ಬೆಂಗಳೂರು: ಡ್ರಗ್ಸ್ ಮಾಫಿಯಾದ ಯಡೆಮುರಿ ಕಟ್ಟಲು ಸಜ್ಜಾಗಿರುವ ಪೊಲೀಸರು ಇಂಚಿನ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ರಾಜ್ಯಾದ್ಯಂತ ನಿತ್ಯ ಮೂರ್ನಾಲ್ಕು ಡ್ರಗ್ಸ್ ಪೆಡ್ಲರ್ಗಳು ಸಿಸಿಬಿ ಬಲೆಗೆ ಬೀಳುತ್ತಲೇ ಇದ್ದಾರೆ. ಇಷ್ಟಾದರೂ ಇಲ್ಲೊಬ್ಬ ಬ್ಯಾಗ್ನಲ್ಲೇ ಗಾಂಜಾ ತುಂಬಿಕೊಂಡು ರಾಜ್ಯ ರಾಜಧಾನಿಯಲ್ಲಿ ಮಾರಾಟ ಮಾಡುತ್ತಿದ್ದ!
ಹೌದು, ಅಮೀರ್ ಅಹ್ಮದ್ (28) ಎಂಬಾತ ಪೀಣ್ಯ 2ನೇ ಹಂತದಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ. ಈ ವೇಳೆ ಬೀಟ್ ಪೊಲೀಸರಿಗೆ ಗುರುವಾರ ರೆಡ್ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಈತನಿಂದ ಬರೋಬ್ಬರಿ 20 ಕೆಜಿ ಗಾಂಜಾ ವಶ ಜಪ್ತಿ ಮಾಡಲಾಗಿದೆ.
ಅಮೀರ್ ಅಹ್ಮದ್ ಪೊಲೀಸರಿಗೆ ಸಿಕ್ಕಿಬಿದ್ದ ವೇಳೆ ಆತನ ಕೈಯಲ್ಲಿದ್ದ ಬ್ಯಾಗ್ನಲ್ಲಿ 1 ಕೆಜಿ ಗಾಂಜಾ ಇತ್ತು. ಬಳಿಕ ಹೆಚ್ಚಿನ ವಿಚಾರಣೆಗೆ ಒಳಪಡಿಸಿದಾಗ ಆತನ ಮನೆಯಲ್ಲಿ 19 ಕೆಜಿ ಗಾಂಜಾ ಪತ್ತೆಯಾಗಿದೆ. ಗಾಂಜಾ ಜತೆಗೆ 1 ಬೈಕ್ ಹಾಗೂ 30 ಸಾವಿರ ರೂ. ನಗದನ್ನು ರಾಜಗೋಪಾಲ ನಗರ ಪೊಲೀಸರು ಸೀಜ್ ಮಾಡಿದ್ದಾರೆ.
ಆರೋಪಿ ಅಮೀರ್ ಅಹ್ಮದ್ ಲಾಕ್ಡೌನ್ನಲ್ಲಿ ಕೆಲಸವಿಲ್ಲದೆ ನಿರುದ್ಯೋಗಿಯಾಗಿದ್ದ. ಈ ವೇಳೆ ವಿಶಾಖಪಟ್ಟಣಂ ವ್ಯಕ್ತಿಯ ಪರಿಚಯವಾಗಿ ಆತನ ಮೂಲಕ ಡ್ರಗ್ಸ್ ದಂಧೆಗೆ ಇಳಿದಿದ್ದ ಎಂದು ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಗಿದೆ. ರಾಜಗೋಪಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.