ಪಟ್ನಾ: ತಮ್ಮ ಅಸಾಧಾರಣ ನಟನೆಯಿಂದಲ್ಲದೆ, ಸಾಮಾಜಿಕ ಕಾರ್ಯ ಹಾಗೂ ಮಾನವೀಯ ಗುಣಗಳಿಂದ ಚಿತ್ರರಂಗದಲ್ಲಿ ಹೆಚ್ಚು ಖ್ಯಾತಿ ಪಡೆದಿರುವ ನಟ ಎಂದರೆ ಅದು ಪಂಕಜ್ ತ್ರಿಪಾಠಿ ಎಂದು ಹಲವರು ಹೇಳುತ್ತಾರೆ.
ಇದೀಗ ನಟ ಪಂಕಜ್ ತ್ರಿಪಾಠಿ ಇತ್ತೀಚಿಗೆ ಅಗಲಿದ ತಮ್ಮ ತಂದೆಯ ನೆನಪಾರ್ಥ ಹುಟ್ಟೂರಿನ ಸರ್ಕಾರಿ ಶಾಲೆಯಲ್ಲಿ ಅತ್ಯಾಧುನಿಕ ಗ್ರಂಥಾಲಯವನ್ನು ನಿರ್ಮಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ಇದನ್ನೂ ಓದಿ: ಬಿಜೆಪಿಯವರು ಸರ್ಕಾರ ಪತನವಾಗುತ್ತದೆ ಎಂದು ತಿರುಕನ ಕನಸು ಕಾಣುತ್ತಿದ್ದಾರೆ: ಬಿ.ಕೆ. ಹರಿಪ್ರಸಾದ್
ಬಿಹಾರದ ಗೋಪಾಲ್ಗಂಜ್ ಜಿಲ್ಲೆಯ ಬೆಲಸಂದ್ ಗ್ರಾಮದವಾರದ ಪಂಕಜ್ ತ್ರಿಪಾಠಿ ತಮ್ಮ ಹೆಳ್ಳಿಯಲ್ಲಿರುವ ಸರ್ಕಾರಿ ಹೈಯರ್ ಸೆಕೆಂಡರಿ ಸ್ಕೂಲ್ನಲ್ಲಿ ಅತ್ಯಾಧುನಿಕ ಗ್ರಂಥಾಲಯವನ್ನು ತೆರದು ಇತ್ತೀಚಿಗೆ ಲೋಕಾರ್ಪಣೆ ಮಾಡಿದ್ಧಾರೆ. ಕಳೆದ ಆಗಸ್ಟ್ 21ರಂದು ಪಂಕಜ್ ತ್ರಿಪಾಠಿ ಅವರ ತಂದೆ ಬನಾರಸ್ ತಿವಾರಿ (99) ವಿಧಿವಶರಾಗಿದ್ದರು.
ಈ ಕುರಿತು ಮಾತನಾಡಿರುವ ನಟ ಪಂಕಜ್ ತ್ರಿಪಾಠಿ ನನ್ನ ತಂದೆಯ ಸ್ಮರಣಾರ್ಥ ಶಾಲಾ ಮಕ್ಕಳಿಗಾಗಿ ಈ ಗ್ರಂಥಾಲಯವನ್ನು ತೆರದಿದ್ದೇನೆ. ಈ ಗ್ರಂಥಾಲಯವು ಮಕ್ಕಳಲ್ಲಿ ಸಾಹಿತ್ಯ ಹಾಗೂ ಜ್ಞಾನವನ್ನು ಹೆಚ್ಚಿಸುವಲ್ಲಿ ಹೆಚ್ಚಿನ ಕೊಡುಗೆ ನೀಡುತ್ತದೆ. ನಮ್ಮ ಮುಂದಿನ ಪೀಳಿಗೆಗೆ ನಾವು ಕೊಡುವ ದೊಡ್ಡ ಕೊಡುಗೆ ಎಂದರೆ ಅದು ಶಿಕ್ಷಣ ಎಂದು ನಟ ಪಂಕಜ್ ತ್ರಿಪಾಠಿ ಅಭಿಪ್ರಾಯಪಟ್ಟಿದ್ದಾರೆ.