ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ ಜಮ್ಮು ಮತ್ತು ಕಾಶ್ಮೀರದ ಮಿಲಿಟರಿ ಇಂಟೆಲಿಜೆನ್ಸ್ ಮತ್ತು ಮುಂಬೈ ಅಪರಾಧ ವಿಭಾಗದ ಪೊಲೀಸರು ಪಾಕಿಸ್ತಾನದ ಅತಿದೊಡ್ಡ ಬೇಹುಗಾರಿಕೆ ಜಾಲವನ್ನು ವಾಣಿಜ್ಯ ನಗರಿಯಲ್ಲಿ ಭೇದಿಸಿದೆ.
ಕಾನೂನುಬಾಹಿರ ವಾಯ್ಸ್ ಓವರ್ ಇಂಟರ್ನೆಟ್ ಪ್ರೋಟೋಕಾಲ್ ಎಕ್ಸ್ಚೇಂಜ್ (ವಿಒಐಪಿ) ಅನ್ನು ಬಳಸಿಕೊಂಡು ಲಡಾಖ್ನಲ್ಲಿರುವ ಭಾರತೀಯ ರಕ್ಷಣಾ ಪಡೆಯ ಮಾಹಿತಿಯನ್ನು ಕಲೆಹಾಕುವ ಪ್ರಯತ್ನಕ್ಕೆ ಪಾಕ್ ಬೇಹುಗಾರಿಕೆ ಜಾಲ ಕೈಹಾಕಿತ್ತು ಎಂದು ತಿಳಿದುಬಂದಿದೆ.
ಇದನ್ನೂ ಓದಿ: ಸಾರ್ವಜನಿಕರ ಕರೆ ಸ್ವೀಕರಿಸದಿದ್ದರೆ ಕಠಿಣ ಕ್ರಮ; ಬಿಎಸ್ವೈ
ಮುಂಬೈನಲ್ಲಿ ಓರ್ವನನ್ನು ಬಂಧಿಸಲಾಗಿದ್ದು, ಮತ್ತಷ್ಟು ಮಂದಿ ಇದರಲ್ಲಿ ಭಾಗಿಯಾಗಿರುವ ಬಗ್ಗೆ ತನಿಖೆ ನಡೆಯುತ್ತಿದೆ. ಅಲ್ಲದೆ, ಇನ್ನಿತರ ಸ್ಥಳಗಳ ಮಾಹಿತಿಯನ್ನು ಕಲೆಹಾಕಲಾಗುತ್ತಿದೆ.
ಕಾರ್ಯಾಚರಣೆ ಸ್ಥಳದಲ್ಲಿ 191 ಸಿಮ್ ಕಾರ್ಡ್ ಸೇರಿದಂತೆ ಕಾರ್ಯನಿರ್ವಹಿಸುವ ಮೂರು ಸಿಮ್ ಬಾಕ್ಸ್, ಒಂದು ಸ್ಟ್ಯಾಂಡ್ಬೈ ಸಿಮ್ ಬಾಕ್ಸ್, ಲ್ಯಾಪ್ಟಾಪ್, ಆಂಟೇನಾ, ಬ್ಯಾಟರಿಗಳು ಮತ್ತು ಕನೆಕ್ಟರ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಮೇ ಆರಂಭದಿಂದಲೂ ವಿಒಐಪಿ ಎಕ್ಸ್ಚೇಂಜ್ ಬಳಸಿಕೊಂಡು ಮಾಹಿತಿ ಕನ್ನ ಹಾಕುವ ಪ್ರಯತ್ನ ನಡೆಯುತ್ತಿದೆ ಎಂದು ಹೇಳಲಾಗಿದ್ದು, ಅನೇಕ ಸಂಶಯಾಸ್ಪದ ನಂಬರ್ನಿಂದ ಕರೆಗಳು ಬಂದಿವೆ. ಹೀಗೆ ಬಂದಂತಹ ಕರೆಗಳು ಲಡಾಖ್ ಸಂಬಂಧಿತ ಮಾಹಿತಿಗಳನ್ನು ಕೇಳುತ್ತಿದ್ದರು ಎಂದು ಬಹಿರಂಗವಾಗಿದೆ. ಮುಂಬೈನಲ್ಲಿ ಕೆಲವು ಅಕ್ರಮ ವಿಒಐಪಿ ಎಕ್ಸ್ಚೇಂಜ್ಗಳಿವೆ ಎಂದು ಎರಡು ತನಿಖಾ ಸಂಸ್ಥೆಗಳು ಸಹ ತಿಳಿಸಿದ್ದು, ಪಾಕಿಸ್ತಾನದಿಂದ ಬರುತ್ತಿದ್ದ ಕರೆಗಳಿಂದ ರಕ್ಷಣಾ ಇಲಾಖೆಗೆ ಸಂಬಂಧಿಸಿದ ಮಾಹಿತಿಗಳನ್ನು ಪಡೆದುಕೊಳ್ಳಲಾಗುತ್ತಿತ್ತು ಎಂಬುದು ಸದ್ಯದ ಕಾರ್ಯಾಚರಣೆಯಲ್ಲಿ ಬಹಿರಂಗವಾಗಿದೆ.
ಇದನ್ನೂ ಓದಿ: ಲಡಾಖ್ ಬಿಕ್ಕಟ್ಟು ಪರಿಹಾರಕ್ಕೆ ಚೀನಾದೊಂದಿಗೆ ಮಾತುಕತೆಯ ಹಾದಿ
ಚೀನಾದ ಸಿಮ್ ಬಾಕ್ಸ್ ಬಳಸಿಕೊಂಡು ವಿಒಐಪಿ ಎಕ್ಸ್ಚೇಂಜ್ ಮೂಲಕ ಅಂತಾರಾಷ್ಟ್ರೀಯ ಕರೆಗಳನ್ನು ಸ್ಥಳೀಯ ಕರೆಗಳನ್ನಾಗಿ ಪರಿವರ್ತಿಸಿ ಕಾರ್ಯ ಸಾಧಿಸುತ್ತಿದ್ದರು ಎಂದು ತಿಳಿದುಬಂದಿದೆ. ಸಿಮ್ ಬಾಕ್ಸ್ನಲ್ಲಿ ಅಕ್ರಮ ಐಎಂಐ ನಂಬರ್ ಸಹ ಇದ್ದು, ಅದರ ಮೂಲವನ್ನು ಹುಡುಕುವುದು ಸಹ ತ್ರಾಸದಾಯಕವಾಗಿದೆ ಎಂದು ತನಿಖೆಯಲ್ಲಿ ಬಹಿರಂಗವಾಗಿದ್ದು, ಮತ್ತಷ್ಟು ಮಾಹಿತಿಗಾಗಿ ತನಿಖೆ ಮುಂದುವರಿದಿದೆ.(ಏಜೆನ್ಸೀಸ್)