ಲಂಡನ್: ಆತಿಥೇಯ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲ ಟೆಸ್ಟ್ ಪಂದ್ಯ ಡ್ರಾನಲ್ಲಿ ಕೊನೆಗೊಂಡಿದೆ. ಲಾರ್ಡ್ಸ್ ಮೈದಾನದಲ್ಲಿ ಭಾನುವಾರ ಮುಕ್ತಾಯಗೊಂಡ ಪಂದ್ಯದಲ್ಲಿ 273 ರನ್ ಗೆಲುವಿನ ಬೆನ್ನಟ್ಟಿದ ಇಂಗ್ಲೆಂಡ್ ತಂಡ 3 ವಿಕೆಟ್‌ಗೆ 170 ರನ್ ಪೇರಿಸಲಷ್ಟೇ ಶಕ್ತವಾಯಿತು. ಅಂತಿಮ ದಿನದಾಟದಲ್ಲಿ ಇಂಗ್ಲೆಂಡ್ ತಂಡವನ್ನು ಕಟ್ಟಿಹಾಕುವ ಯೋಜನೆಯಲ್ಲಿದ್ದ ಕಿವೀಸ್ ನಿರಾಸೆ ಕಂಡಿತು.
ಇದನ್ನೂ ಓದಿ: ಅರಬ್ ನಾಡಿನಲ್ಲಿ ದಾದಾ ಸೂಪರ್ ಕಾರ್ ಡ್ರೈವಿಂಗ್
ಇದಕ್ಕೂ ಮೊದಲು 2 ವಿಕೆಟ್‌ಗೆ 62 ರನ್‌ಗಳಿಂದ ದಿನದಾಟ ಆರಂಭಿಸಿದ ನ್ಯೂಜಿಲೆಂಡ್ 6 ವಿಕೆಟ್ 169 ರನ್‌ಗಳಿಸಿ ಡಿಕ್ಲೇರ್ ಘೋಷಿಸಿತು. ನ್ಯೂಜಿಲೆಂಡ್ ಮೊದಲ ಇನಿಂಗ್ಸ್ 378 ರನ್‌ಗಳಿಸಿದರೆ, ಇಂಗ್ಲೆಂಡ್ 275 ರನ್ ಪೇರಿಸಿ 103 ರನ್ ಹಿನ್ನಡೆ ಕಂಡಿತ್ತು. ಉಭಯ ತಂಡಗಳ ಎರಡನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯ ಗುರುವಾರದಿಂದ ಬರ್ಮಿಂಗ್‌ಹ್ಯಾಂನಲ್ಲಿ ನಡೆಯಲಿದೆ.
ಇದನ್ನೂ ಓದಿ: ಟೆಸ್ಟ್ ವಿಶ್ವಕಪ್ ಫೈನಲ್ ಪಂದ್ಯದ ಫಾಲೋಆನ್ ನಿಯಮದ ಬಗ್ಗೆ ಐಸಿಸಿ ಸ್ಪಷ್ಟನೆ
ನ್ಯೂಜಿಲೆಂಡ್: 378 ಮತ್ತು 6 ವಿಕೆಟ್‌ಗೆ 169, ಇಂಗ್ಲೆಂಡ್: 275 ಮತ್ತು 3 ವಿಕೆಟ್‌ಗೆ 170 (ಡೊಮಿನಿಕ್ ಸಿಬ್ಲೆ 60*, ಜೋ ರೂಟ್ 40, ನೀಲ್ ವಾಗ್ನರ್ 27ಕ್ಕೆ 2).
We have a draw at the @HomeOfCricket. Sibley 60* and Pope 20* finish with England 170/3. Next up @Edgbaston starting on Thursday! Scorecard | https://t.co/4Q5VH4Ha8e #ENGvNZ pic.twitter.com/Ml5dTAjpzV
— BLACKCAPS (@BLACKCAPS) June 6, 2021