ಮುಂಬೈ: ಬಾಲಿವುಡ್ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಕಾರ್ಯಕ್ರಮದ 7ನೇ ಸೀಸನ್ನ 4ನೇ ಎಪಿಸೋಡ್ನಲ್ಲಿ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ “ಲೈಗರ್”ನಲ್ಲಿ ನಟಿಸಿರುವ ನಟ ವಿಜಯ್ ದೇವರಕೊಂಡ ಮತ್ತು ನಟಿ ಅನನ್ಯಾ ಪಾಂಡೆ ಅವರು ಅತಿಥಿಗಳಾಗಿ ಭಾಗವಹಿಸಿದ್ದಾರೆ. ಈ ಎಪಿಸೋಡ್ನ ಪ್ರೊಮೋ ಇದೀಗ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದೆ. ಅದಕ್ಕೆ ಕಾರಣ ನಿರೂಪಕ ಕರಣ್ ಜೋಹರ್ ಅವರು ವಿಜಯ್ ದೇವರಕೊಂಡಗೆ ಕೇಳಿದ ಪ್ರಶ್ನೆ. ಅಲ್ಲದೆ, ಅನನ್ಯಾ ಹೇಳಿದ ಮಾತಿನಿಂದ ಈ ಎಪಿಸೋಡ್ ನೋಡಲು ವೀಕ್ಷಕರು ಎದುರು ನೋಡುತ್ತಿದ್ದಾರೆ.
ಅನನ್ಯಾ ಅವರ ಹೊಸ ಬಾಯ್ಫ್ರೆಂಡ್ ಬಗ್ಗೆ ಪ್ರೊಮೋದಲ್ಲಿ ಕರಣ್ ಅವರು ಕೇಳಿದ್ದಾರೆ. ನನ್ನ ಬರ್ತಡೆ ಪಾರ್ಟಿಯಲ್ಲಿ ನೀವು ಏನು ಮಾಡುತ್ತಿದ್ದೀರಿ ಎಂಬುದು ನನಗೆ ಗೊತ್ತಿದೆ ಎಂದಿದ್ದಕ್ಕೆ ಮಧ್ಯ ಪ್ರವೇಶಿಸಿದ ಅನನ್ಯಾ, ದಯವಿಟ್ಟು ಏನನ್ನು ಹೇಳಬೇಡಿ ಅಂದರು. ಬಳಿಕ ನಿಮ್ಮ ಮತ್ತು ಆದಿತ್ಯ ರಾಯ್ ಕಪೂರ್ ನಡುವೆ ಏನು ನಡೆಯುತ್ತಿದೆ? ಎಂದು ಕರಣ್ ಪ್ರಶ್ನಿಸಿದರು. ಹೀಗೆ ಸಾಕಷ್ಟು ಪ್ರಶ್ನೆಗಳನ್ನು ಅನನ್ಯಾಗೆ ಕೇಳಲಾಗಿದ್ದು, ಅವುಗಳ ಉತ್ತರಕ್ಕಾಗಿ ನೀವು ಪೂರ್ತಿ ಎಪಿಸೋಡ್ ನೋಡಬೇಕಾಗಿದೆ.
ಇದಾದ ಬಳಿಕ ವಿಜಯ್ ದೇವರಕೊಂಡರನ್ನು ಉದ್ದೇಶಿಸಿ, ನೀವು ಚೀಸ್ ಅನ್ನು ಇಷ್ಟಪಡುತ್ತೀರಾ ಎಂದು ಕೇಳಿದರು. ಇದಕ್ಕೆ ಉತ್ತರಿಸಿ ವಿಜಯ್, ಇದು ಎಲ್ಲಿಗೆ ಹೋಗಿ ಮುಟ್ಟುತ್ತದೆ ಎಂಬ ಭಯವಿದೆ ಅಂದರು. ವಿಜಯ್ ಹೀಗೆ ಹೇಳಲು ಕಾರಣವಿದೆ. ಏಕೆಂದರೆ, ಎರಡನೇ ಎಪಿಸೋಡ್ ವೇಳೆ ಸಾರಾ ಅಲಿ ಖಾನ್ ಮತ್ತು ಜಾಹ್ನವಿ ಕಪೂರ್ ಅವರು ವಿಜಯ್ ಅವರನ್ನು ಚೀಸ್ ಎಂದು ಕರೆದಿದ್ದರು. ಅನನ್ಯಾ ಕೂಡ ಅದನ್ನೇ ಪುನರುಚ್ಛರಿಸಿದರು.
ಇದಾದ ಬಳಿಕ ತೀರಾ ವೈಯಕ್ತಿಕ ಪ್ರಶ್ನೆಯೊಂದನ್ನು ಕರಣ್ ಕೇಳಿದರು, ಕೊನೆಯದಾಗಿ ನೀವು ಲೈಂಗಿಕ ಕ್ರಿಯೆ ಯಾವಾಗ ನಡೆಸಿದ್ರಿ ಎಂದು ಪ್ರಶ್ನಿಸಿದರು. ಅದಕ್ಕೆ ವಿಜಯ್, ಯಾವುದೇ ಉತ್ತರವನ್ನು ನೀಡಲಿಲ್ಲ. ಆದರೆ, ಮಧ್ಯಪ್ರವೇಶಿಸಿದ ಅನನ್ಯಾ, ನಾನು ಗೆಸ್ ಮಾಡ್ಲಾ? ನೀನು ಇಂದು ಬೆಳಗ್ಗೆ ಮಾಡಿದ್ದೀಯ ಎಂದರು. ಹೀಗೆ ಇಡೀ ಪ್ರೊಮೋದಲ್ಲಿ ತೀರಾ ವೈಯಕ್ತಿಕ ಪ್ರಶ್ನೆಗಳನ್ನೇ ಕೇಳಲಾಗಿದ್ದು, ಇದೀಗ ಪ್ರೋಮೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಅಂದಹಾಗೆ ವಿಜಯ್ ದೇವರಕೊಂಡ ಮತ್ತು ಅನನ್ಯಾ ಎಪಿಸೋಡ್ ಇದೇ ಜುಲೈ 28 ರಂದು ಡಿಸ್ನಿ ಹಾಟ್ ಸ್ಟಾರ್ನಲ್ಲಿ ಪ್ರಸಾರವಾಗಲಿದೆ. (ಏಜೆನ್ಸೀಸ್)
ಸಾಲದ ಸುಳಿಗೆ ಸಿಲುಕಿ ಇನ್ನೇನು ಮನೆ ಮಾರುವಷ್ಟರಲ್ಲಿ 1 ಕೋಟಿ ರೂ.ನೊಂದಿಗೆ ಎಂಟ್ರಿ ಕೊಟ್ಟ ಅದೃಷ್ಟ ಲಕ್ಷ್ಮಿ!
ಅನೈತಿಕ ತಾಣವಾದ ಕುಮಾರವ್ಯಾಸ ಮೈದಾನ; ಮಂಟಪದ ಜಾಗದಲ್ಲಿ ವಾಹನ ನಿಲುಗಡೆ