ಬೆಂಗಳೂರು: ಕಳೆದ ಒಂದು ತಿಂಗಳಲ್ಲಿ ಚಂದನವನದಲ್ಲಿ 20ಕ್ಕೂ ಹೆಚ್ಚು ಚಿತ್ರಗಳು ಬಿಡುಗಡೆಯಾಗಿವೆ. ಈ ಪೈಕಿ ಗೆದ್ದಿದ್ದು ಯಾವು, ಜನರಿಗೆ ಇಷ್ಟವಾಗಿದ್ದು ಯಾವುದು ಎಂದರೆ, ಉತ್ತರ ಸಿಗುವುದು ಕಷ್ಟ.
ಇದನ್ನೂ ಓದಿ: ‘ಟಗರು ಪಲ್ಯ’ ಚಿತ್ರಕ್ಕೆ ‘ನೆನಪಿರಲಿ’ ಪ್ರೇಮ್ ಮಗಳು ಅಮೃತಾ ನಾಯಕಿ
ನವೆಂಬರ್ನಲ್ಲಿ ದೊಡ್ಡ ಸ್ಟಾರ್ಗಳ ಯಾವುದೇ ಚಿತ್ರವಿರಲಿಲ್ಲ. ಹಾಗೆಯೇ, ಬೇರೆ ಭಾಷೆಗಳಿಂದಲೂ ಯಾವುದೇ ಪೈಪೋಟಿ ಇರಲಿಲ್ಲ. ಹಾಗಾಗಿ. ನವೆಂಬರ್ನಲ್ಲಿ 20ಕ್ಕೂ ಹೆಚ್ಚು ಕನ್ನಡ ಚಿತ್ರಗಳು ಬಿಡುಗಡೆಯಾಗಿವೆ.
ಝೈದ್ ಖಾನ್ ಅಭಿನಯದ ‘ಬನಾರಸ್’, ‘ಕಂಬ್ಳಿಹುಳ’, ‘ಸೆಪ್ಟೆಂಬರ್ 13’, ‘ಯಲ್ಲೋ ಗ್ಯಾಂಗ್ಸ್’, ‘ರಾಣಾ’, ‘ದಿಲ್ ಪಸಂದ್’, ‘ಹುಬ್ಬಳ್ಳಿ ಧಾಭಾ’. ‘ಓ’, ‘ಖಾಸಗೀ ಪುಟಗಳು’, ‘ರೆಮೋ’, ‘ನಹೀ ಜ್ನಾನೇನ ಸದೃಶಂ’, ‘ಕುಳ್ಳನ ಹೆಂಡತಿ’, ‘ಅಬ್ಬರ’, ‘ಸದ್ದು ವಿಚಾರಣೆ ನಡೆಯುತ್ತಿದೆ’, ‘ತ್ರಿಬಲ್ ರೈಡಿಂಗ್’, ‘ಮಠ’, ‘ದಿ ಫಿಲಂಮೇಕರ್’, ‘ಆವರ್ತ’ ಮುಂತಾದ ಚಿತ್ರಗಳು ಬಿಡುಡೆಯಾಗಿವೆ.
ಈ ಪೈಕಿ, ‘ರೆಮೋ’ ಮತ್ತು ‘ತ್ರಿಬಲ್ ರೈಡಿಂಗ್’ ಚಿತ್ರಗಳ ಬಗ್ಗೆ ಈಗಲೇ ಹೇಳುವುದಕ್ಕೆ ಸಾಧ್ಯವಿಲ್ಲ. ಏಕೆಂದರೆ, ಈ ಚಿತ್ರಗಳು ಶುಕ್ರವಾರವಷ್ಟೇ ಬಿಡುಗಡೆಯಾಗಿದ್ದವು. ಹಾಗಾಗಿ, ಈ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಗೆಲ್ಲುತ್ತವೋ, ಇಲ್ಲವೋ ಎಂಬ ವಿಷಯ ಇನ್ನೆರೆಡು ದಿನಗಳಲ್ಲಿ ಸ್ಪಷ್ಟವಾಗಲಿವೆ.
ಮಿಕ್ಕಂತೆ, ಮೇಲೆ ಹೇಳಿದ ಯಾವುದೇ ಚಿತ್ರ ಸಹ ಬಾಕ್ಸ್ ಆಫೀಸ್ನಲ್ಲಿ ದೊಡ್ಡ ಸದ್ದು ಮಾಡಲಿಲ್ಲ. ‘ಬನಾರಸ್’ ಮತ್ತು ‘ಕಂಬ್ಳಿಹುಳ’ ಚಿತ್ರಗಳ ಬಗ್ಗೆ ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಮೆಚ್ಚುಗೆ ವ್ಯಕ್ತವಾದರೂ, ಅದರಿಂದ ಬಾಕ್ಸ್ ಆಫೀಸ್ನಲ್ಲಿ ದೊಡ್ಡ ಸಹಾಯವಾಗಿಲ್ಲ. ‘ರಾಣ’, ‘ಅಬ್ಬರ’, ‘ದಿಲ್ ಪಸಂದ್’ ಚಿತ್ರಗಳ ಬಗ್ಗೆ ಒಂದಿಷ್ಟು ನಿರೀಕ್ಷೆ ಇತ್ತಾದರೂ, ಈ ಚಿತ್ರಗಳು ಹೇಳಹೆಸರಿಲ್ಲದಂತೆ ಮಾಯವಾಗಿವೆ.
ಇದನ್ನೂ ಓದಿ: ನೋವಿನಿಂದ ಹೊರಬಂದ ವೈಷ್ಣವಿ ಗೌಡ; ಕೈ ಮೇಲೆ ರೈಸಿಂಗ್ ವುಮನ್ ಚಿಹ್ನೆಯ ಟ್ಯಾಟೂ …
ಒಂದು ಕಡೆ ನವೆಂಬರ್ನಲ್ಲಿ ಬಿಡುಗಡೆಯಾದ ಹೊಸ ಚಿತ್ರಗಳು ಸೋತರೂ, ಸೆಪ್ಟೆಂಬರ್ ಮತ್ತು ಅಕ್ಟೋಬರ್ನಲ್ಲಿ ಬಿಡುಗಡೆಯಾದ ‘ಕಾಂತಾರ’ ಮತ್ತು ‘ಗಂಧದ ಗುಡಿ’ ಚಿತ್ರಗಳಿಗೆ ನವೆಂಬರ್ನಲ್ಲೂ ಬೇಡಿಕೆ ಇತ್ತು ಮತ್ತು ಬಹಳಷ್ಟು ಪ್ರೇಕ್ಷಕರು ಈ ಚಿತ್ರಗಳನ್ನು ಕಣ್ತುಂಬಿಕೊಂಡರು.
ಯುವ ರೈತನ ಜತೆ ಸಪ್ತಪದಿ ತುಳಿದ ಅದಿತಿ ಪ್ರಭುದೇವ: ನವಜೋಡಿಗೆ ಶುಭಕೋರಿದ ಗಣ್ಯರು