ಮನಿಲಾ: ಕರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಆನ್ಲೈನ್ ಆರ್ಡರ್ಗಳಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಅದರಲ್ಲೂ ಫುಡ್ ಆರ್ಡರ್ ಸಂಖ್ಯೆಯಂತೂ ಹೆಚ್ಚಿದೆ. ಆದರೆ, ಕೆಲವೊಮ್ಮೆ ಆನ್ಲೈನ್ ಆರ್ಡರ್ಗಳು ತುಂಬಾ ಕಿರಿಕಿರಿ ಉಂಟುಮಾಡುತ್ತವೆ. ಏನೋ ಬುಕ್ ಮಾಡಿದರೆ ಮತ್ತೇನೋ ಬರುವುದು ಸಹ ಸಾಮಾನ್ಯವಾಗಿದೆ. ಇದೇ ರೀತಿಯ ಘಟನೆಯೊಂದು ಇದೀಗ ವರದಿಯಾಗಿದೆ.
ಆನ್ಲೈನ್ನಲ್ಲಿ ರೆಸ್ಟೋರೆಂಟ್ ಒಂದರಲ್ಲಿ ಫುಡ್ ಆರ್ಡರ್ ಮಾಡಿದ ಮಹಿಳೆಗೆ ಆಘಾತಕಾರಿ ಅನುಭವವಾಗಿದೆ. ಅದೇನೆಂದರೆ ಫ್ರೈಡ್ ಚಿಕನ್ ಬದಲಾಗಿ ಡೆಲಿವರಿ ಬಾಕ್ಸ್ನಲ್ಲಿ ಫ್ರೈಡ್ ಟವಲ್ ನೋಡಿ ಶಾಕ್ ಆದ ಮಹಿಳೆ ರೆಸ್ಟೋರೆಂಟ್ ವಿರುದ್ಧ ಆಕ್ರೋಶ ಹೊರಹಾಕಿದ್ದಾಳೆ. ಅಂದಹಾಗೆ ಈ ಘಟನೆ ಫಿಲಿಪೈನ್ಸ್ ರಾಷ್ಟ್ರದಲ್ಲಿ ನಡೆದಿದೆ.
ಅಲಿಕ್ ಪೆರೇಜ್ ಎಂಬ ಮಹಿಳೆ ಫುಡ್ ಡೆಲಿವರಿ ಪೋರ್ಟಲ್ನಲ್ಲಿ ಫ್ರೈಡ್ ಚಿಕನ್ ಆರ್ಡರ್ ಮಾಡುತ್ತಾರೆ. ಆರ್ಡರ್ನಂತೆಯೇ ಚಿಕನ್ ಡೆಲಿವರಿ ಆಗುತ್ತದೆ. ಬಾಕ್ಸ್ ತೆರೆದು ಚಿಕನ್ ಅನ್ನು ತುಂಡು ತುಂಡಾಗಿ ಕತ್ತರಿಸಲು ಮುಂದಾಗುತ್ತಾರೆ. ಆದರೆ, ಕತ್ತರಿಸಲು ಆಗುವುದಿಲ್ಲ. ಬಳಿಕ ಪತಿಯನ್ನು ಕರೆಯುತ್ತಾಳೆ. ಅಲ್ಲಿಗೆ ಆಗಮಿಸಿದ ಪತಿ ಇಡೀ ಕವರ್ ಅನ್ನು ತೆರೆದು ನೋಡಿದಾಗ ಫ್ರೈಡ್ ಚಿಕನ್ ಬದಲು ಫ್ರೈಡ್ ಟವೆಲ್ ನೋಡಿ ಆಘಾತಕ್ಕೆ ಒಳಗಾಗುತ್ತಾರೆ.
ಬಳಿಕ ಇದಕ್ಕೆ ಸಂಬಂಧಿಸಿದ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟು ಮಹಿಳೆ ರೆಸ್ಟೋರೆಂಟ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಾರೆ. ಇದರ ಬೆನ್ನಲ್ಲೇ ಮಹಿಳೆಗೆ ಸ್ಪಂದಿಸುವ ರೆಸ್ಟೋರೆಂಟ್ ನಮ್ಮಿಂದ ತಿಳಿಯದೇ ತಪ್ಪಾಯಿತು ಕ್ಷಮಿಸಿ, ಈ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ಭರವಸೆ ನೀಡುತ್ತಾರೆ. ಬಳಿಕ ಬೇರೆ ಆರ್ಡರ್ ಕಳುಹಿಸಿಕೊಟ್ಟು ವಿವಾದಕ್ಕೆ ತೆರೆಎಳೆದಿದ್ದಾರೆ. (ಏಜೆನ್ಸೀಸ್)
ಅಂಗಡಿಯಿಂದ ಬಂದ ತಾಯಿ ಮಗಳ ಕೋಣೆ ತೆರೆಯುತ್ತಿದ್ದಂತೆ ಕಾದಿತ್ತು ಶಾಕ್: ಬೆಚ್ಚಿಬೀಳಿಸುವ ಘಟನೆ ಇದು!
ಯಾರಿಗೂ ಹೇಳದೆ ಮಕ್ಕಳೊಂದಿಗೆ ಮನೆಯಿಂದ ಹೊರಟ ದಂಪತಿಯ ಬದುಕು ದುರಂತ ಅಂತ್ಯ!