ನವದೆಹಲಿ: ಕಳೆದ ಎಂಬತ್ತು ವರ್ಷಗಳಲ್ಲಿ ಸಾಧಿಸಲಾಗದ್ದನ್ನು ಕೇವಲ ಮೂರು ತಿಂಗಳಲ್ಲಿ ಸಾಧಿಸಿ ಬೀಗಿದೆ ಈ ಕಂಪನಿ. ಎಲ್ಲರಿಗೂ ಲಾಕ್ಡೌನ್ ಅವಧಿ ಸಂಕಷ್ಟದ ಕಾಲವಾಗಿದ್ದರೆ, ಈ ಕಂಪನಿ ಮಾತ್ರ ಭಾರಿ ಲಾಭ ಗಳಿಸಿದೆ.
ಲಾಕ್ಡೌನ್ ಅವಧಿಯಲ್ಲಿ ಅಗತ್ಯ ವಸ್ತುಗಳ ಉತ್ಪಾದನೆ ಹಾಗೂ ಮಾರಾಟಕ್ಕೆ ಅವಕಾಶ ಕಲ್ಪಿಸಲಾಗಿತ್ತು. ಅಂತೆಯೇ ಆಹಾಋ ಉತ್ಪಾದನೆ ಕಾರ್ಖಾನೆಗಳ ಮೇಲೆ ಯಾವುದೇ ನಿರ್ಬಂಧವಿರಲಿಲ್ಲ. ಹೀಗಾಗಿ ಬಿಸ್ಕೆಟ್ ಉತ್ಪಾದನೆ ಕಾರ್ಖಾನೆಗಳು ಎಂದಿನಂತೆ ಕಾರ್ಯ ನಿರ್ವಹಿಸುತ್ತಿದ್ದವು. ಈ ಅವಧಿಯಲ್ಲಿ ಭಾರಿ ಬೇಡಿಕೆ ಗಳಿಸಿದ್ದು, ಪಾರ್ಲೆ ಕಂಪನಿ.
ಇದನ್ನೂ ಓದಿ; ಹೊತ್ತಿ ಉರಿಯುತ್ತಿರುವ ತೈಲ ಬಾವಿ ಬೆಂಕಿ ನಂದಿಸಲು ಒಂದು ತಿಂಗಳೇ ಬೇಕು….!
ಈ ಕಂಪನಿಯ ಪಾರ್ಲೆ-ಜಿ ಬಿಸ್ಕೆಟ್ ಹೊಸ ದಾಖಲೆಯನ್ನೇ ಬರೆದಿದೆ. ಕಂಪನಿ 80 ವರ್ಷಗಳಲ್ಲಿಯೇ ಅತಿ ಹೆಚ್ಚು ಮಾರಾಟವನ್ನು ಲಾಕ್ಡೌನ್ ಅವಧಿಯ ಮೂರು ತಿಂಗಳಲ್ಲಿ ಮಾಡಿದೆ. ಒಟ್ಟಾರೆ ಬಿಸ್ಕೆಟ್ ಮಾರಾಟದಲ್ಲಿ ಶೇ.80-90 ಪಾರ್ಲೆ-ಜಿ ಪಾಲು ಹೊಂದಿದೆ.
ಕೆಜಿಗೆ 100 ರೂ. ಆಸುಪಾಸಿನ ಬೆಲೆ ಹೊಮದಿರುವ ಪಾರ್ಲೆ-ಜಿ ಜನಸಾಮಾನ್ಯರ ಬಿಸ್ಕೆಟ್ ಎಂದೇ ಹೆಸರಾಗಿದೆ. ಲಾಕ್ಡೌನ್ ಅವಧಿಯಲ್ಲಿ ಊಟಕ್ಕೆ ಪರದಾಡಿದವರು ಈ ಬಿಸ್ಕೆಟ್ ತಂದೇ ಕಾಲ ಕಳೆದಿದ್ದಾರೆ. ಹಲವು ರಾಜ್ಯ ಸರ್ಕಾರಗಳು ಕೂಡ ಬೇಡಿಕೆ ಸಲ್ಲಿಸಿದ್ದವು. ಕೆಲ ಸರ್ಕಾರೇತರ ಸಂಸ್ಥೆಗಳು ಕೂಡ ದೊಡ್ಡ ಪ್ರಮಾಣದಲ್ಲಿ ಈ ಬಿಸ್ಕೆಟ್ ಖರೀದಿಸಿವೆ ಎಂದು ಪಾರ್ಲೆ ಉತ್ಪನ್ನಗಳ ವರ್ಗೀಕರಣ ಮುಖ್ಯಸ್ಥ ಮಯಾಂಕ್ ಷಾ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ; ಕರೊನಾದಿಂದ ಕಾಪಾಡುತ್ತಿರುವ ಔಷಧಗಳಿವು; ಬೆಲೆ ಕೇಳಿದರೆ ತಲೆ ತಿರುಗುತ್ತೆ…!
ದೇಶದ 130 ಕಡೆಗಳಲ್ಲಿ ಪಾರ್ಲೆ ಉತ್ಪಾದನಾ ಘಟಕಗಳನ್ನು ಹೊಂದಿದೆ. ಅದರಲ್ಲಿ ಸ್ಥಳಗಳಲ್ಲಿ ಸ್ವಂತ ಕಾರ್ಖಾನೆಗಳಿವೆ. ಲಾಕ್ಡೌನ್ ಅವಧಿಯಲ್ಲಿ ಬಿಸ್ಕೆಟ್ ಪೂರೈಕೆಗಾಗಿ ವಿತರಣಾ ಜಾಲವನ್ನು ಕೇವಲ ಏಳು ದಿನಗಳಲ್ಲಿ ಸಂಪೂರ್ಣವಾಗಿ ಪರಿಷ್ಕರಿಸಿತ್ತು.
ಹುಟ್ಟುಹಬ್ಬದಂದೇ ಕರೊನಾಗೆ ಬಲಿಯಾದ ಶಾಸಕ; ಜನಪ್ರತಿನಿಧಿ ಸಾವಿನ ಮೊದಲ ಪ್ರಕರಣ