ರೂರ್ಕಿ: ಐಐಟಿಯ ವಿದ್ಯಾರ್ಥಿಯೊಬ್ಬನಿಗೆ ಕ್ಯಾಂಪಸ್ ಸೆಲೆಕ್ಷನ್ನಲ್ಲಿ ವರ್ಷಕ್ಕೆ 2.15 ಕೋಟಿ ರೂಪಾಯಿ ಸಂಬಳದ ಆಫರ್ ಸಿಕ್ಕಿರುವುದು ವರದಿಯಾಗಿದೆ. ಇದು ಈವರೆಗೆ ಭಾರತದ ಎಲ್ಲಾ ಐಐಟಿಗಳ ಇತಿಹಾಸದಲ್ಲೇ ಅತ್ಯಧಿಕ ಮೊತ್ತದ ಉದ್ಯೋಗಾವಕಾಶವಾಗಿದೆ ಎಂದು ವರದಿ ತಿಳಿಸಿದೆ.
ಉತ್ತರಾಖಂಡದ ರೂರ್ಕಿಯಲ್ಲಿ ಮತ್ತು ಇತರ ಐಐಟಿಗಳಲ್ಲಿ ಡಿಸೆಂಬರ್ 1 ರಿಂದ 15 ರವರೆಗೆ ವರ್ಚುವಲ್ ಆಗಿ ಪ್ಲೇಸ್ಮೆಂಟ್ ಡ್ರೈವ್ ನಡೆಯುತ್ತಿದೆ. ಮೊದಲ ದಿನವೇ ರೂರ್ಕಿ ಐಐಟಿಯ ಕಂಪ್ಯೂಟರ್ ಸೈನ್ಸ್ ವಿದ್ಯಾರ್ಥಿಗೆ ಕಂಪೆನಿಯೊಂದು ಈ ಭಾರೀ ಮೊತ್ತದ ಸಿಟಿಸಿಯ ಭರವಸೆ ನೀಡಿದೆ. ಈ ಮೂಲಕ ಈವರೆಗೆ ಇನ್ಸ್ಟಿಟ್ಯೂಟ್ನ ವಿದ್ಯಾರ್ಥಿಯೊಬ್ಬ ವರ್ಷಕ್ಕೆ 1.5 ಕೋಟಿ ರೂ. ಪ್ಯಾಕೇಜ್ ಪಡೆದಿದ್ದ ದಾಖಲೆಯನ್ನು ಮುರಿದಂತಾಗಿದೆ. ಈ ಮಾಹಿತಿಯನ್ನು ನೀಡಿರುವ ಐಐಟಿ ಆಡಳಿತ ಮಂಡಳಿ, ವಿದ್ಯಾರ್ಥಿಯ ಗುರುತನ್ನು ಬಹಿರಂಗಪಡಿಸಿಲ್ಲ ಹಾಗೂ ಉದ್ಯೋಗದಾತ ಕಂಪೆನಿಯ ವಿವರಗಳನ್ನೂ ನೀಡಿಲ್ಲ.
ಇದನ್ನೂ ಓದಿ: ವಿದ್ಯಾರ್ಥಿಗಳಿಗೆ ಮುಗಿಯದ ಕರೊನಾತಂಕ: ಮತ್ತೆ 3 ಶಾಲೆಗಳಲ್ಲಿ ಸೋಂಕು ಪತ್ತೆ
ಈ ಆಫರ್ನ ನಂತರದ ಸ್ಥಾನಗಳಲ್ಲಿ ಬಾಂಬೆ ಐಐಟಿಯ ವಿದ್ಯಾರ್ಥಿಯೊಬ್ಬನಿಗೆ 2.05 ಕೋಟಿ ರೂ. ಪ್ಯಾಕೇಜ್ ಸಿಕ್ಕಿದ್ದು, ಗೌಹಾಟಿ ಐಐಟಿಯ ವಿದ್ಯಾರ್ಥಿಗೆ 2 ಕೋಟಿ ಪ್ಯಾಕೇಜ್ನ ಆಫರ್ ಸಿಕ್ಕಿದೆ ಎನ್ನಲಾಗಿದೆ. ಕರೊನಾ ತಳಮಳದಿಂದ ಆರ್ಥಿಕ ವಲಯದಲ್ಲಿ ಮಂದಗತಿ ಮೂಡಿದೆ ಎಂಬ ವರದಿಗಳ ನಡುವೆಯೇ ಈ ರೀತಿಯ ಉದ್ಯೋಗಾವಕಾಶಗಳು ಸಿಗುತ್ತಿರುವುದು ಇಂಜಿನಿಯರಿಂಗ್ ವಿದ್ಯಾರ್ಥಿಗಳಲ್ಲಿ ತಲ್ಲಣ ಮೂಡಿಸಿದೆ. (ಏಜೆನ್ಸೀಸ್)
ವಿಕಿ-ಕತ್ರೀನಾ ಮದುವೆಗಾಗಿ ಸಿದ್ಧತಾ ಸಭೆ; ವೈರಲ್ ಆಗಿದೆ ಜಿಲ್ಲಾಧಿಕಾರಿಯ ನೋಟೀಸ್
ಪಾಕ್ ಗಾಳಿಯಿಂದ ದೆಹಲಿ ಕಲುಷಿತವಾಗ್ತಿದೆ: ಸುಪ್ರೀಂ ಕೋರ್ಟ್ ಮುಂದೆ ಯುಪಿ ಸರ್ಕಾರ