ಕರೊನಾ ವೈರಸ್ ಬಂದ ನಂತರ ನಿಂತಿದ್ದ ಧಾರಾವಾಹಿ, ಟಿವಿ ಶೋಗಳ ಶೂಟಿಂಗ್ಗಳೆಲ್ಲ ಈಗ ನಿಧಾನಕ್ಕೆ ಪ್ರಾರಂಭವಾಗಿವೆ. ಎಲ್ಲ ಮುಂಜಾಗೃತಾ ಕ್ರಮಗಳೊಂದಿಗೆ ಕಲಾವಿದರು ಚಿತ್ರೀಕರಣಗಳಲ್ಲಿ ತೊಡಗಿಕೊಂಡಿದ್ದಾರೆ.
ಅದರಲ್ಲೂ ಕಿರುತೆರೆಯ ಟಿಆರ್ಪಿ ಶೋಗಳಲ್ಲಿ ಒಂದಾದ ಬಿಗ್ಬಾಸ್ಗಾಗಿ ವೀಕ್ಷಕರು ಕಾಯುತ್ತಿದ್ದಾರೆ. ಕನ್ನಡದಲ್ಲಿ ಅಕ್ಟೋಬರ್ ಅಷ್ಟೊತ್ತಿಗೆ ಬಿಗ್ ಬಾಸ್ ಪ್ರಾರಂಭವಾಗಬಹುದು ಎಂಬ ನಿರೀಕ್ಷೆ ಇದೆ. ಆದರೆ ತೆಲುಗು ಕಿರುತೆರೆಯಲ್ಲಿ ಬಿಗ್ಬಾಸ್ ಸೀಸನ್ 4 ಶೂಟಿಂಗ್ ಅದಾಗಲೇ ಶುರುವಾಗಿದ್ದು, ನಿರೂಪಕ, ನಟ ನಾಗಾರ್ಜುನ್ ಅವರು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಶೂಟಿಂಗ್ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಇದನ್ನೂ ಓದಿ: ಸುಶಾಂತ್ ಸಿಂಗ್ ರಜಪೂತ್ ಬಳಸುತ್ತಿದ್ದ ಸಿಮ್ ಕಾರ್ಡ್ಗಳು ಅವರ ಹೆಸರಿನಲ್ಲಿ ಇರಲಿಲ್ಲ…
ನಾಗಾರ್ಜುನ್ ಅವರು ಶೂಟಿಂಗ್ ಸ್ಫಾಟ್ನಲ್ಲಿರುವ ಎರಡು ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಅಲ್ಲದೆ, ಲೈಟ್, ಕ್ಯಾಮರಾ, ಆ್ಯಕ್ಷನ್ ಮತ್ತೆ ಶುರುವಾಗಿದೆ. ವಾವ್…ಎಂದು ಥ್ರಿಲ್ ಎಂಬ ಭಾವನೆಯನ್ನು ವ್ಯಕ್ತಪಡಿಸಿ ಕ್ಯಾಪ್ಷನ್ ಬರೆದಿದ್ದಾರೆ. ನಾಗಾರ್ಜುನ್ ಅವರೊಂದಿಗೆ ಇಬ್ಬರು ಸಹಾಯಕರು ಪಿಪಿಇ ಕಿಟ್ ಧರಿಸಿ ನಿಂತಿದ್ದನ್ನು ಫೋಟೋದಲ್ಲಿ ನೋಡಬಹುದು. ಕೆಲ ದಿನಗಳ ಹಿಂದೆ ಬಿಗ್ಬಾಸ್ ತೆಲುಗು ನಾಲ್ಕನೇ ಸೀಸನ್ನ ಪ್ರೋಮೊವೊಂದು ಬಿಡುಗಡೆಯಾಗಿತ್ತು.
ಈ ಬಾರಿಯ ತೆಲುಗು ಬಿಗ್ ಬಾಸ್ ಮನೆಯನ್ನು ಅನ್ನಪೂರ್ಣಾ ಸ್ಟುಡಿಯೋದಲ್ಲಿ ನಿರ್ಮಿಸಲಾಗಿದೆ. ಈ ಸ್ಟುಡಿಯೋ ನಾಗಾರ್ಜುನ್ ಹಾಗೂ ಅವರ ಕುಟುಂಬಕ್ಕೆ ಸೇರಿದ್ದು.
ಈ ಬಾರಿಯ ಬಿಗ್ಬಾಸ್ ಮನೆ ಪ್ರವೇಶ ಮಾಡಲಿರುವ ಸ್ಪರ್ಧಿಗಳು ಅದಕ್ಕೂ ಮೊದಲು 14 ದಿನಗಳ ಕಾಲ ಐಸೋಲೇಶನ್ನಲ್ಲಿ ಇರಲಿದ್ದಾರೆ. ಹಾಗೇ ಸೆಟ್ನಲ್ಲೂ ಕೂಡ 50 ಮಂದಿಯಷ್ಟೇ ಕೆಲಸ ಮಾಡಲಿದ್ದಾರೆ. (ಏಜೆನ್ಸೀಸ್)
ಶಸ್ತ್ರಸಜ್ಜಿತರಾಗಿ ಬಂದವರು ಅಪಹರಿಸಿ, ಅತ್ಯಾಚಾರವೆಸಗಿ, ಹಣ, ಮೊಬೈಲ್ ಕದ್ದುಹೋದರು…