ಸೌಥಾಂಪ್ಟನ್: ಪಾಕಿಸ್ತಾನದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಫವಾದ್ ಅಲಂ ಬರೋಬ್ಬರಿ 10 ವರ್ಷಗಳ ಬಳಿಕ ರಾಷ್ಟ್ರೀಯ ತಂಡಕ್ಕೆ ವಾಪಸಾಗಿದ್ದಾರೆ. ಗುರುವಾರ ಸೌಥಾಂಪ್ಟನ್ನಲ್ಲಿ ಆರಂಭಗೊಂಡ ಇಂಗ್ಲೆಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯಕ್ಕೆ ಪಾಕಿಸ್ತಾನ ತಂಡ ಏಕೈಕ ಬದಲಾವಣೆಯೊಂದಿಗೆ ಕಣಕ್ಕಿಳಿಯಿತು. ಅಜರ್ ಅಲಿ ಸಾರಥ್ಯದ ಬಳಗಕ್ಕೆ ಕಡೆಗೂ ವಾಪಸಾದವರು ಫವಾದ್ ಅಲಂ. 2009ರ ನವೆಂಬರ್ನಲ್ಲಿ ಕಡೇ ಬಾರಿಗೆ ರಾಷ್ಟ್ರೀಯ ತಂಡದ ಪರ ಆಡಿದ್ದ ಫವಾದ್, ಅಂತಿಮವಾಗಿ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆಯಲು ಯಶಸ್ವಿಯಾದರು. ಈ ನಡುವೆ ಪಾಕಿಸ್ತಾನ ಬರೋಬ್ಬರಿ 88 ಟೆಸ್ಟ್ ಪಂದ್ಯಗಳನ್ನಾಡಿತ್ತು.
ಇದನ್ನೂ ಓದಿ: ವಿಶ್ವ ಎಡಚರ ದಿನಕ್ಕೆ ಯುವಿ, ರೈನಾ ಸಂಭ್ರಮಿಸಿದ್ದು ಹೇಗೆ ಗೊತ್ತೆ..?
2009ರಲ್ಲಿ ನ್ಯೂಜಿಲೆಂಡ್ ಎದುರು ಕಡೆ ಬಾರಿಗೆ ಪಾಕ್ ಪರ ಆಡಿದ್ದ ಫವಾದ್, ಫಾರ್ಮ್ ಕಳೆದುಕೊಂಡ ಬಳಿಕ ತಂಡದಲ್ಲಿ ಸ್ಥಾನ ಕಳೆದುಕೊಂಡರು. ಆದರೆ, ರಾಷ್ಟ್ರೀಯ ತಂಡಕ್ಕೆ ವಾಪಸ್ ಆಗಲು 10 ವರ್ಷಗಳೇ ಬೇಕಾಯಿತು. ಇದರಲ್ಲೂ ಫವಾದ್ ದಾಖಲೆ ನಿಮಿರ್ಸಿದ್ದಾರೆ. ಅತಿಹೆಚ್ಚು ಟೆಸ್ಟ್ ಪಂದ್ಯಗಳ ಬಳಿಕ ರಾಷ್ಟ್ರೀಯ ತಂಡಕ್ಕೆ ವಾಪಸಾದ ವಿಶ್ವದ 7ನೇ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಇಂಗ್ಲೆಂಡ್ನ ಗ್ಯಾರೆಥ್ ಬ್ಯಾಟಿ 142 ಟೆಸ್ಟ್ ಪಂದ್ಯಗಳ ಬಳಿಕ ತಂಡಕ್ಕೆ ವಾಪಸಾಗಿದ್ದರು. ಪಾಕ್ ಯೂನಿಸ್ ಅಹಮದ್, 104 ಪಂದ್ಯಗಳ ರಾಷ್ಟ್ರೀಯ ತಂಡಕ್ಕೆ ವಾಪಸಾಗಿದ್ದರು.
–ಎರಡು ಪಂದ್ಯಗಳ ನಡುವೆ ಹೆಚ್ಚು ಟೆಸ್ಟ್ ತಪ್ಪಿಸಿಕೊಂಡಿರುವ ಆಟಗಾರರು
ಪಂದ್ಯ, ಆಟಗಾರ, ದೇಶ
142, ಗ್ಯಾರೆಥ್ ಬ್ಯಾಟಿ, ಇಂಗ್ಲೆಂಡ್
114, ಮಾಟಿರ್ನ್ ಬಿಕ್ನೆಲ್, ಇಂಗ್ಲೆಂಡ್
109, ಫ್ಲಾಯ್ಡ್ ರೀಫೆರ್, ವೆಸ್ಟ್ ಇಂಡೀಸ್
104, ಯೂನಿಸ್ ಅಹಮದ್, ಪಾಕಿಸ್ತಾನ
103, ಡೆರೆಕ್ ಶಾಚ್ಕೆಲ್ಟನ್, ಇಂಗ್ಲೆಂಡ್,
96, ವೆಸ್ ಜಾಕ್ಸನ್, ಇಂಗ್ಲೆಂಡ್
88, ಫವಾದ್ ಅಲಂ, ಪಾಕಿಸ್ತಾನ.