ಕೊಚ್ಚಿ: ಫ್ರೆಂಡ್ಸ್ ಮತ್ತು ಕುಟುಂಬದ ಜತೆ ಪ್ರಯಾಣಿಸುವಾಗ ಪೊಲೀಸ್ ಪೇದೆಯೊಬ್ಬ ನನ್ನೊಂದಿಗೆ ಅನುಚಿತವಾಗಿ ವರ್ತಿಸಿದರು ಎಂದು ಮಲಯಾಳಂ ನಟಿ ಅರ್ಚನಾ ಕವಿ ನೀಡಿದ್ದ ದೂರಿನ ಆಧಾರದ ಮೇಲೆ ಮಟ್ಟಂಚೇರಿ ಸಹಾಯಕ ಆಯುಕ್ತರ ತನಿಖಾ ವರದಿ ಪೂರ್ಣಗೊಂಡಿದ್ದು, ನಗರ ಪೊಲೀಸ್ ಆಯುಕ್ತರ ಕೈಗೆ ವರದಿ ಹಸ್ತಾಂತರವಾಗಿದೆ.
ನಟಿ ಅರ್ಚನಾ, ನಡೆದ ಘಟನೆಯನ್ನು ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡ ಬಳಿಕ ಈ ಘಟನೆ ಬೆಳಕಿಗೆ ಬಂದಿತು. ಈ ಸಂಬಂಧ ನಟಿ ಯಾವುದೇ ದೂರು ದಾಖಲಿಸಿಲ್ಲ. ಆದರೂ ಪೊಲೀಸರೇ ಸ್ವಯಂ ಪ್ರೇರಿತವಾಗಿ ತನಿಖೆ ನಡೆಸಿದ್ದು, ವರದಿ ಸಲ್ಲಿಸಿದ್ದಾರೆ. ಈ ವರದಿಯನ್ನು ರಾಜ್ಯ ಗುಪ್ತಚರ ಇಲಾಖೆ ಗೃಹ ಇಲಾಖೆಗೆ ವರ್ಗಾಹಿಸಲಿದೆ. ನಟಿ ಮಾಡಿರುವ ಆರೋಪವನ್ನು ಪೊಲೀಸ್ ಪೇದೆ ಅಲ್ಲಗೆಳೆದಿದ್ದಾರೆ. ಬದಲಾಗಿ ನಟಿ ಅರ್ಚನಾ ಅವರೇ ಕೆಟ್ಟದಾಗಿ ನಡೆದುಕೊಂಡರು ಎಂದಿದ್ದಾರೆ. ಗಸ್ತು ತಿರುಗುವ ವೇಳೆ ನಾನು ಕೆಲವೊಂದು ಮಾಹಿತಿಯನ್ನಷ್ಟೇ ಕೇಳಿದೆ. ಆದರೆ, ಕೆಟ್ಟದಾಗಿ ನಡೆದುಕೊಳ್ಳಲಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ನಟಿ ಅರ್ಚನಾ ಫೋರ್ಟ್ ಕೊಚ್ಚಿಗೆ ತೆರಳುತ್ತಿದ್ದರು. ಈ ವೇಳೆ ಮಾರ್ಗ ಮಧ್ಯೆದಲ್ಲಿ ಪೊಲೀಸ್ ಪೇದೆ ಆಕೆಯನ್ನು ತಡೆದರು. ಬೀಚ್ಗೆ ಹೋಗುವುದಾದರೆ ಮುಂದೆ ಹೋಗಲು ಬಿಡುವುದಿಲ್ಲ ಎಂದರು. ಆಕೆಯ ನಿವಾಸವು ಹತ್ತಿರದಲ್ಲಿದೆ ಎಂದು ಆಟೋ ಚಾಲಕ ಹೇಳಿದಾಗ ಹೋಗಲು ಅನುಮತಿಸಿದರು ಎಂದು ಅಧಿಕಾರಿಗಳು ವರದಿಯಲ್ಲಿ ತಿಳಿಸಿದ್ದಾರೆ.
ಅರ್ಚನಾ ಕವಿ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ ಪ್ರಕಾರ ಪೊಲೀಸ್ ಅವರನ್ನು ಲೈಂಗಿಕ ಕಾರ್ಯಕರ್ತೆಯರಂತೆ ನಡೆಸಿಕೊಂಡರಂತೆ. ಪೊಲೀಸ್ ಪೇದೆ ನಾನು ಪ್ರಯಾಣಿಸುತ್ತಿದ್ದ ಆಟೋವನ್ನು ತಡೆದರು. ಎಲ್ಲಿಗೆ ಹೋಗುತ್ತಿದ್ದೀರಾ? ಮತ್ತು ಏನಕ್ಕೆ ಹೋಗುತ್ತಿದ್ದೀರಾ ಎಂದು ಪ್ರಶ್ನೆ ಮಾಡಿದರು. ಇದನ್ನೆಲ್ಲ ಯಾಕೆ ವಿಚಾರಿಸುತ್ತಿದ್ದಾರೆ ಎಂದು ನಾನು ಮತ್ತೆ ಕೇಳಿದಾಗ ಬಹಳ ಕೆಟ್ಟದಾಗಿ ಮಾತನಾಡಿದರು ಎಂದು ಆರೋಪಿಸಿದ್ದಾರೆ.
ಇದಷ್ಟೇ ಅಲ್ಲದೆ, ಪೊಲೀಸ್ ಪೇದೆ ಮನೆಗೆ ಹೋಗುವವರೆಗೂ ಹಿಂಬಾಲಿಸಿದರು. ಇದರಿಂದ ಅಸಮಾಧಾನಗೊಂಡಿದ್ದರಿಂದ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದೆ ಎಂದು ನಟಿ ಬಹಿರಂಗಪಡಿಸಿದ್ದಾರೆ. (ಏಜೆನ್ಸೀಸ್)
ಟೆಕ್ಸಾಸ್ ಫೈರಿಂಗ್ ಪ್ರಕರಣ: ಶಾಲಾ ಮಕ್ಕಳ ಮೇಲಿನ ದಾಳಿಗೂ ಮುನ್ನ ದಾಳಿಕೋರ ಸುಳಿವು ಕೊಟ್ಟಿದ್ದನಾ?
ಇದು ಸಹಾಯಕ ನಿರ್ದೇಶಕರ ಕಥೆ!; ರಿಷಬ್ ಶೆಟ್ಟಿ ಚಿತ್ರದಲ್ಲಿ ಯೋಗರಾಜ್ ಪಾತ್ರ