ಮುಂಬೈ: ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರದ ಬಗ್ಗೆ ಇಡೀ ದೇಶವೇ ಬಹಳ ಕುತೂಹಲದಿಂದ ಎದುರು ನೋಡುತ್ತಿತ್ತು. ಕಾರಣ, ಬಾಲಿವುಡ್ ಅಷ್ಟೇ, ‘ಕಿಂಗ್ ಖಾನ್’ ಶಾರುಖ್ ಖಾನ್ ಸಹ ಸತತ ಸೋಲುಗಳಿಂದ ಕಂಗೆಟ್ಟಿದ್ದರು. ಅವರಿಗಷ್ಟೇ ಅಲ್ಲ, ಚಿತ್ರರಂಗಕ್ಕೂ ಒಂದು ದೊಡ್ಡ ಹಿಟ್ ಬೇಕಿತ್ತು. ಈಗ ಅಂಥದ್ದೊಂದು ಯಶಸ್ಸನ್ನು ‘ಪಠಾಣ್’ ನೀಡಿದೆ.
ಇದನ್ನೂ ಓದಿ: ಸುಳ್ಳುಸುದ್ದಿ ಹಬ್ಬಿಸಬೇಡಿ ಎಂದು ವಿನಂತಿ ಮಾಡಿಕೊಂಡ ಸುನೀಲ್ ಶೆಟ್ಟಿ … ಯಾಕೆ ಗೊತ್ತಾ?
‘ಪಠಾಣ್’ ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಈಗಾಗಲೇ ಜನವರಿ 20ರಂದು ಶುರುವಾಗಿದ್ದು, ಮೊದಲ ದಿನದ ಎರಡು ಲಕ್ಷ ಟಿಕೆಟ್ಗಳು ಈಗಾಗಲೇ ಮಾರಾಟವಾದ ಸುದ್ದಿ ಇತ್ತು. ಇನ್ನು, ನಂತರದ ಟಿಕೆಟ್ಗಳಿಗೂ ಸಹ ಒಳ್ಳೆಯ ಬೇಡಿಕೆ ಇದ್ದು, ಸಾಲುಸಾಲು ರಜೆಗಳಿರುವ ಕಾರಣ, ಮೊದಲ ಐದು ದಿನ ಎಲ್ಲ ಕಡೆ ಹೌಸ್ಫುಲ್ ಆಗುವ ಸಾಧ್ಯತೆ ಇದೆ ಎಂದು ಹೇಳಲಾಗಿತ್ತು.
ಅಷ್ಟೇ ಅಲ್ಲ, ಬಾಲಿವುಡ್ ಮಂದಿಯ ಲೆಕ್ಕಾಚಾರದ ಪ್ರಕಾರ, ‘ಪಠಾಣ್’ ಮೊದಲ ದಿನ ಭಾರತದಲ್ಲಿ 40 ಕೋಟಿ ರೂ. ಗಳಿಕೆ ಮಾಡಬಹುದು ಎಂದು ಹೇಳಲಾಗಿತ್ತು. ಅದನ್ನು ಸುಳ್ಳು ಮಾಡಿದ ಚಿತ್ರವು, ಮೊದಲ ದಿನ 50 ಕೋಟಿ ಪ್ಲಸ್ ಗಳಿಕೆ ಮಾಡಿದೆ ಎಂಬ ಸುದ್ದಿ ಇದೆ. ಇನ್ನು ಎರಡನೆಯ ದಿನ, ಗಣರಾಜ್ಯೋತ್ಸವದ ಅಂಗವಾಗಿ ರಜೆ ಇದ್ದ ಕಾರಣ, ಬಂಪರ್ ಕಲೆಕ್ಷನ್ ಆಗಿದೆ. ಮೂಲಗಳ ಪ್ರಕಾರ, ಎರಡನೆಯ ದಿನ 70 ಪ್ಲಸ್ ಕೋಟಿ ಗಳಿಕೆ ಆಗಿದೆಯಂತೆ.
ಅಲ್ಲಿಗೆ ಎರಡು ದಿನಗಳಿಂದ ಸೇರಿ, ‘ಪಠಾಣ್ 127’ ಕೋಟಿ ದುಡಿದಿದ್ದಾನೆ. ಅಲ್ಲಿಗೆ ಈ ಚಿತ್ರವು ಮೊದಲ ಐದು ದಿನದಲ್ಲೇ 200 ಕೋಟಿ ರೂ ಗಳಿಕೆ ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ಹೇಳಲಾಗುತ್ತಿದೆ. ಈ ಗಳಿಕೆ ಬಾಲಿವುಡ್ನಲ್ಲೇ ಅತೀ ಹೆಚ್ಚಿನದ್ದಾಗಿದ್ದು, ಚಿತ್ರ ಇದೇ ರೀತಿ ಮುಂದುವರೆದರೆ, ‘ಕೆಜಿಎಫ್ 2’, ‘RRR’, ಪುಷ್ಪ’ ಮುಂತಾದ ಚಿತ್ರಗಳ ದಾಖಲೆಗಳನ್ನು ಮುರಿಯುವ ನಿರೀಕ್ಷೆ ಇದೆ.
ಇದನ್ನೂ ಓದಿ: ‘ರೊಲೆಕ್ಸ್’ ಕಟ್ಟಿಕೊಂಡು ಸೋನಲ್ ಜತೆಗೆ ಚಿತ್ರೀಕರಣಕ್ಕೆ ಹೊರಟರು ಕೋಮಲ್ …
‘ಪಠಾಣ್’ ಚಿತ್ರದಲ್ಲಿ ಶಾರುಖ್ ಖಾನ್, ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ, ಡಿಂಪಲ್ ಕಪಾಡಿಯಾ ಮುಂತಾದವರು ಅಭಿನಯಿಸಿದ್ದಾರೆ. ಯಶ್ರಾಜ್ ಫಿಲಂಸ್ನಡಿ ಆದಿತ್ಯ ಚೋಪ್ರಾ ಈ ಚಿತ್ರವನ್ನು ನಿರ್ಮಿಸಿದ್ದು, ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶನ ಮಾಡಿದ್ದಾರೆ.