ನವದೆಹಲಿ: ಮಹಾಮಾರಿ ಕರೊನಾ ಸೋಂಕು ಹರಡುತ್ತಿರುವ ಆರೋಗ್ಯ ಬಿಕ್ಕಟ್ಟಿನ ಸಮಯದಲ್ಲಿ ಕೋವಿಡ್-19 ವಿರುದ್ಧ ಹೋರಾಡಲು ಜನರೆಲ್ಲರೂ ರಕ್ಷಣಾ ಕ್ರಮಗಳ ಮೊರೆ ಹೋಗಿದ್ದು, ಮಾಸ್ಕ್ ಕೂಡ ಅವಶ್ಯಕ ವಸ್ತುಗಳಲ್ಲಿ ಒಂದಾಗಿದೆ. ಹೋರಾಟಕ್ಕೆ ಸಾಥ್ ನೀಡಿರುವ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ಪತ್ನಿ ಸವಿತಾ ಕೋವಿಂದ್ ಆಶ್ರಯ ತಾಣದಲ್ಲಿರುವ ಬಡ ಜನರ ನೆರವಿಗೆ ಧಾವಿಸಿದ್ದಾರೆ.
ರಾಷ್ಟ್ರ ರಾಜಧಾನಿ ದೆಹಲಿ ಶಕ್ತಿ ಹಾತ್ನಲ್ಲಿರುವ ರಾಷ್ಟ್ರಪತಿಗಳ ಎಸ್ಟೇಟ್ನಲ್ಲಿ ಸವಿತಾ ಕೋವಿಂದ್ ಅವರು ಖುದ್ದಾಗಿ ಹೊಲಿಗೆ ಯಂತ್ರದ ಮೂಲಕ ಮಾಸ್ಕ್ ತಯಾರಿಸುತ್ತಿದ್ದಾರೆ. ಈ ಮಾಸ್ಕ್ಗಳನ್ನು ನಗರದ ಆಶ್ರಯ ಸುಧಾರಣಾ ಮಂಡಳಿ ಅಡಿಯಲ್ಲಿ ಬರುವ ವಿವಿಧ ಆಶ್ರಯ ಮನೆಗಳಿಗೆ ವಿತರಿಸಲಾಗುತ್ತದೆ. ಸವಿತಾ ಅವರು ಮುಖಕ್ಕೆ ಕೆಂಪು ಬಣ್ಣದ ಮಾಸ್ಕ್ ಧರಿಸಿ, ಮಾಸ್ಕ್ ತಯಾರಿಸುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಕೂಡ ಆಗಿದೆ.
ಮಾಸ್ಕ್ ತಯಾರಿಸುವುದರೊಂದಿಗೆ ಎಲ್ಲರೂ ಕೋವಿಡ್-19 ವಿರುದ್ಧ ಹೋರಾಡಿ ಗೆಲುವು ಸಾಧಿಸೋಣ ಎಂದು ಸಂದೇಶ ಸಾರಿದ್ದಾರೆ.
ಇನ್ನು ಪರಿಣಿತರು ಕರೊನಾ ವಿರುದ್ಧ ಹೋರಾಡಲು ಸಾಮಾಜಿಕ ಅಂತರ ಸೇರಿದಂತೆ ಇತರೆ ಉಪಕ್ರಮಗಳನ್ನು ನಿರ್ವಹಿಸಲು ಸಲಹೆ ನೀಡಿದ್ದು, ಹೆಚ್ಚುವರಿಯಾಗಿ ಮಾಸ್ಕ್ ಧರಿಸಲು ಸೂಚನೆ ನೀಡಿದ್ದಾರೆ. ಕರೊನಾ ಹರಡಲು ಆರಂಭವಾದಗಿನಿಂದ ಮಾಸ್ಕ್ ಅನ್ನು ಸಾಮಾನ್ಯವಾಗಿ ಬಳಸಲಾಗುತ್ತಿದ್ದು, ಕೆಲ ರಾಜ್ಯಗಳಲ್ಲಿ ಮಾಸ್ಕ್ ಧರಿಸಿದ್ದರೆ ಭಾರಿ ದಂಡವನ್ನು ನಿಗದಿಪಡಿಸಿವೆ. (ಏಜೆನ್ಸೀಸ್)
ಲಾಕ್ಡೌನ್ ನಡುವೆ ಘೋರ ದುರಂತ: ಆಟವಾಡ್ತಿದ್ದ ಬಾಲಕನ ಮೇಲೆ ದಾಳಿ ನಡೆಸಿ ಕೊಂದು ತಿಂದ ಹಂದಿಗಳು