ವಾಷಿಂಗ್ಟನ್: ಕರೊನಾ ಸಂಕಷ್ಟದ ಕಾಲದಲ್ಲಿ ಸಣ್ಣ ಉದ್ಯಮಿಗಳಿಗೆ ಆರ್ಥಿಕ ನೆರವು ನೀಡಲು ಎಲ್ಲ ದೇಶಗಳಲ್ಲೂ ಒಂದಿಲ್ಲೊಂದು ಯೋಜನೆಗಳನ್ನು ಘೋಷಿಸಲಾಗಿದೆ. ಅಂತೆಯೇ ಅಮೆರಿಕ ಕೂಡ ಭಾರಿ ಪ್ರಮಾಣದ ಆರ್ಥಿಕ ನೆರವು ಪ್ರಕಟಿಸಿದೆ.
ಇದನ್ನೇ ದಾಳವಾಗಿಸಿಕೊಂಡ ಮುಕುಂದ್ ಮೋಹನ್ ಎಂಬಾತ ಬರೋಬ್ಬರಿ 5.5 ಮಿಲಿಯನ್ ಡಾಲರ್ ( ಅಂದಾಜು 41 ಕೋಟಿ ರೂ.) ವಂಚಿಸಿದ್ದಾನೆ.
ಅಮೆರಿಕ ಸರ್ಕಾರ ಸಣ್ಣ ಉದ್ದಿಮೆಗಳು ಕಾರ್ಮಿಕರನ್ನು ಉಳಿಸಿಕೊಳ್ಳಲು ಪೇಚೆಕ್ ಪ್ರೊಟೆಕ್ಷನ್ ಪ್ರೋಗ್ರಾಂ ಆರಂಭಿಸಿದೆ. ಸಂಬಳ ಕೊಡಲಾಗದೇ ಕಾರ್ಮಿಕರನ್ನು ಕೆಲಸದಿಂದ ತೆಗೆಯುವ ಪರಿಸ್ಥಿತಿ ಎದುರಾದಲ್ಲಿ ಈ ಸಾಲ ಸೌಲಭ್ಯ ಪಡೆಯಬಹುದು.
ಇದನ್ನೂ ಓದಿ; ಪ್ರಸಾದಕ್ಕಾಗಿ ಇಟ್ಟಿದ್ದ ಹಣ್ಣನ್ನು ತಿಂದ ಮಕ್ಕಳಿಗೆ ಇದೆಂಥಾ ಗತಿ…! ಮೆಚ್ತಾನಾ ಭಗವಂತ..?
ಅಂತೆಯೇ, ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ನೆರವಾಗಲು ಬಿಲ್ಡ್ ಡೈರೆಕ್ಟ್ ಡಾಟ್ ಕಾಮ್ ಎಂಬ ಸಂಸ್ಥೆ ನಡೆಸುತ್ತಿರುವ ಮುಕುಂದ್ ಮೋಹನ್ ಈ ಸಾಲ ಸೌಲಭ್ಯ ಪಡೆದುಕೊಳ್ಳಲು ಆರು ಕಂಪನಿಗಳ ಹೆಸರಿನಲ್ಲಿ ಎಂಟು ಅರ್ಜಿಗಳನ್ನು ಸಲ್ಲಿಸಿದ್ದ. ಆದರೆ, ವಾಸ್ತವದಲ್ಲಿ ಆತನ ಕಂಪನಿಯಲ್ಲಿ ಯಾರೂ ಉದ್ಯೋಗಿಗಳೇ ಇರಲಿಲ್ಲ.
ಬಿಲ್ಡ್ಟೆಕ್ ಕಂಪನಿಯನ್ನು ಮೇ ತಿಂಗಳಲ್ಲಷ್ಟೇ ಆತ ಸ್ವಾಧೀನ ಪಡಿಸಿಕೊಂಡಿದ್ದ. ಆದರೆ, ಕಳೆದ ವರ್ಷ 2.3 ಮಿಲಿಯನ್ ಡಾಲರ್ಗೂ ಹೆಚ್ಚು ಮೊತ್ತವನ್ನು ಕಾರ್ಮಿಕರಿಗೆ ಸಂಬಳವಾಗಿ ನೀಡಿದ್ದೇನೆ ಎಂದು ಹೇಳಿಕೊಂಡಿದ್ದ.
ಇದನ್ನೂ ಓದಿ; ಧರ್ಮ ಮುಚ್ಚಿಟ್ಟು ಪ್ರೀತಿ ನಾಟಕ; ಲವ್ ಜಿಹಾದ್ಗೆ ಮಹಿಳೆ- ಮಗಳು ಬಲಿ; ಇಬ್ಬರನ್ನೂ ಕೊಂದು ಮನೆಯಲ್ಲಿ ಹೂತು ಹಾಕಿದ ಪಾಪಿ
ಸರ್ಕಾರದಿಂದ ದೊರೆತ 2.31 ಡಾಲರ್ ಹಣವನ್ನು ತನ್ನ ವೈಯಕ್ತಿಕ ಷೇರು ಮಾರುಕಟ್ಟೆಯ ಖಾತೆಗೆ ವರ್ಗಾಯಿಸಿಕೊಂಡಿದ್ದು ಕೂಡ ತನಿಖೆಯಲ್ಲಿ ಗೊತ್ತಾಗಿದೆ. ಈತನನ್ನು ಬಂಧಿಸಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
ಮುಕುಂದ್ ಮೋಹನ್ ಈ ಮೊದಲು ಮೈಕ್ರೋಸಾಫ್ಟ್ ಹಾಗೂ ಅಮೆಜಾನ್ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದಾಗಿ ತನ್ನ ಲಿಂಕ್ಡ್ ಇನ್ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಹೇಳಿಕೊಂಡಿದ್ದಾನೆ.
ಮಕ್ಕಳು ಬೇಡ, ಪೊಲೀಸರೇ ಅಂತ್ಯಕ್ರಿಯೆ ನೆರವೇರಿಸಲಿ; ಡೆತ್ನೋಟ್ ಬರೆದಿಟ್ಟು ಪಯಣ ಮುಗಿಸಿದ ದಂಪತಿ