ರಾಧೆ ಶ್ಯಾಮ್​ ಮೋಷನ್​ ಪೋಸ್ಟರ್ ರಿಲೀಸ್​

ಹೈದರಾಬಾದ್​​: ಇಂದು (ಅಕ್ಟೋಬರ್​ 23) ಟಾಲಿವುಡ್​ ನಟ ಪ್ರಭಾಸ್​ ಅವರ ಹುಟ್ಟುಹಬ್ಬ. ಈ ಹುಟ್ಟುಹಬ್ಬದ ಸಂದರ್ಭದಲ್ಲಿ ‘ರಾಧೆ ಶ್ಯಾಮ್​’ ತಂಡದವರು ಅಭಿಮಾನಿಗಳಿಗೆ ಗಿಫ್ಟ್​ ನೀಡಿದ್ದಾರೆ. ಹುಟ್ಟುಹಬ್ಬಕ್ಕೆ ಚಿತ್ರದ ಮೋಷನ್​ ಪೋಸ್ಟರ್​ ಬಿಡುಗಡೆಯಾಗಿದೆ. ಇದಕ್ಕೂ ಮೊದಲು ಚಿತ್ರದ ಒಂದು ಪೋಸ್ಟರ್​ ಮತ್ತು ನಾಯಕಿಯನ್ನು ಪರಿಚಯಿಸುವ ಒಂದು ಪೋಸ್ಟರ್​ ಬಿಡುಗಡೆ ಮಾಡಲಾಗಿತ್ತು. ಇದೀಗ ಮೋಷನ್​ ಪೋಸ್ಟರ್​ ಬಿಡುಗಡೆಯಾಗಿದೆ.

ಇದನ್ನೂ ಓದಿ: ಪಾತ್ರ ಮಾಡಿದ್ದಷ್ಟೇ ಅಲ್ಲ, ಕನ್ನಡದಲ್ಲಿ ಮಾತಾಡಿದ್ರಂತೆ ಬಾಬು …

ಪಕ್ಕಾ ಲವ್​ಸ್ಟೋರಿ ಹಿಡಿದು ಬಂದಿರುವ ನಿರ್ದೇಶಕ ರಾಧಾಕೃಷ್ಣ ಕುಮಾರ್​, ಅಷ್ಟೇ ಸೊಗಸಾಗಿ ಮೋಷನ್​ ಪೋಸ್ಟರ್ ಸೃಷ್ಟಿಮಾಡಿದ್ದಾರೆ. ಟ್ರೇನ್​ ಒಳಗೆ ನಾಯಕ ಮತ್ತು ನಾಯಕಿಯ ಎಂಟ್ರಿಯನ್ನು ಪ್ರಭಾಸ್​ ಜನ್ಮದಿನಕ್ಕೆ ಉಡುಗೊರೆಯಾಗಿ ನೀಡಿದ್ದಾರೆ.

ಇನ್ನು ಈ ಮೊದಲು ಹೇಳಿದಂತೆ ಪ್ರಭಾಸ್​ ಹುಟ್ಟುಹಬ್ಬಕ್ಕೆ ಈ ಚಿತ್ರದ ಬಿಡುಗಡೆಯ ದಿನಾಂಕವನ್ನು ಘೋಷಿಸಲಾಗುತ್ತದೆ ಎಂದೇ ಹೇಳಲಾಗಿತ್ತು. ಆದರೆ, ಅದ್ಯಾವದರ ಗೋಜಿಗೆ ಹೋಗದ ತಂಡ ಕೇವಲ ಮೋಷನ್ ಪೋಸ್ಟರ್ ಅಷ್ಟೇ ಬಿಡುಗಡೆ ಮಾಡಿದೆ. ಈಗಾಗಲೇ ಚಿತ್ರದ ಆರ್ಧದಷ್ಟು ಚಿತ್ರೀಕರಣ ಮುಗಿದಿದ್ದು, ಮುಂದಿನ ಎರಡು ತಿಂಗಳಲ್ಲಿ ಚಿತ್ರೀಕರಣ ಸಂಪೂರ್ಣವಾಗಲಿದೆಯಂತೆ. ಆ ನಂತರ, ಮುಂದಿನ ವರ್ಷ ಚಿತ್ರ ಬಿಡುಗಡೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: 18 ರಾಷ್ಟ್ರಗಳಲ್ಲಿ ಶಾರುಖ್​- ಕಾಜೋಲ್​ ‘ಡಿಡಿಎಲ್​ಜೆ’ ಸಿನಿಮಾ ಮರು ಬಿಡುಗಡೆ

ಈ ನಡುವೆ ‘ಬಾಹುಬಲಿ 2’ ಬಿಡುಗಡೆಯಾದ ದಿನವೇ ‘ರಾಧೆ ಶ್ಯಾಮ್​’ ಸಹ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ‘ಬಾಹುಬಲಿ 2’ ಚಿತ್ರವು ಏಪ್ರಿಲ್​ 28ಕ್ಕೆ ಬಿಡುಗಡೆಯಾಗಿತ್ತು. ಈಗ ‘ರಾಧೆ ಶ್ಯಾಮ್​’ ಚಿತ್ರವನ್ನು ಸಹ ಏಪ್ರಿಲ್​ 28 ಅಥವಾ ಅದೇ ವಾರದಲ್ಲಿ ರಿಲೀಸ್ ಮಾಡುವುದು ಚಿತ್ರತಂಡದ ಯೋಚನೆ.

https://www.vijayavani.net/krishi-thapandas-new-film-is-blank/