ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್-2 ಸಿನಿಮಾ ಬಾಕ್ಸ್ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಸಾವಿರ ಕೋಟಿ ರೂಪಾಯಿ ದಾಟಿದ ಕನ್ನಡದ ಮೊದಲ ಹಾಗೂ ಭಾರತದ ನಾಲ್ಕನೇ ಸಿನಿಮಾ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ. ಬಿಡುಗಡೆಯಾಗಿ 25 ಪೂರೈಸಿದ್ದು, ಇದೀಗ ಅಭಿಮಾನಿಗಳ ಗಮನ ಕೆಜಿಎಫ್ ಚಾಪ್ಟರ್ 3 ಕಡೆಗಿದೆ. ಕೆಜಿಎಫ್-2ನಲ್ಲಿ ಮೂರನೇ ಭಾಗದ ಸುಳಿವು ನೀಡಿದ್ದು, ಅಭಿಮಾನಿಗಳ ಖುಷಿಗೆ ಪಾರವೇ ಇಲ್ಲದಂತಾಗಿದೆ. ಆದರೆ, ಇದರ ನಡುವೆ ಯಶ್ ಅಭಿಮಾನಿಗಳಿಗೆ ಒಂದು ಬೇಸರದ ಸುದ್ದಿಯೂ ಇದೆ.
ಬೇಸರದ ವಿಚಾರ ಏನೆಂದರೆ, ಕೆಜಿಎಫ್ 3 ಸದ್ಯಕ್ಕಂತೂ ಬರುವುದಿಲ್ಲ. ಕೆಜಿಎಫ್-2ಗೆ ಕಾದಿದ್ದಕ್ಕಿಂತ ಹೆಚ್ಚು ಸಮಯವನ್ನು ಮೂರನೇ ಭಾಗಕ್ಕೆ ಕಾಯಬೇಕಾಗುತ್ತದೆ. ಅಷ್ಟಕ್ಕೂ ಚಿತ್ರತಂಡ ಮೂರನೇ ಭಾಗಕ್ಕೆ ಸುಳಿವು ನೀಡಿದ್ದರೂ ಮೂರನೇ ಭಾಗ ಮಾಡೇ ಮಾಡುತ್ತಾರೆ ಎಂಬುದರ ಬಗ್ಗೆ ಇನ್ನೂ ಖಚಿತವಾಗಿ ಚಿತ್ರತಂಡ ಎಲ್ಲೂ ಹೇಳಿಲ್ಲ. ಆದರೂ, ಕೆಜಿಎಫ್ 3 ಬರುವುದು ಗ್ಯಾರೆಂಟಿ ಎಂಬುದು ಎಲ್ಲ ಲೆಕ್ಕಾಚಾರ. ಅದಕ್ಕೆ ಪೂರಕವಾದ ಬೆಳವಣಿಗೆಗಳು ಹಾಗೂ ಹೇಳಿಕೆಗಳು ಸಹ ಬರುತ್ತಿರುವುದು ಅಭಿಮಾನಿಗಳ ಆಸೆಯನ್ನು ದುಪ್ಪಟ್ಟಾಗಿಸಿದೆ.
ಸದ್ಯ ನಿರ್ದೇಶಕ ಪ್ರಶಾಂತ್ ನೀಲ್ ಪ್ರಭಾಸ್ ನಟನೆಯ ಸಲಾರ್ ಚಿತ್ರದ ಮೇಲೆ ಗಮನ ಹರಿಸಿದ್ದಾರೆ. ಈ ಚಿತ್ರ ಮುಗಿಯಲು ಒಂದು ವರ್ಷಕ್ಕೂ ಅಧಿಕ ಸಮಯ ತೆಗೆದುಕೊಳ್ಳಲಿದೆ. ಸಲಾರ್ ಪೂರ್ಣಗೊಂಡ ಬಳಿಕ ಜೂ.ಎನ್ಟಿಆರ್ ಅವರ ಮತ್ತೊಂದು ಚಿತ್ರವನ್ನು ಕೈಗೆತ್ತಿಕೊಳ್ಳಲಿದ್ದಾರೆ. ಆ ಚಿತ್ರ ಮುಗಿಯಲು ಮತ್ತೆ ಒಂದೆರೆಡು ವರ್ಷ ಆಗಬಹುದು. ಇದಾದ ಬಳಿಕ ಕೆಜಿಎಫ್ 3 ಕೈಗೆತ್ತಿಕೊಂಡರು ಒಂದೆರೆಡು ವರ್ಷ ಶೂಟಿಂಗ್ ಅಂತಾ ಲೆಕ್ಕ ಹಾಕಿದರೂ ಕನಿಷ್ಟ ಅಂದ್ರು ಇನ್ನು 4 ರಿಂದ 5 ವರ್ಷ ಆಗುತ್ತದೆ.
ಮತ್ತೊಮ್ಮೆ ಕೆಜಿಎಫ್ ಚಿತ್ರತಂಡದ ದೃಶ್ಯ ವೈಭವ ಹಾಗೂ ಪವರ್ಫುಲ್ ಆ್ಯಕ್ಷನ್ ಚಿತ್ರವನ್ನು ನೋಡಲು ಇನ್ನು ಸಾಕಷ್ಟು ವರ್ಷಗಳು ಕಾಯಬೇಕಾಗಿರುವುದು ಒಂದು ಮಟ್ಟಿಗೆ ಬೇಸರ ಉಂಟು ಮಾಡಿರುವುದಂತೂ ಸತ್ಯ. ಆದರೂ ಕಾದಷ್ಟು ಮತ್ತೊಂದು ಒಳ್ಳೆಯ ಸಿನಿಮಾ ಸಿಗಲಿದೆ ಎಂಬುದೇ ಸಮಾಧಾನಕರ ಸಂಗತಿಯು ಆಗಿದೆ. ಮುಂದಿನ ದಿನಗಳಲ್ಲಿ ಯಾವ ಅಪ್ಡೇಟ್ಗಳು ಈ ಸಿನಿಮಾ ಬಗ್ಗೆ ಬರಲಿವೆ ಎಂದು ಕಾದು ನೋಡಬೇಕಿದೆ.
ಸಿನಿಮಾ ಕ್ಷೇತ್ರಕ್ಕೆ ಗುಡ್ ಬೈ ಹೇಳಿ ಸಫಾಯಿ ಕರ್ಮಚಾರಿ ಕೆಲಸಕ್ಕೆ ಸೇರಿಕೊಂಡ ಪ್ರಖ್ಯಾತ ಹಾಸ್ಯನಟ!
ಪತಿಯ ಸ್ನೇಹಿತನ ದುರ್ವತನೆ: ದುಬೈನಲ್ಲಿ ಖ್ಯಾತ ವ್ಲಾಗರ್ ನಿಗೂಢ ಸಾವು ಪ್ರಕರಣಕ್ಕೆ ಟ್ವಿಸ್ಟ್ ಕೊಟ್ಟ ಲಾಯರ್ ಹೇಳಿಕೆ
ಉನ್ನತ ಶಿಕ್ಷಣ ಸಚಿವರ ಕೊಠಡಿ ಮುಂದೆ ಜೆಡಿಎಸ್ ಎಂಎಲ್ಸಿ ಮರಿತಿಬ್ಬೇಗೌಡ ಧರಣಿ