ನ್ಯೂಯಾರ್ಕ್: ನಟ ಪುನೀತ್ ರಾಜ್ಕುಮಾರ್ ಅವರ ಅಕಾಲಿಕ ಅಗಲಿಕೆಯನ್ನು ಸಹಿಸಿಕೊಳ್ಳಲು ಆಗುತ್ತಿಲ್ಲ. ಈಗಲೂ ಅಭಿಮಾನಿಗಳು ನೆಚ್ಚಿನ ನಟನನ್ನು ನೆನೆದು ಕಂಬನಿ ಮಿಡಿಯುತ್ತಿದ್ದಾರೆ. ಪುನೀತ್ ಮೇಲಿನ ಅಭಿಮಾನ ಎಲ್ಲ ಗಡಿಯನ್ನು ಮೀರಿದ್ದು, ದೂರದ ಅಮೆರಿಕದಲ್ಲಿಯೂ ನೆಚ್ಚಿನ ನಟನಿಗೆ ವಿಶೇಷ ಗೌರವನ್ನು ಸಲ್ಲಿಸಲಾಗಿದೆ.
ಮಾರ್ಚ್ 17 ಪುನೀತ್ ಅವರು ಹುಟ್ಟಿದ ದಿನ. ಅಂದೇ ಅವರ ಕೊನೆಯ ಜೇಮ್ಸ್ ಚಿತ್ರ ಬಿಡುಗಡೆಯಾಗಿದೆ. ಪುನೀತ್ ಇಲ್ಲದ ಮೊದಲ ಬರ್ತಡೇ ಇದಾಗಿದ್ದು, ಎಲ್ಲಡೆ ಪುನೀತ್ ನೆನೆದು ಕಂಬನಿ ಮಿಡಿಯುತ್ತಿದ್ದಾರೆ. ಚಿತ್ರ ನೋಡಿ ಬಂದ ಅಭಿಮಾನಿಗಳು ಕಣ್ಣೀರು ಸುರಿಸಿದ್ದಾರೆ. ಅಲ್ಲದೆ, ಜೇಮ್ಸ್ ಚಿತ್ರವನ್ನು ಅದ್ಧೂರಿಯಾಗಿ ಬರ ಮಾಡಿಕೊಂಡು ಜೇಮ್ಸ್ ಜಾತ್ರ ಮಾಡುತ್ತಿದ್ದಾರೆ.
ಇನ್ನು ಪುನೀತ್ ಮೇಲಿನ ಅಭಿಮಾನ ಗಡಿಯನ್ನು ಮೀರಿ ಬೆಳೆದಿದೆ. ನ್ಯೂಯಾರ್ಕ್ನಲ್ಲಿರುವ ಪುನೀತ್ ಅಭಿಮಾನಿಗಳು ಅಪ್ಪುಗಾಗಿ ಕಾರ್ ಪರೇಡ್ ಮಾಡುವ ಮೂಲಕ ವಿಶೇಷ ಗೌರವ ಸಲ್ಲಿಸಿದ್ದಾರೆ. ಇದೇ ವೇಳೆ ಪುನೀತ್ ಜೈಕಾರ ಕೂಡ ಜೇಮ್ಸ್ ಚಿತ್ರಕ್ಕೆ ಶುಭಕೋರಿದ್ದಾರೆ. ಅಲ್ಲದೆ, ಮತ್ತೆ ಹುಟ್ಟಿ ಬಾ ಅಪ್ಪು ಎಂದ ನ್ಯೂಯಾರ್ಕ್ ಫ್ಯಾನ್ಸ್ ಕಂಬನಿ ಮಿಡಿದಿದ್ದಾರೆ.
ಇನ್ನು ಮಾ. 17ರಂದು ಬಿಡುಗಡೆಯಾದ ಜೇಮ್ಸ್ ಚಿತ್ರ ಮೂರೇ ದಿನದಲ್ಲಿ 100 ಕೋಟಿ ರೂ. ಸಮೀಪಕ್ಕೆ ಬಂದಿದ್ದು, ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಈ ಹಿಂದಿನ ದಾಖಲೆಗಳನ್ನು ಜೇಮ್ಸ್ ಚಿತ್ರ ಧೂಳೀಪಟ ಮಾಡಿದೆ. ಡಿಜಿಟಲ್ ರೈಟ್ಸ್ನಲ್ಲೂ ಜೇಮ್ಸ್ ಇತಿಹಾಸ ಬರೆದಿದೆ. ಆದರೂ, ಪುನೀತ್ ಅವರ ಕೊನೆಯ ಚಿತ್ರವಾದ್ದರಿಂದ ಅಭಿಮಾನಿಗಳಿಗೆ ಬೇಸರುವೂ ಇದೆ. ಆದರೆ, ಅಪ್ಪು ಎಂದಿಗೂ ಅವರ ಆದರ್ಶಗಳೊಂದಿಗೆ ನಮ್ಮೊಂದಿಗೆ ಇರುತ್ತಾರೆ ಎಂಬ ನೆಮ್ಮದಿಯು ಇದೆ. (ದಿಗ್ವಿಜಯ ನ್ಯೂಸ್)
ವಿಡಿಯೋ ಕೃಪೆ: (ರಾಘವೇಂದ್ರ ಚಿತ್ರವಾಣಿ)
ಸಂಸಾರ ಹಾಳು ಮಾಡಿದ ಆರೋಪ: ರಂಗಭೂಮಿ ಕಲಾವಿದೆಯ ಮೇಲೆ ಸಹಪಾಠಿಗಳಿಂದಲೇ ಆ್ಯಸಿಡ್ ದಾಳಿ
ನಿದ್ದೆಗೆಡಿಸಿದ ‘ದಿ ಕಾಶ್ಮೀರ್ ಫೈಲ್ಸ್’: ಸಿನಿಮಾ ನೋಡಿ ಮರಳುತ್ತಿದ್ದ ಬಿಜೆಪಿ ಸಂಸದನ ಕಾರಿನ ಮೇಲೆ ಬಾಂಬ್‌!
ನ್ಯಾಯಾಧೀಶರಿಗೆ ವೈ ಶ್ರೇಣಿಯ ಭದ್ರತೆ: ಸೋಕಾಲ್ಡ್ ಸೆಕ್ಯುಲರ್ಗಳು ಎಲ್ಲಿ ಎಂದು ಸಿಎಂ ಬೊಮ್ಮಾಯಿ ಆಕ್ರೋಶ