ತುಮಕೂರು: ರಾಜಧಾನಿ ಬೆಂಗಳೂರಿನಲ್ಲಿ ಕೆಲವು ದಿನಗಳಿಂದ ಭಾರಿ ಚರ್ಚೆಯಲ್ಲಿರುವ ಟೋಯಿಂಗ್ ವಿಚಾರ, ಇದೀಗ ತುಮಕೂರಿನಲ್ಲಿ ಕೂಡ ಮುನ್ನೆಲೆಗೆ ಬಂದಿದೆ. ಮಾತ್ರವಲ್ಲ, ಟೋಯಿಂಗ್ಗೆ ಬಂದಿದ್ದ ಪೊಲೀಸರನ್ನು ಸಾರ್ವಜನಿಕರು ತರಾಟೆಗೆ ತೆಗೆದುಕೊಂಡ ಪ್ರಸಂಗವೂ ಉಂಟಾಗಿತ್ತು.
ತುಮಕೂರು ಉಪನೋಂದಣಾಧಿಕಾರಿ ಕಚೇರಿ ಬಳಿ ನಿಲ್ಲಿಸಿದ್ದ ವಾಹನಗಳ ಟೋಯಿಂಗ್ಗೆ ಸಂಚಾರ ಪೊಲೀಸರು ಬಂದಿದ್ದಾಗ ಈ ಸನ್ನಿವೇಶ ಉಂಟಾಗಿದೆ. ನೋ ಪಾರ್ಕಿಂಗ್ ಎಂದು ಸೂಚಿಸಿದ್ದ ಸ್ಥಳ ಬಿಟ್ಟು ಬೇರೆ ಕಡೆ ನಿಲ್ಲಿಸಿದ್ದ ವಾಹನಗಳನ್ನೂ ಟೋಯಿಂಗ್ ಮಾಡಲಾಗುತ್ತಿದೆ ಎಂದು ಆರೋಪಿಪಿ ಸಾರ್ವಜನಿಕರು ಪೊಲೀಸರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಇಂದು ಮಧ್ಯಾಹ್ನ ನಡೆದ ಈ ಮಾತಿನ ಚಕಮಕಿ ವೇಳೆ ಸಾರ್ವಜನಿಕರ ಖಡಕ್ ಪ್ರಶ್ನೆಗಳಿಗೆ ಉತ್ತರಿಸಲಾಗದೆ ಪೊಲೀಸರು ಬಂದ ದಾರಿಗೆ ಸುಂಕವಿಲ್ಲ ಎಂಬಂತೆ ಮರಳುವಂತಾಗಿತ್ತು.