ತಿರುವನಂತಪುರಂ: ದೈತ್ಯ ಯಂತ್ರೋಪಕರಣವನ್ನು ಹೊತ್ತ ಬೃಹತ್ ಟ್ರಕ್ ಒಂದು ಮಹಾರಾಷ್ಟ್ರದಿಂದ ಕೇರಳದ ತಿರುವನಂತಪುರಂನಲ್ಲಿರುವ ವಿಕ್ರಂ ಸಾರಾಭಾಯಿ ಬಾಹ್ಯಾಕಾಶ ಕೇಂದ್ರವನ್ನು (ವಿಎಸ್ಎಸ್ಸಿ) ತಲುಪಲು ಒಂದು ವರ್ಷದಿಂದಲೂ ಸಾಗುತ್ತಲೇ ಇದೆ.
ಬೃಹತ್ ಟ್ರಕ್ 74 ಟೈರ್ಗಳನ್ನು ಹೊಂದಿದ್ದು, ತನ್ನ ಪ್ರಯಾಣದ ಅವಧಿಯಲ್ಲಿ ಒಟ್ಟು ನಾಲ್ಕು ರಾಜ್ಯಗಳಿಗೆ ಭೇಟಿ ನೀಡಿದೆ. ಅಚ್ಚರಿಯೆಂದರೆ ದಿನವೊಂದಕ್ಕೆ ಕೇವಲ 5 ಕಿ.ಮೀ ಮಾತ್ರ ಪ್ರಯಾಣಿಸಿದೆ. ಅಲ್ಲದೆ, ಟ್ರಕ್ ಪ್ರಯಾಣಿಸುವಾಗ ಅದೇ ರಸ್ತೆಯಲ್ಲಿ ಬೇರೆ ವಾಹನಗಳು ಟ್ರಕ್ ಹಿಂದಿಕ್ಕಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಇಡೀ ರಸ್ತೆಯನ್ನು ಟ್ರಕ್ ಆವರಿಸಿರುತ್ತದೆ. ಟ್ರಕ್ ನಿಯಂತ್ರಣ ಮಾಡಲು ಬರೋಬ್ಬರಿ 34 ಸಿಬ್ಬಂದಿ ನಿಯೋಜಿಸಲಾಗಿದೆ.
ಇದನ್ನೂ ಓದಿ: ನಿಂತ್ಕೊಳ್ಳಿ ನಿಮ್ಗೆ ಕರೊನಾ ಇದೆ ಅಂದ್ರೂ ಬೈಕ್ ಏರಿ ಪರಾರಿಯಾದ ಯುವತಿ!
ಟ್ರಕ್, ವಿಕ್ರಂ ಸಾರಾಭಾಯಿ ಬಾಹ್ಯಾಕಾಶ ಕೇಂದ್ರಕ್ಕೆ ಏರೋಸ್ಪೇಸ್ ಆಟೋಕ್ಲೇವ್ ಯಂತ್ರವನ್ನು ಸಾಗಿಸುತ್ತಿದೆ. ಯಂತ್ರ ಬರೋಬ್ಬರಿ 70 ಟನ್ ತೂಕವಿದೆ. 7.5 ಮೀಟರ್ ಎತ್ತರವಿದ್ದಿ, 6.65 ಮೀಟರ್ ಅಗಲವಿದೆ. ಅದರ ಬೃಹತ್ ಗಾತ್ರ ಹಿನ್ನೆಲೆ ಸಾಮಾನ್ಯ ರಸ್ತೆಯಲ್ಲಿ ವಾಹನ ಚಾಲನೆ ಮಾಡಿಕೊಂಡು ಸಾಗಿಸುವುದು ತುಂಬಾ ಕಷ್ಟವಾಗಿದೆ. ಹೀಗಾಗಿ ದಿನವೊಂದಕ್ಕೆ ಕೇವಲ 5 ಕಿ.ಮೀ ಮಾತ್ರ ಸಂಚಾರ ಮಾಡಲಾಗುತ್ತಿದೆ.
ಟ್ರಕ್ ರಸ್ತೆಯಲ್ಲಿ ಸರಾಗವಾಗಿ ಸಾಗಲು ರಸ್ತೆ ಪಕ್ಕದ ಕೊಂಬೆಗಳನ್ನು ಕತ್ತರಿಸಲಾಗುತ್ತಿದೆ. ಅಲ್ಲದೆ, ವಿದ್ಯುತ್ ವೈರ್ಗಳನ್ನು ಸರಿದೂಗಿಸಿ ವಾಹನ ಮುಂದೆ ಚಲಿಸಲು ಅವಕಾಶ ಮಾಡಿಕೊಡಲಾಗುತ್ತಿದೆ. ಆಯಾ ಪ್ರದೇಶಗಳ ಪೊಲೀಸ್ ಸಿಬ್ಬಂದಿ ಮತ್ತು ವಿದ್ಯುತ್ ಮಂಡಳಿ ಇದರ ಉಸ್ತುವಾರಿಯನ್ನು ನೋಡಿಕೊಳ್ಳುತ್ತಿದೆ. ವಾಹನವು ಜುಲೈ ಮೊದಲ ವಾರದಲ್ಲಿ ಕೇರಳ ಗಡಿಯನ್ನು ದಾಟಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಗುರಿಯನ್ನು ತಲುಪಲಿದೆ. ಅಂದಹಾಗೆ ಕೇರಳ ತಲುಪಲು ವಾಹನ ಬರೋಬ್ಬರಿ ಒಂದು ವರ್ಷ ತೆಗೆದುಕೊಂಡಿದೆ.
ಇದನ್ನೂ ಓದಿ: ನದಿಯಲ್ಲಿ ಅನಾಥವಾಗಿ ತೇಲುತ್ತಿದ್ದ ಪ್ಲಾಸ್ಟಿಕ್ ಚೀಲವನ್ನು ತೆರೆದವರಿಗೆ ಕಾದಿತ್ತು ಬಿಗ್ ಶಾಕ್!
ಏರೋಸ್ಪೇಸ್ ಆಟೋಕ್ಲೇವ್ ಯಂತ್ರವನ್ನು ಮಹಾರಾಷ್ಟ್ರದ ನಾಸಿಕ್ನಲ್ಲಿ ತಯಾರಿಸಲಾಗಿದೆ. ಅದನ್ನು ಕೇರಳದ ವಟ್ಟಿಯೂರ್ಕಾವುನಲ್ಲಿರುವ ವಿಎಸ್ಎಸ್ ಕೇಂದ್ರಕ್ಕೆ ರವಾನಿಸಲಾಗುತ್ತಿದೆ. ದೇಶದ ಬಾಹ್ಯಾಕಾಶ ಸಂಶೋಧನಾ ಯೋಜನೆಗೆ ಸಂಬಂಧಿಸಿದ ವಿವಿಧ ಉಪಕರಣಗಳನ್ನು ತಯಾರಿಸಲು ಯಂತ್ರವನ್ನು ಬಳಸಲಾಗುತ್ತದೆ. ಈ ತಿಂಗಳ ಅಂತ್ಯಕ್ಕೆ ಯಂತ್ರವು ವಿಎಸ್ಎಸ್ ಕೇಂದ್ರಕ್ಕೆ ಬಂದು ತಲುಪಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್)
ನೋಂದಣಿಯಾಗಲಿ ನಾನು ಯಾರೆಂದು ಗೊತ್ತಾಗುತ್ತೆ: ಟೀಕಾಕಾರರಿಗೆ ಡ್ರೋನ್ ಪ್ರತಾಪ್ ಸವಾಲು