ಗಾಚಿಬೌಲಿ: ಅಮ್ಮ ದಯವಿಟ್ಟು ನನ್ನನ್ನು ಕ್ಷಮಿಸು… ಈ ಪತ್ರವನ್ನು ನನ್ನ ಫ್ರೆಂಡ್ಸ್ಗೆ ಕೊಟ್ಟು ಬಿಡು ಎಂದು ಡೆತ್ನೋಟ್ ಬರೆದಿಟ್ಟು ವಿದ್ಯಾರ್ಥಿನಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತೆಲಂಗಾಣದ ಹೈದರಾಬಾದ್ ಉಪನಗರ ಗಾಚಿಬೌಲಿಯಲ್ಲಿ ನಡೆದಿದೆ.
ಇಶಾ ರಂಜನ್ (17) ಮೃತ ವಿದ್ಯಾರ್ಥಿನಿ. ಈಕೆ ಗೌಚಿಬೌಲಿಯ ನಾನಕ್ರಂಗುಡದ ಪ್ರತಿಷ್ಠಿತ ಮಿನಿಸ್ಟರ್ ಕ್ಲೆಸ್ಟಿಯಾ ಅಪಾರ್ಟ್ಮೆಂಟ್ನ ಎಫ್ ಬ್ಲಾಕ್ನಲ್ಲಿ ತಾಯಿ ಮತ್ತು ಅಜ್ಜಿಯೊಂದಿಗೆ ನೆಲೆಸಿದ್ದಳು. ಅಪಾರ್ಟ್ಮೆಂಟ್ನ 23ನೇ ಮಹಡಿಯಿಂದ ಜಿಗಿದು ಇಶಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ಇದನ್ನೂ ಓದಿರಿ: ಮದುವೆ ಕಾರಣ ನೀಡಿ ಆರ್ಸಿಬಿ ತಂಡದ ಆರಂಭಿಕ ಪಂದ್ಯಕ್ಕೆ ಈ ಸ್ಪಿನ್ನರ್ ಗೈರು
ಇಶಾ, ಜುಬಿಲಿ ಹಿಲ್ಸ್ನ ಶ್ರೀಚೈತನ್ಯ ಕಾಲೇಜಿನ ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿಯಾಗಿದ್ದಳು. ಸೋಮವಾರ ಸಂಜೆ 4.45ರ ಸುಮಾರಿಗೆ ತನ್ನ ಚಪ್ಪಲಿಗಳನ್ನು ಬಾಲ್ಕನಿಯಲ್ಲಿ ಬಿಟ್ಟು ಸ್ಟೂಲ್ ಮುಖಾಂತರ ಕಟ್ಟಡ ಮೇಲೇರಿ ಜಿಗಿದು ಮೃತಪಟ್ಟಿದ್ದಾಳೆ. ವಿದ್ಯಾರ್ಥಿನಿ ಕಟ್ಟಡದಿಂದ ಕೆಳಗೆ ಬೀಳುವುದನ್ನು ನೋಡಿ ವಾಚ್ಮೆನ್ ಪೊಲೀಸರಿಗೆ ಮಾಹಿತಿ ನೀಡಿದರು.
ಇನ್ನು ಇಶಾ ಅವರ ತಂದೆ ಸಿಕೇಸ್ ರಂಜನ್, ಪತ್ನಿ ಮೌನಿಕಾ ಸಿನ್ಹಾರಿಂದ 2015ರಲ್ಲೇ ಡಿವೋರ್ಸ್ ಪಡೆದುಕೊಂಡಿದ್ದಾರೆ. ಸಿಕೇಶ್ ಅಮೆರಿಕದಲ್ಲಿದ್ದು, ಮೌನಿಕ್ ಸಿನ್ಹಾ ತನ್ನ ಮಗಳೊಂದಿಗೆ ಗೌಚಿಬೌಲಿಯಲ್ಲಿ ಉಳಿದುಕೊಂಡಿದ್ದರು. ಇದರ ನಡುವೆ ಮಾನಸಿಕ ಒತ್ತಡದಿಂದ ಬಳಲುತ್ತಿದ್ದ ಇಶಾ ರಂಜನ್, ಕೆಲವು ತಿಂಗಳ ಹಿಂದೆ ನಿದ್ರೆ ಮಾತ್ರೆಗಳನ್ನ ಸೇವಿಸಿ, ಬ್ಲೇಡ್ನಿಂದ ಕೂಯ್ದುಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ.
ಇದೀಗ ಆತ್ಮಹತ್ಯೆ ಮಾಡಿಕೊಂಡಿರುವ ಇಶಾ, ಅದಕ್ಕೂ ಮುನ್ನ ಒಟ್ಟು 7 ಪತ್ರಗಳನ್ನು ಫ್ರೆಂಡ್ಸ್ಗೆ ಬರೆದಿದ್ದಾಳೆ. ತಾಯಿಗೆ ಡೆತ್ನೋಟ್ ಬರೆದಿರುವ ಇಶಾ, ಅಮ್ಮ ನನ್ನನ್ನು ಕ್ಷಮಿಸು. ದಯವಿಟ್ಟು ನನ್ನ ಫ್ರೆಂಡ್ಸ್ಗೆ ಈ ಪತ್ರಗಳನ್ನು ತಲುಪಿಸು ಎಂದು ಕೇಳಿಕೊಂಡಿದ್ದಾಳೆ. ಸದ್ಯ ಪೊಲೀಸರು ಡೆತ್ನೋಟ್ನೊಂದಿಗೆ ಪತ್ರಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಇದನ್ನೂ ಓದಿರಿ: ಕಾಣೆಯಾಯ್ತು ಮಲೆ ಮಹದೇಶ್ವರನ ಚಿನ್ನದ ಕರಡಿಗೆ! ನಾಪತ್ತೆ ಬೆನ್ನಲ್ಲೇ ಹಲವು ಅನುಮಾನಗಳು ಸೃಷ್ಟಿ!
ಇಶಾ ಈ ದುಡುಕಿನ ನಿರ್ಧಾರ ತೆಗೆದುಕೊಳ್ಳಲು ಕಾರಣ ಏನೆಂಬುದು ತಿಳಿದುಬಂದಿಲ್ಲ. ಸದ್ಯ ಆಕೆಯ ಮೃತದೇಹವನ್ನು ಒಸ್ಮಾನಿಯಾ ಆಸ್ಪತ್ರೆಯಲ್ಲಿ ಇಡಲಾಗಿದೆ. ಪ್ರಕರಣ ದಾಖಲಿಸಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ಕಾಲೇಜು ಕಟ್ಟಡದಿಂದ ಬಿದ್ದು ವಿದ್ಯಾರ್ಥಿಗಳ ದುರಂತ ಸಾವು: ವೈರಲ್ ವಿಡಿಯೋ ಹಿಂದಿನ ಅಸಲಿಯತ್ತು ಇಲ್ಲಿದೆ!
ಪತ್ನಿಯ ಗುಪ್ತಾಂಗಕ್ಕೆ ಮದ್ಯದ ಬಾಟಲಿ ನುಗ್ಗಿಸಿದ ಪತಿ: ಕಾರಣ ಕೇಳಿದ್ರೆ ಇವನೆಂಥಾ ನೀಚ ಅನಿಸದೇ ಇರದು!
ಲಾರಿ-ಬಸ್ ನಡುವೆ ಭೀಕರ ಅಪಘಾತ: ಹೊತ್ತಿ ಉರಿದ ವಾಹನ, ಒಬ್ಬ ಸಜೀವ ದಹನ, ಖ್ಯಾತನಟಿ ಅಪಾಯದಿಂದ ಪಾರು