ಬೆಂಗಳೂರು: ಬಹುನಿರೀಕ್ಷಿತ ಐಪಿಎಲ್ 15ನೇ ಆವೃತ್ತಿಯ ಆಟಗಾರರ ಮೆಗಾ ಹರಾಜು ಪ್ರಕ್ರಿಯೆ ಶನಿವಾರ ಆರಂಭವಾಗಿದ್ದು, ಎರಡನೇ ಹಾಗೂ ಅಂತಿಮ ದಿನವಾದ ಇಂದು ಬೆಂಗಳೂರಿನ ಖಾಸಗಿ ಹೋಟೆಲ್ನಲ್ಲಿ ಹರಾಜು ಪ್ರಕ್ರಿಯೆ ನಡೆಯುತ್ತಿದೆ.
ಎರಡನೇ ದಿನದ ಹರಾಜಿನಲ್ಲಿ ಇಂಗ್ಲೆಂಡ್ ಆಟಗಾರ ಲಿಯಾಮ್ ಲಿವಿಂಗ್ಸ್ಟೋನ್ ಅವರು ಬರೋಬ್ಬರಿ 11.50 ಕೋಟಿ ರೂ. ದಾಖಲೆ ಮೊತ್ತಕ್ಕೆ ಪಂಜಾಬ್ ಕಿಂಗ್ಸ್ ತಂಡಕ್ಕೆ ಬಿಕರಿಯಾಗಿದ್ದಾರೆ. ವೆಸ್ಟ್ ಇಂಡೀಸ್ ತಂಡದ ಆಲ್ರೌಂಡರ್ ಒಡಿಯನ್ ಸ್ಮಿತ್ ಕೂಡ 6 ಕೋಟಿ ರೂ.ಗೆ ಪಂಜಾಬ್ ತಂಡ ಸೇರ್ಪಡೆಯಾಗಿದ್ದಾರೆ. ಶಿವಂ ದುಬೆ 4 ಕೋಟಿಗೆ ಸಿಎಸ್ಕೆ ಪಾಲಾಗಿದ್ದಾರೆ.
ಹರಾಜಿನ ಆರಂಭದಲ್ಲೇ ಮೊದಲ ಆಟಗಾರನಾಗಿ ದಕ್ಷಿಣ ಆಫ್ರಿಕಾದ ಐಡೆನ್ ಮರ್ಕ್ರಮ್ ಅವರನ್ನು 2.6 ಕೋಟಿ ರೂ.ಗೆ ಸನ್ ರೈಸರ್ಸ್ ಹೈದರಾಬಾದ್ ತಂಡ ಖರೀದಿಸಿದೆ. ಉಳಿದಂತೆ ಅಂಜಿಕ್ಯ ರಹಾನೆ 1 ಕೋಟಿ ರೂಪಾಯಿಗೆ ಕೆಕೆಆರ್ ಪಾಲಾದರೆ, ಮಂದೀಪ್ ಸಿಂಗ್ 1.10 ಕೋಟಿಗೆ ಡೆಲ್ಲಿ ಕ್ಯಾಪಿಟಲ್ಸ್ಗೆ ಸೇಲಾಗಿದ್ದಾರೆ. ಡಾಮಿನಿಕ್ ಡ್ರೇಕ್ಸ್ ( 1.10 ಕೋಟಿ), ಜಯಂತ್ ಯಾದವ್ (1.70) ಮತ್ತು ವಿಜಯ್ ಶಂಕರ್ (1.40 ಕೋಟಿ) ಗುಜರಾತ್ ಟೈಟನ್ಸ್ ತಂಡ ಖರೀದಿಸಿದೆ. ದಕ್ಷಿಣ ಆಫ್ರಿಕಾದ ಮಾರ್ಕೋ ಜನ್ಸೇನ್ರನ್ನು ಎಸ್ಆರ್ಎಚ್ ತಂಡ 4.2 ಕೋಟಿಗೆ ಖರಿದೀಸಿದರೆ, ಕೆ. ಗೌತಮ್ 90 ಲಕ್ಷಕ್ಕೆ ಲಖನೌ ತಂಡದ ಪಾಲಾಗಿದ್ದಾರೆ. ಖಲೀಲ್ ಅಹ್ಮದ್ 5.25 ಕೋಟಿ ರೂ.ಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಸೇರಿದರೆ, ಶ್ರೀಲಂಕಾದ ದುಷ್ಮಂತ ಚಮೀರ 2 ಕೋಟಿ ರೂ.ಗೆ ಲಖನೌ ಪಾಲಾಗಿದ್ದಾರೆ.
ಮಾರ್ನಸ್ ಲ್ಯಾಬುಶೇನ್, ಇಯಾನ್ ಮಾರ್ಗನ್, ಡೇವಿಡ್ ಮಲಾನ್, ಇಶಾಂತ್ ಶರ್ಮ, ಕ್ರಿಸ್ ಜೋರ್ಡಾನ್, ಫಿಂಚ್ ಮತ್ತು ಚೇತೇಶ್ವರ ಪೂಜಾರ ಮಾರಾಟವಾಗದೇ ಉಳಿದಿದ್ದಾರೆ. ಹರಾಜು ಪ್ರಕ್ರಿಯೆ ಮುಂದುವರಿದಿದೆ. (ಏಜೆನ್ಸೀಸ್)
ಐಪಿಎಲ್ ಮೆಗಾ ಹರಾಜು 2022: ಎರಡನೇ ದಿನದ ಹರಾಜಿನಲ್ಲಿ ಸೇಲಾದ ಮೊದಲ ಆಟಗಾರ ಈತ
ಕೆಲಸ ಸಿಗದೇ ಜೀವನದಲ್ಲಿ ಜಿಗುಪ್ಸೆ ಹೊಂದಿ ಸಾವಿನ ಹಾದಿ ಹಿಡಿದ ಚಾಮರಾಜನಗರದ ಯುವಕ
ಮೈಮಾಟ ಪ್ರದರ್ಶಿಸಿದ ಮಾತ್ರಕ್ಕೆ ಕೆಟ್ಟ ಸಿನಿಮಾ ಉಳಿಯುವುದಿಲ್ಲ: ದೀಪಿಕಾ ಚಿತ್ರದ ವಿರುದ್ಧ ಕಂಗನಾ ಕೆಂಗಣ್ಣು