ಹೈದರಾಬಾದ್: ಬಹುಭಾಷಾ ನಟಿ ಪ್ರಿಯಾಮಣಿ ತಮ್ಮ ಬೋಲ್ಡ್ ನಟನೆಯಿಂದಲೇ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. 2017ರಲ್ಲಿ ಮುಸ್ತಾಫ್ ರಾಜ್ ಎಂಬುವರನ್ನು ವರಿಸಿದ ಬಳಿಕ ಪ್ರಿಯಾಮಣಿ ಅವರು ಹೆಚ್ಚು ಚಿತ್ರಗಳಲ್ಲಿ ನಟಿಸಿಲ್ಲ. ಆದರೂ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಅಭಿಮಾನಿಗಳೊಂದಿಗೆ ಅವರು ನಿರಂತರ ಸಂಪರ್ಕದಲ್ಲಿರುತ್ತಾರೆ.
ಸದ್ಯ ವೆಬ್ ಸೀರಿಸ್ ಮತ್ತು ಟೆಲಿವಿಷನ್ ಶೋ ಒಂದರ ಜಡ್ಜ್ ಆಗಿರುವ ಪ್ರಿಯಾಮಣಿ, ಇತ್ತೀಚೆಗಷ್ಟೇ ತಮ್ಮ ಹೊಸ ಫೋಟೋಶೂಟ್ ಫೋಟೋಗಳನ್ನು ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಕಪ್ಪು ಬಣ್ಣದ ಧಿರಿಸಿನಲ್ಲಿ ಕ್ಯಾಮೆರಾಗೆ ಮಾದಕ ಪೋಸ್ ನೀಡಿದ್ದ ಫೋಟೋಗಳು ವೈರಲ್ ಆಗಿದ್ದು, ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿರಿ: ಕಬ್ಜ ಶೂಟಿಂಗ್ ವೇಳೆ ನಟ ಉಪೇಂದ್ರ ತಲೆಗೆ ಬಡಿಯಿತು ಸಹ ನಟ ಬೀಸಿದ ರಾಡ್..!
ಜಾಲತಾಣ ಅಂದ ಮೇಲೆ ಕೆಲವರು ಪುಂಡು ಪೊಕರಿಗಳು ಸಹ ಇರುತ್ತಾರೆ. ಇದೇ ಕ್ಯಾಟಗರಿಗೆ ಸೇರಿದ ನೆಟ್ಟಿಗನೊಬ್ಬ ಪ್ರಿಯಾಮಣಿಗೆ ಕಾಮೆಂಟ್ ಮಾಡಿ ಬೆತ್ತಲೆ ಫೋಟೋಗಳನ್ನು ಕೇಳಿದ್ದಾನೆ.
ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಪ್ರಿಯಾಮಣಿ, ಮೊದಲ ನಿಮ್ಮ ಅಮ್ಮ ಮತ್ತು ಅಕ್ಕ-ತಂಗಿಯರ ಬಳಿ ಕೇಳು, ಅವರು ಮಾಡಿದರೆ ನಾನು ಸಹ ಖಂಡಿತವಾಗಿ ಮಾಡುತ್ತೇನೆಂದು ಖಡಕ್ ಉತ್ತರ ನೀಡಿದ್ದಾರೆ. ಕೊನೆಯಲ್ಲಿ ನೆಟ್ಟಗನು ಸಹ ಕ್ಷಮೆಯಾಚಿಸಿದ್ದಾನೆ.
ಪ್ರಿಯಾಮಣಿ ಅವರ ಉತ್ತರಕ್ಕೆ ಮಾರುಹೋದ ಅಭಿಮಾನಿಗಳು ಮೆಚ್ಚುಗೆಯ ಸುರಿಮಳೆಗೈಯುತ್ತಿದ್ದಾರೆ. (ಏಜೆನ್ಸೀಸ್)
ಅಮಿತಾಭ್ ಜತೆ ರಶ್ಮಿಕಾ ಗುಡ್ಬೈ; ಸೆಟ್ಟೇರಿತು ಬಾಲಿವುಡ್ನ ಮತ್ತೊಂದು ಸಿನಿಮಾ…