ಮುಂಬೈ: ಮಹಾರಾಷ್ಟ್ರದಲ್ಲಿ ಕರೊನಾ ಸೋಂಕು ಸ್ವಲ್ಪ ಹೆಚ್ಚೇ ಇದ್ದು, ಲಾಕ್ಡೌನ್ ಇದ್ದರೂ ಅಲ್ಲಿನ ಜನ ನಿಯಮ ಉಲ್ಲಂಘಿಸಿ ರಸ್ತೆಗೆ ಇಳಿಯುವುದನ್ನು ಮುಂದುವರಿಸಿಯೇ ಇದ್ದಾರೆ. ಪೊಲೀಸರೂ ಅಷ್ಟೇ ದಂಡನೆ ವಿಧಿಸುವಲ್ಲಿಯೂ ಹೊಸ ಹೊಸ ಮಾದರಿಯನ್ನು ಹುಡುಕಿ ಪರಿಚಯಿಸುತ್ತಲೇ ಇದ್ದಾರೆ.
ಲಾಕ್ಡೌನ್ ಮೊದಲ ಅವಧಿಯಲ್ಲಿ ಆರತಿ ಎತ್ತಿ, ಮುಖಕ್ಕೆ ತಿಲಕ ಇಟ್ಟು ಜಾಗೃತಿ ಮೂಡಿಸಿದ್ದ ಪೊಲೀಸರು ಈಗ ಇನ್ನೂ ಹೊಸ ರೀತಿಯಲ್ಲಿ ದಂಡನೆ ವಿಧಿಸಲು ಶುರುಮಾಡಿದ್ದಾರೆ. ಪುಣೆ ಪೊಲೀಸರು ಗುರುವಾರ ಕೈಗೊಂಡ ಕ್ರಮ ದೇಶದ ಗಮನಸೆಳೆದಿದೆ. ಲಾಕ್ಡೌನ್ ನಿಯಮ ಉಲ್ಲಂಘಿಸಿ ರಸ್ತೆಗೆ ಇಳಿದ ಜನರನ್ನು ಒಂದೆಡೆ ನಿಲ್ಲಿಸಿ ಸೋಷಿಯಲ್ ಡಿಸ್ಟೆನ್ಸ್ ಬಗ್ಗೆ ತಿಳಿವಳಿಕೆ ಮೂಡಿಸಿದರು. ಅಷ್ಟೇ ಆದರೆ ಅದು ಇಷ್ಟು ಸುದ್ದಿಯಾಗುತ್ತಿರಲಿಲ್ಲ. ಬರೋಬ್ಬರಿ 200 ಜನ ಅಲ್ಲಿದ್ದರು. ಎಲ್ಲರನ್ನೂ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ತಿಳಿಸಿ ಆ ಸುಡು ಬಿಸಿಲಲ್ಲಿ, ಅದೇ ರಸ್ತೆ ಮೇಲೆ ನಾಲ್ಕು ಗಂಟೆ ಕೂರಿಸಿದ್ದರು!
ಇನ್ನೊಂದು ಘಟನೆಯೂ ಪುಣೆಯಿಂದಲೇ ವರದಿಯಾಗಿದೆ. ಅಲ್ಲಿನ ಬಿಬ್ವೆವಾಡಿ ಪ್ರದೇಶದಲ್ಲಿ ಲಾಕ್ಡೌನ್ ಇದ್ದಾಗ್ಯೂ ಬೆಳಗ್ಗಿನ ವಾಕಿಂಗ್ ಗೆ ಹೊರಟಿದ್ದರು ಅನೇಕರು. ಅವರನ್ನೆಲ್ಲ ಅಲ್ಲೇ ನಿಲ್ಲಿಸಿದ ಪೊಲೀಸರು ಎಲ್ಲರಿಗೂ ಯೋಗ, ವ್ಯಾಯಾಮವನ್ನು ಮಾಡಿಸಿದರು. ಸೋಷಿಯಲ್ ಡಿಸ್ಟೆನ್ಸಿಂಗ್ ನಿಯಮವನ್ನೂ ಪಾಲಿಸಲು ಸೂಚಿಸಿದರು. ನಿಯಮ ಉಲ್ಲಂಘಿಸಿ ಹೊರಗೆ ಬಂದರೆ ಇದೇ ಶಿಕ್ಷೆ ಎಂದು ಎಚ್ಚರಿಸಿದ್ದು ವಿಶೇಷ. (ಏಜೆನ್ಸೀಸ್)
VIDEO| ದೆವ್ವ ಬಂತು ದೆವ್ವ!: ಕರೊನಾ ಲಾಕ್ಡೌನ್ ಶುರುವಾದಾಗಿನಿಂದ ಈ ಗ್ರಾಮದಲ್ಲಿ ದೆವ್ವದ್ದೇ ಕಾಟ…
Maharashtra: Around 200 people were made to sit on the road at Swargate area in Pune for over 4 hours for defying #coronaviruslockdown norms, yesterday. pic.twitter.com/Z4Vt1tHgyk
— ANI (@ANI) April 16, 2020
#WATCH Maharashtra: Police made people, who violated lockdown for a morning walk, perform yoga in Bibvewadi area of Pune, early morning today. #CoronavirusLockdown pic.twitter.com/m5ooX6ixaN
— ANI (@ANI) April 16, 2020