರಕ್ಕೆ ಬರುವುದಾದರೆ, ಕೆಜಿಎಫ್ 2 ಬಿಡುಗಡೆಯಾದ ಮೇಲಂತೂ ಪುಷ್ಪ ಚಿತ್ರತಂಡ ಇನ್ನಷ್ಟು ಮುಜುಗರ ಅನುಭವಿಸಿತು. ಕೆಜಿಎಫ್-2ನಲ್ಲಿನ ದೃಶ್ಯ ವೈಭವ ಹಾಗೂ ಮಾಸ್ ಡೈಲಾಗ್ಗಳನ್ನು ನೋಡಿ ಚಿತ್ರತಂಡ ಕಂಗಾಲಾಗಿದೆ. ಅಲ್ಲದೆ, ಟಾಲಿವುಡ್ ಗಲ್ಲಾಪೆಟ್ಟಿಗೆಯಲ್ಲಿ ಮಾತ್ರವಲ್ಲದೆ, ದೇಶಾದ್ಯಂತ ಕೆಜಿಎಫ್ 2 ಮಾಡಿದ ಕಮಾಲ್ ನೋಡಿ ತೆಲುಗು ನಟರು, ನಿರ್ದೇಶಕರು ಹಾಗೂ ನಿರ್ಮಾಪಕರು ಕೂಡ ದಂಗಾಗಿದ್ದಾರೆ. ಕೆಜಿಎಫ್ಗೆ ಪುಷ್ಪ ಸಿನಿಮಾವನ್ನು ಹೋಲಿಕೆ ಮಾಡಿದವರು ತೆಪ್ಪಗಾಗಿದ್ದಾರೆ. ಕೆಜಿಎಫ್ 2 ಭರ್ಜರಿ ಯಶಸ್ಸು ನೋಡಿದ ಪುಷ್ಪ ಚಿತ್ರತಂಡ ಇದೀಗ ಭಾರೀ ಒತ್ತಡಕ್ಕೆ ಸಿಲುಕಿದೆ. ಪುಷ್ಪ ಭಾಗ 1ರಲ್ಲಿ ಏನೂ ಮಾಡಲೂ ಆಗಿಲ್ಲ. ಇದೀಗ ಭಾಗ ಎರಡರಲ್ಲಾದರೂ ಕೆಜಿಎಫ್ 2 ಬೀಟ್ ಮಾಡಬೇಕೆಂಬ ಹಠಕ್ಕೆ ಚಿತ್ರತಂಡ ಬಿದ್ದಂತಿದೆ.
ಪುಷ್ಪ ಎರಡನೇ ಭಾಗವನ್ನು ಅತ್ಯದ್ಬುತವಾಗಿ ತಯಾರು ಮಾಡಬೇಕೆಂದು ನಿರ್ಧಾರಕ್ಕೆ ಬಂದಿರುವ ಚಿತ್ರತಂಡ ಸಕಲ ತಯಾರಿ ಮಾಡಿಕೊಂಡಿದೆ. ನಿರ್ದೇಶಕ ಸುಕುಮಾರ್ ಸ್ಕ್ರಿಪ್ಟ್ ಬರೆಯಲು ಅಮೆರಿಕಕ್ಕೆ ಹೋಗಿ ಕುಳಿತು ಬಿಟ್ಟಿದ್ದಾರೆ. ಹೀಗಾಗಿ ಚಿತ್ರದ ಚಿತ್ರೀಕರಣ ತುಂಬಾ ವಿಳಂಬವಾಗಿದೆ. ಚಿತ್ರ ಬಿಡುಗಡೆಯಾಗಿ ಅರ್ಧ ವರ್ಷ ಕಳೆಯುತ್ತಿದ್ದರೂ ಇನ್ನೂ ಶೂಟಿಂಗ್ ಶುರುವಾಗಿಲ್ಲ. ಸುಕುಮಾರ್ ಭಾರತಕ್ಕೆ ಮರಳುವವರೆಗೂ ಚಿತ್ರೀಕರಣ ಪ್ರಾರಂಭಗುವುದಿಲ್ಲ.
