ಮೊಬೈಲ್​ ಅನ್​ಲಾಕ್​ ಮಾಡಲು ಮಲಗಿದ್ದ ಗರ್ಲ್​ಫ್ರೆಂಡ್ ಕಣ್ತೆರೆದ ಪ್ರಿಯಕರನಿಗೆ ಕಾದಿತ್ತು ಬಿಗ್​ ಶಾಕ್​!

ಬೀಜಿಂಗ್​: ಇಂದು ಬಹುತೇಕರು ತಮ್ಮ ಸ್ಮಾರ್ಟ್​ಫೋನ್​ಗಳಲ್ಲಿ ಫೇಶಿಯಲ್ ರೆಕಗ್ನಿಷನ್ ಅಥವಾ ಫಿಂಗರ್ ಪ್ರಿಂಟ್​ ಅನ್ನೇ ಪಾಸ್​ವರ್ಡ್​ಗಿಂತ ಹೆಚ್ಚು ಆಯ್ಕೆ ಮಾಡಿಕೊಂಡಿರುತ್ತಾರೆ. ಪಾಸ್​ವರ್ಡ್​ ನಮೂದಿಸುವ ಸಮಯಕ್ಕಿಂತ ವೇಗವಾಗಿ ಮೊಬೈಲ್​ ಒಳಗೆ ಲಾಗಿನ್​ ಆಗಲು ಈ ವಿಧಾನಗಳನ್ನು ಹೆಚ್ಚಾಗಿ ಬಳಸುತ್ತಾರೆ. ಆದರೆ, ಕೆಲವೊಮ್ಮೆ ಈ ವಿಧಾನ ಎಂತಹ ಸಮಸ್ಯಗೆ ತಂದೊಡ್ಡಬಹುದು ಎನ್ನುವುದಕ್ಕೆ ಚೀನಾದಲ್ಲಿ ನಡೆದ ಈ ಒಂದು ಘಟನೆ ತಾಜಾ ಉದಾಹರಣೆ ಆಗಿದೆ.

ಫೇಶಿಯಲ್ ರೆಕಗ್ನಿಷನ್ ಬಳಸಿ ಮಾಜಿ ಗರ್ಲ್​ಫ್ರೆಂಡ್​ ಅಕೌಂಟ್​ನಿಂದ ಲಕ್ಷಾಂತರ ರೂಪಾಯಿ ಹಣವನ್ನು ದೋಚಿ ಇದೀಗ ಪ್ರಿಯಕರ ಜೈಲು ಪಾಲಾಗಿರುವ ಘಟನೆ ಬೆಳಕಿಗೆ ಬಂದಿದೆ. ಪ್ರೇಯಸಿ ಮಲಗಿದ್ದ ವೇಳೆ ಆಕೆಯ ಮೊಬೈಲ್​ ತೆಗೆದುಕೊಂಡು ಫೇಶಿಯಲ್ ಸ್ಕ್ಯಾನ್​ ಮಾಡಿ ಆಕೆಯ ಬ್ಯಾಂಕ್​ ಖಾತೆಯಿಂದ ಬರೋಬ್ಬರಿ 18 ಲಕ್ಷವನ್ನು ಪ್ರಿಯಕರ ದೋಚಿದ್ದ. ಅಷ್ಟೇ ಬೇಗನೇ ಪ್ರೇಯಸಿ ಕೈಗೆ ಸಿಕ್ಕಿಬಿದ್ದ ಪ್ರಿಯಕರು ಇದೀಗ ಮೂರೂವರೆ ವರ್ಷಗಳ ಕಾಲ ಜೈಲು ಶಿಕ್ಷೆಗೆ ಗುರಿಯಾಗಿದ್ದಾನೆ.

ಫೇಶಿಯಲ್ ರೆಕಗ್ನಿಷನ್​ ಸರಿಯಾಗಿ ಕೆಲಸ ಮಾಡಲು ಮಾಜಿ ಗರ್ಲ್​ಫ್ರೆಂಡ್​ನ ಕಣ್ಣಿನ ರೆಪ್ಪೆಗಳನ್ನು ಮೇಲೆತ್ತಿ ಕಣ್ಣುಗಳನ್ನು ಕಾಣುವಂತೆ ಮಾಡಿದ್ದಾನೆ. ಸಿಕ್ಕಿಹಾಕಿಕೊಂಡ ಆರೋಪಿಯನ್ನು ಚೀನಾದ ನಾನ್ನಿಂಗ್ ನಗರದ​ ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ಆರೋಪಿಯ ವಯಸ್ಸು 28 ವರ್ಷ. ಆಕೆಯ ಅಲಿಪೇ ಅಕೌಂಟ್​ ತೆರೆಯಲು ಮಾಜಿ ಪ್ರೇಯಸಿಯ ಫೇಶಿಯಲ್ ರೆಕಗ್ನಿಷನ್ ಬಳಸಿಕೊಂಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಆರೋಪಿಯನ್ನು ಆತನ ಕುಟುಂಬದ ಮೂಲ ಹೆಸರು ಹುವಾಂಗ್​ ಎಂದು ಗುರುತಿಸಲಾಗಿದೆ. ಫೇಶಿಯಲ್ ರೆಕಗ್ನಿಷನ್​ಗೂ ಮುನ್ನ ಆರೋಪಿ ಮೊಬೈಲ್​​ ಫೋನ್​ ಲಾಗಿನ್​ ಆಗಲು ಫಿಂಗರ್​ ಪ್ರಿಂಟ್​ ಉಪಯೋಗಿಸಿದ್ದಾನೆ.

ಅಲಿಪೇ ಅಕೌಂಟ್​ಗೆ ಲಾಗಿನ್​ ಆಗುತ್ತಿದ್ದಂತೆ ಆಕೆಯ ಪಾಸ್​ವರ್ಡ್​ ಅನ್ನು ಬದಲಾಯಿಸಿ ಖಾತೆಯಲ್ಲಿದ್ದ 18 ಲಕ್ಷ ರೂಪಾಯಿ ಹಣವನ್ನು ತನ್ನ ಖಾತೆಗೆ ವರ್ಗಾಯಿಸಿಕೊಂಡಿದ್ದಾನೆ. ಜೂಜಾಟಕ್ಕೆ ಸಾಕಷ್ಟು ಸಾಲು ಮಾಡಿ ಹತಾಶೆಗೆ ಒಳಗಾಗಿ ಈ ಕೆಲಸ ಮಾಡಿದ್ದಾನೆಂದು ತಿಳಿದುಬಂದಿದೆ. ಕಾರಣ ಏನೇ ಇದ್ದರೂ ನಮ್ಮವರನ್ನೇ ನಾವು ಕೆಲವೊಮ್ಮೆ ನಂಬಲು ಸಾಧ್ಯವಾಗುವುದಿಲ್ಲ. ಅದರಲ್ಲೂ ಇಂದಿನ ಡಿಜಿಟಲ್​ ಯುಗದಲ್ಲಿದ್ದರೂ ನಮ್ಮ ಹಣಕ್ಕೆ ಭದ್ರತೆ ಇಲ್ಲ ಎಂಬುದು ಈ ಘಟನೆಯಿಂದ ಗೊತ್ತಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/r-nobody-is-bigger-than-sport-union-sports-minister-anurag-thakur-amid-talk-around-virat-kohli-rohit-sharma/

https://www.vijayavani.net/r-payal-ignited-again-beauty-who-does-not-care-if-the-dress-slips/

https://www.vijayavani.net/a-elephant-kitchen-food/