ನವದೆಹಲಿ: ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ(ಎನ್ಟಿಎ) ಸೋಮವಾರ ಯುಜಿಸಿ ನೆಟ್ ಎಕ್ಸಾಂಗೆ ಸಂಬಂಧಿಸಿದ ಬುಲೆಟಿನ್ ಪ್ರಕಟಿಸಿದೆ. ಇದರಂತೆ, ಜೂನ್ 15-20ರ ತನಕ ಎಕ್ಸಾಂ ನಡೆಯಲಿದ್ದು, ಜುಲೈ 5 ರಂದು ಫಲಿತಾಂಶ ಪ್ರಕಟವಾಗಲಿದೆ.
ಯುಜಿಸಿ ನೆಟ್ ಜೂನ್ 2020ಕ್ಕೆ ಸಂಬಂಧಿಸಿದ ಆನ್ಲೈನ್ ನೋಂದಣಿ ಪ್ರಕ್ರಿಯೆ ಇಂದಿನಿಂದ ಆರಂಭವಾಗಿದ್ದು, ಏಪ್ರಿಲ್ 16ರ ತಡರಾತ್ರಿ 11.50ರ ತನಕ ಚಾಲ್ತಿಯಲ್ಲಿ ಇರಲಿದೆ. ಅರ್ಜಿ ಶುಲ್ಕ ಪಾವತಿಸುವುದಕ್ಕೆ ಏಪ್ರಿಲ್ 17 ಕೊನೇ ದಿನವಾಗಿದ್ದು, ಕ್ರೆಡಿಟ್ ಕಾರ್ಡ್/ಡೆಬಿಟ್ ಕಾರ್ಡ್/ನೆಟ್ಬ್ಯಾಂಕಿಂಗ್/ಪೇಟಿಎಂಗಳ ಮೂಲಕ ಶುಲ್ಕ ಪಾವತಿಸಬಹುದು. ಪರೀಕ್ಷೆಗೆ ಸಂಬಂಧಿಸಿದ ಅಡ್ಮಿಟ್ ಕಾರ್ಡ್ ಮೇ 15ರಂದು ಬಿಡುಗಡೆಯಾಗಲಿದೆ. ದೇಶದ ವಿವಿಧ ಕೇಂದ್ರಗಳಲ್ಲಿ ಜೂನ್ 15 ರಿಂದ 20ರ ತನಕ ಎಕ್ಸಾಂ ನಡೆಯಲಿದೆ.
ಅಸಿಸ್ಟೆಂಟ್ ಪ್ರೊಫೆಸರ್ ಮತ್ತು ಜ್ಯೂನಿಯರ್ ರಿಸರ್ಚ್ ಫೆಲೋಷಿಪ್ ಮತ್ತು ಅಸಿಸ್ಟೆಂಟ್ ಪ್ರೊಫೆಸರ್ ಅರ್ಹತೆಗಾಗಿ ಯುಜಿಸಿ ನೆಟ್ ಎಕ್ಸಾಂ ಅನ್ನು ಎನ್ಟಿಎ ನಡೆಸುತ್ತದೆ. ಇದರಲ್ಲಿ ಎರಡು ಪೇಪರ್ಗಳಿರುತ್ತವೆ. ಎರಡೂ ಪರೀಕ್ಷೆಗಳು ಕಂಪ್ಯೂಟರ್ ಬೇಸ್ಡ್ ಟೆಸ್ಟ್ ಮಾಡ್ನಲ್ಲಿದ್ದು ತಲಾ ಮೂರು ಗಂಟೆ ಅವಧಿಯದ್ದಾಗಿರುತ್ತದೆ.
ಜನರಲ್ ಕೆಟಗರಿಯ ಅಭ್ಯರ್ಥಿಗಳು 1,000 ರೂಪಾಯಿ ಅರ್ಜಿ ಶುಲ್ಕ ಪಾವತಿಸಬೇಕು. ಜನರಲ್ ನಲ್ಲಿ ಆರ್ಥಿಕವಾಗಿ ಹಿಂದುಳಿದವರು, ಒಬಿಸಿ, ಎನ್ಸಿಎಲ್ ಕೆಟಗರಿಯವರು 500 ರೂಪಾಯಿ ಶುಲ್ಕ ಪಾವತಿಸಿದರೆ ಸಾಕು. ಮೀಸಲು ಕೆಟಗರಿಯವರು 250 ರೂಪಾಯಿ ಶುಲ್ಕ ಪಾವತಿಸಿದರಾಯಿತು. ಶುಲ್ಕದ ಜತೆಗೆ ಜಿಎಸ್ಟಿ ಪ್ರತ್ಯೇಕವಾಗಿರುತ್ತದೆ.
ಮಾನ್ಯತೆ ಪಡೆದ ಯೂನಿವರ್ಸಿಟಿ, ಶಿಕ್ಷಣ ಸಂಸ್ಥೆಗಳಲ್ಲಿ ಮಾಸ್ಟರ್ ಡಿಗ್ರಿ ಅಥವಾ ಸ್ನಾತಕೋತ್ತರ ಪದವಿಯನ್ನು ಶೇಕಡ 55 ಅಂಕಗಳೊಂದಿಗೆ (ಮೀಸಲು ಕೆಟಗರಿಯವರಿಗೆ ಶೇಕಡ 50 ಅಂಕ) ಉತ್ತೀರ್ಣರಾದವರು ಈ ಪರೀಕ್ಷೆಗೆ ಅರ್ಜಿ ಸಲ್ಲಿಸಬಹುದು. ಸ್ನಾತಕೋತ್ತರ ಪದವಿಯ ಅಂತಿಮ ವರ್ಷದಲ್ಲಿ ಇರುವವರು, ಅಂತಿಮ ವರ್ಷದ ಪರೀಕ್ಷೆ ಬರೆದು ಫಲಿತಾಂಶಕ್ಕಾಗಿ ಕಾಯುತ್ತಿರುವವರು ಕೂಡ ಈ ಪರೀಕ್ಷೆಗೆ ಅರ್ಜಿ ಸಲ್ಲಿಸಬಹುದಾಗಿದೆ.
ಹೆಚ್ಚಿನ ಮಾಹಿತಿ ಮತ್ತು ಆನ್ಲೈನ್ ಅರ್ಜಿ ಸಲ್ಲಿಕೆಯ ಲಿಂಕ್ ಇಲ್ಲಿದೆ
ಪೂರ್ತಿ ಪ್ರಪಂಚವೇ ಮನೆಯೊಳಗೆ ಕುಳಿತಿದ್ದರೂ ಭಾರತದಲ್ಲಿ ಸಾಧ್ಯವಿಲ್ಲ ವರ್ಕ್ ಫ್ರಮ್ ಹೋಮ್ ಸೌಲಭ್ಯ