ಸುಕುಮಾರ್ ಅವರು ಸ್ಕ್ರಿಪ್ಟ್ ಕೆಲಸವನ್ನು ಇನ್ನೂ ಪೂರ್ಣಗೊಳಿಸಿಲ್ಲ. ಸ್ಕ್ರಿಪ್ಟ್ ಅನ್ನು ಪರಿಣಾಮಕಾರಿಯಾಗಿ ಮಾಡಲು ಸಾಕಷ್ಟು ಪ್ರಯತ್ನ ಮಾಡುತ್ತಿದ್ದರೂ ಅದ್ಯಾಕೋ ಸುಕುಮಾರ್ ಮನಸ್ಸಿಗೆ ಒಪ್ಪುತ್ತಿಲ್ಲವಂತೆ. ಹೀಗಾಗಿ ತುಂಬಾ ವಿಳಂವಾಗುತ್ತಿದೆ. ಬಹುಶಃ ಕೆಜಿಎಫ್ 2 ಯಶಸ್ಸು ನೋಡಿ ಅದಕ್ಕಿಂತ ವೈಭವಯುತವಾಗಿ ಕಟ್ಟಿಕೊಡಲು ಸುಕುಮಾರ್ ತುಂಬಾ ತಲೆ ಕೆಡಿಸಿಕೊಂಡಿರಬೇಕು. ಹೀಗಾಗಿಯೇ ಇನ್ನು ಸ್ಕ್ರಿಪ್ಟ್ ಕೆಲಸಾನೂ ಮುಗಿಸಿಲ್ಲ ಮತ್ತು ಅಮೆರಿಕದಿಂದಾನೂ ಹಿಂತಿರುಗಿಲ್ಲ. ಮೂಲಗಳ ಪ್ರಕಾರ ಚಿತ್ರೀಕರಣ ಈ ವರ್ಷದ ಅಂತ್ಯದಿಂದ ಆರಂಭವಾಗಲಿದೆಯಂತೆ.
ಒಟ್ಟಾರೆ ಕೆಜಿಎಫ್ 2 ಚಿತ್ರ ಟಾಲಿವುಡ್ನಲ್ಲಿ ಮಾಡಿದ ಮೋಡಿಗೆ ಪುಷ್ಪ ಚಿತ್ರತಂಡವೂ ಬೆದರಿದೆ. ಏಕೆಂದರೆ, ಪುಷ್ಪ ಚಿತ್ರ ಕರ್ನಾಟಕದಲ್ಲಿ ಹೇಳಿಕೊಳ್ಳುವಷ್ಟು ಸದ್ದು ಮಾಡಲಿಲ್ಲ. ಸದ್ಯ ಪುಷ್ಪ 2 ಚಿತ್ರದ ಮೇಲೆ ಎಲ್ಲರ ಕುತೂಹಲವಿದ್ದು, ಹೇಗೆ ಮೂಡಿಬರಲಿದೆ ಎಂದು ಕಾದು ನೋಡಬೇಕಿದೆ.
KGF ಚಿತ್ರಾಭಿಮಾನಿಗಳಿಗೆ ಬೇಸರದ ಸಂಗತಿ: ಬೇಸರದ ನಡುವೆಯೂ ಒಂದು ಸಮಾಧಾನಕರ ಸುದ್ದಿ!
ಭಾಷಣದ ಮಧ್ಯೆ ನೀರು ಕೇಳಿದ ಅಧಿಕಾರಿ: ತಕ್ಷಣ ವಿತ್ತ ಸಚಿವೆ ಸ್ಪಂದಿಸಿದ ರೀತಿಗೆ ನೆಟ್ಟಿಗರ ಬಹುಪರಾಕ್!
ಫುಡ್ ಪಾರ್ಸೆಲ್ ತೆರೆದ ಗ್ರಾಹಕಿಗೆ ಕಾದಿತ್ತು ಶಾಕ್: ಪರೋಟ ಜತೆಯಿತ್ತು ಭಯ ಹುಟ್ಟಿಸುವ ವಸ್ತು!