ಕ್ಯಾನ್ಬೆರಾ: ಆನ್ಲೈನ್ ಜಗತ್ತು ಎಷ್ಟು ಒಳ್ಳೆಯದೋ ಅಷ್ಟೇ ಕೆಟ್ಟದ್ದು ಕೂಡ. ನಮ್ಮ ಕೈನಿಂದಾಗುವ ಸಣ್ಣ ಪುಟ್ಟ ತಪ್ಪಿನಿಂದಾಗಿ ಪೂರ್ತಿ ಜಗತ್ತಿನೆದುರೇ ತಲೆ ತಗ್ಗಿಸುವಂತೆ ಮಾಡುವ ಶಕ್ತಿ ಆನ್ಲೈನ್ಗಿದೆ. ಅದೇ ರೀತಿ ಆನ್ಲೈನ್ ಸೈಟ್ ಒಂದರಲ್ಲಿ ಕಾರು ಮಾರಾಟ ಮಾಡಲು ಹೋದ ವ್ಯಕ್ತಿಯೊಬ್ಬ ಪ್ರಪಂಚದೆದುರು ತಲೆ ತಗ್ಗಿಸಿರುವ ಘಟನೆ ಆಸ್ಟ್ರೇಲಿಯಾದಲ್ಲಿ ನಡೆದಿದೆ.
ಆ ವ್ಯಕ್ತಿ ತನ್ನ ನಿಸಾನ್ ಕಾರನ್ನು ಮಾರಾಟ ಮಾಡಲು ಮುಂದಾಗಿದ್ದ. 2011ರ ಮಾಡೆಲ್ ಗಾಡಿ, 96,300 ಕಿಮೀ ಓಡಿದೆ, ಇತ್ಯಾದಿ ಮಾಹಿತಿಗಳನ್ನು ವೆಬ್ಸೈಟ್ ಒಂದರಲ್ಲಿ ಅಪ್ಲೋಡ್ ಮಾಡಿದ್ದ. ಕಾರು ಮಾರಾಟ ಮತ್ತು ಕೊಳ್ಳುವ ಸೈಟ್ ಆಗಿದ್ದ ಅದರಲ್ಲಿ ತನ್ನ ಕಾರಿನ 40 ಫೋಟೋಗಳನ್ನೂ ಹಾಕಿದ್ದ. ಆದರೆ ಫೋಟೋ ಅಪ್ಲೋಡ್ ಮಾಡುವ ವೇಳೆ ಆತನ ಕಾರಿನ ಫೋಟೋಗಳ ಜತೆ ಆತ ತೆಗೆದುಕೊಂಡಿದ್ದ ಕೆಲ ಗುಪ್ತ ಫೋಟೋಗಳೂ ಸೆಲೆಕ್ಟ್ ಆಗಿವೆ. ಗುಪ್ತಾಂಗ ಪ್ರದರ್ಶನ ಮಾಡಿದ್ದ ಫೋಟೋಗಳು ಜಗತ್ತಿಗೇ ಕಾಣುವಂತಾಗಿದೆ.
ಈ ರೀತಿಯ ಫೋಟೋ ಇದ್ದಿದ್ದರಿಂದಾಗಿ ಆತನ ಕಾರಿನ ಜಾಹೀರಾತು ಹೆಚ್ಚು ವೈರಲ್ ಆಗಿದೆ. ಅನೇಕರು ಈ ಆ್ಯಡ್ನ ಬಗ್ಗೆ ಟ್ರೋಲ್ ಮಾಡಲಾರಂಭಿಸಿದ್ದಾರೆ. ಎಲ್ಲೇ ನಿಸಾನ್ ಕಾರನ್ನು ನೋಡಿದರೂ ಇದೇ ಆ್ಯಡ್ ನೆನಪಾಗುತ್ತದೆ ಎಂದು ಕಾಲೆಳೆದಿದ್ದಾರೆ. ಸಾವಿರಾರು ಜನರು ಈ ಆ್ಯಡ್ನ ಬಗ್ಗೆ ಕಾಮೆಂಟ್ ಮಾಡಿದ ನಂತರ ತನ್ನ ತಪ್ಪಿನ ಅರಿವಾದ ಕಾರು ಮಾಲೀಕ ಆ್ಯಡ್ನ್ನು ತೆಗೆದುಹಾಕಿದ್ದಾನೆ. ಆತನ ಕಾರು ಮಾರಾಟವಾಗಿದೆಯೋ ಅಥವಾ ಇಲ್ಲವೋ ಎನ್ನುವುದು ಯಾರಿಗೂ ತಿಳಿದಿಲ್ಲ. (ಏಜೆನ್ಸೀಸ್)
ಕರೊನಾ ಮೂರನೇ ಅಲೆ ದೇಶಕ್ಕೆ ಕಾಲಿಟ್ಟೇ ಬಿಡ್ತಾ? ಆತಂಕಕಾರಿ ಮಾಹಿತಿ ಹೊರಹಾಕಿದ ವಿಧಿ ವಿಜ್ಞಾನ ತಜ್ಞ
ನಿಂತಿದ್ದ ಆ್ಯಂಬುಲೆನ್ಸ್ ಅಲ್ಲಾಡುತ್ತಿತ್ತು; ಹತ್ತಿರ ಹೋಗಿ ನೋಡಿದ ಪೊಲೀಸರಿಗೆ ಕಂಡಿದ್ದು ಬೇರೆಯದ್ದೇ ದೃಶ್ಯ!