ಬೆಂಗಳೂರು: ನೀರು ಉಳಿತಾಯ ಪೋತ್ಸಾಹಿಸುವ ಉದ್ದೇಶದಿಂದ ಮಾಲ್, ವಾಣಿಜ್ಯ ಸಂಕೀರ್ಣ, ಅಪಾರ್ಟ್ಮೆಂಟ್, ಸರ್ಕಾರಿ ಕಟ್ಟಡ, ಹೋಟೇಲ್ ಸೇರಿದಂತೆ ಸಾರ್ವಜನಿಕ ಪ್ರದೇಶಗಳಲ್ಲಿರುವ ನಲ್ಲಿಗಳಿಗೆ ಕಡ್ಡಾಯವಾಗಿ ಏರೇಟರ್ ಅಳವಡಿಸಲು ನೀಡಿದ್ದ ಗಡುವನ್ನು ಮೇ 7ರವರೆಗೆ ವಿಸ್ತರಿಸಿ ಜಲಮಂಡಳಿ ಆದೇಶಿಸಿದೆ.
ಏರೇಟರ್ ಅಳವಡಿಸಿಕೊಳ್ಳಲು ಏ.30 ವರೆಗೆ ಅವಕಾಶ ನೀಡಿತ್ತು. ಸಾರ್ವಜನಿಕರು ಗಡುವು ವಿಸ್ತರಿಸುವಂತೆ ಕೋರಿದ ಹಿನ್ನೆಲೆಯಲ್ಲಿ ಅವಕಾಶ ವಿಸ್ತರಿಸಲಾಗಿದೆ.
ಮೇ 8ರ ನಂತರ ಪರಿಶೀಲನೆ ನಡೆಸಿ ಏರೇಟರ್ ಅಳವಡಿಸಿಕೊಳ್ಳದೇ ಇರುವವರ ಮೇಲೆ ದಂಡ ವಿಧಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಈಗಾಗಲೇ ನಗರದಾದ್ಯಂತ ಸುಮಾರು 6 ಲಕ್ಕೂ ಹೆಚ್ಚು ಏರೇಟರ್ಗಳನ್ನು ಅಳವಡಿಸಿಕೊಳ್ಳಲಾಗಿದೆ ಎಂದು ಜಲಮಂಡಳಿ ಅಧ್ಯಕ್ಷ ಡಾ.ವಿ.ರಾಮ್ ಪ್ರಸಾತ್ ಮನೋಹರ್ ತಿಳಿಸಿದ್ದಾರೆ.