ನವದೆಹಲಿ: ಉತ್ತರಕಾಶಿಯ ಸಿಲ್ಕ್ಯಾರಾ ಸುರಂಗದಲ್ಲಿ ಸಿಲುಕಿರುವ 41 ಕಾರ್ಮಿಕರನ್ನು ರಕ್ಷಿಸಲು ನಡೆಯುತ್ತಿರುವ ಟಾಪ್-ಡೌನ್ (ಮೇಲಿನಿಂದ ಕೆಳಗೆ) ಡ್ರಿಲ್ಲಿಂಗ್ ಜತೆಗೆ ಕೈಯಿಂದ ಸಮತಲವಾಗಿ ಅಗೆಯುವಿಕೆಯನ್ನು ಶೀಘ್ರದಲ್ಲೇ ಪ್ರಾರಂಭಿಸಲಾಗುವುದು ಎಂದು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಎನ್‌ಡಿಎಂಎ)ಸೋಮವಾರ ತಿಳಿಸಿದೆ. ತೆಲಂಗಾಣ ಚುನಾವಣೆ ಪ್ರಚಾರದಲ್ಲಿ ಪಾಲ್ಗೊಂಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ಸುರಂಗದಲ್ಲಿ ಸಿಲುಕಿದ ಕಾರ್ಮಿಕರು ಸುರಕ್ಷಿತ ಹೊರಬರುವಂತೆ ಪಾರ್ಥಿಸಿದ್ದಾರೆ.
“ತುಂಡಾಗಿರುವ ಆಗರ್ ಯಂತ್ರದ ಒಡೆದ ಬ್ಲೇಡ್‌ಗಳನ್ನು ಸಂಪೂರ್ಣವಾಗಿ ಹೊರತೆಗೆಯಲಾಗಿದೆ, ಮುರಿದ ಭಾಗವನ್ನು ಹಿಂಪಡೆಯುವಾಗ ಕೆಲವು ಅಡೆತಡೆಗಳು ಉಂಟಾಗಿವೆ, ಆದರೆ, ಹಾನಿ ಸರಿಪಡಿಸಲಾಗಿದೆ. ಈಗ, ಭಾರತೀಯ ಸೇನೆಯ ಇಜಿನಿಯರ್‌ಗಳು, ಇಲಿ ಗಣಿಗಾರರು (ರ್ಯಾಟ್ ಮೈನರ್ಸ್) ಮತ್ತು ಇತರ ತಂತ್ರಜ್ಞರ ಸಹಾಯದಿಂದ ಶೀಘ್ರದಲ್ಲಿಯೇ ಹಸ್ತಚಾಲಿತ ಕೊರೆಯುವ ತಂತ್ರ ಬಳಸಿಕೊಳ್ಳಲಾಗುವುದು” ಎನ್‌ಡಿಎಂಎ ಸದಸ್ಯ ಲೆಫ್ಟಿನೆಂಟ್ ಜನರಲ್ (ನಿವೃತ್ತ) ಸೈಯದ್ ಅಟಾ ಹಸ್ನೇನ್ ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.
ಇದಕ್ಕಾಗಿ ಮೂರು ಗುಂಪುಗಳಲ್ಲಿ ಕೆಲಸ ಮಾಡುವ ಆರು ಸದಸ್ಯರ ತಂಡವಿರುತ್ತದೆ ಎಂದು ಹಸ್ನೈನ್ ಹೇಳಿದರು. ಯಂತ್ರದಿಂದ ಲಂಬ ಮತ್ತು ಹಸ್ತಚಾಲಿತವಾಗಿ ಅಡ್ಡ ಕೊರೆಯುವಿಕೆಯು ರಕ್ಷಣಾ ಪ್ರಯತ್ನಗಳನ್ನು ಕೇಂದ್ರೀಕರಿಸುವ ಎರಡು ವಿಧಾನಗಳಾಗಿವೆ. ಸುರಂಗದ ಬಾರ್ಕೋಟ್ ತುದಿಯಿಂದ ಸಮತಲ ಕೊರೆಯುವಿಕೆಯಂತಹ ಇತರ ಆಯ್ಕೆಗಳ ಕೆಲಸವೂ ನಡೆಯುತ್ತಿದೆ ಎಂದು ಅವರು ವಿವರಿಸಿದರು.
ಹೊರಬರುವ ಮಾರ್ಗ ಸಿದ್ಧಪಡಿಸಲು ಒಟ್ಟು 86 ಮೀಟರ್ ಲಂಬವಾಗಿ ಕೊರೆಯಬೇಕು. ಸುರಂಗದ ಮೇಲ್ಭಾಗದಲ್ಲಿ 1.2 ಮೀಟರ್ ವ್ಯಾಸದ ಪೈಪ್‌ಗಳನ್ನು ಲಂಬವಾಗಿ ಹಾಕಬೇಕು. ಈ ಎರಡನೇ ಆಯ್ಕೆಯಾಗಿ ಈ ಭಾನುವಾರ ಕೆಲಸ ಪ್ರಾರಂಭವಾಗಿದೆ. ಎಸ್‌ವಿಎನ್‌ಎಲ್‌ನಿಂದ ಅಂದಾಜು 32 ಮೀಟರ್‌ಗಳ ಲಂಬ ಕೊರೆಯುವಿಕೆ ಮಾಡಲಾಗಿದೆ. ಆರ್‌ವಿಎನ್‌ಎಲ್ ಮತ್ತೊಂದು ಪೈಪ್‌ಲೈನ್‌ನಲ್ಲಿ ಕಾರ್ಯನಿರ್ವಹಿಸಲಾಗುತ್ತಿದೆ, ಇದು ಲಂಬವಾದ “ಲೈಫ್‌ಲೈನ್” ಆಗಲಿದ್ದು, ಇದನ್ನು 75 ಮೀಟರ್‌ಗಳವರೆಗೆ ಮಾಡಲಾಗಿದೆ, ಒಟ್ಟು ಅಂದಾಜು ಆಳವು 86 ಮೀಟರ್‌ಗಳಾಗಿದೆ ಎಂದು ಅವರು ತಿಳಿಸಿದರು.
.
ಹವಾಮಾನ ವರದಿಯ ಪ್ರಕಾರ, ಮುಂದಿನ 24-48 ಗಂಟೆಗಳಲ್ಲಿ ಲಘು ಮಳೆಯಾಗಬಹುದು. ಆದರೆ, ಇದರಿಂದ ಅಡ್ಡಿಯಾಗುವ ಸಾಧ್ಯತೆ ಇಲ್ಲ ಎಂದು ಅವರು ಹೇಳಿದರು.
ಪ್ರಧಾನ ಮಂತ್ರಿಗಳ ಪ್ರಧಾನ ಕಾರ್ಯದರ್ಶಿ ಪಿಕೆ ಮಿಶ್ರಾ, ಗೃಹ ಕಾರ್ಯದರ್ಶಿ ಅಜಯ್ ಕೆ ಭಲ್ಲಾ ಮತ್ತು ಉತ್ತರಾಖಂಡದ ಮುಖ್ಯ ಕಾರ್ಯದರ್ಶಿ ಎಸ್ ಎಸ್ ಸಂಧು ಕೂಡ ರಕ್ಷಣಾ ಕಾರ್ಯಾಚರಣೆಗಳ ಪರಿಶೀಲನೆ ನಡೆಸಿದರು.
ಮೋಟಾರ್ ಸೈಕಲ್‌ನಲ್ಲೇ ಶವ ಸಾಗಣೆ; ಮಧ್ಯಪ್ರದೇಶದಲ್ಲೊಂದು ಮನಮಿಡಿಯುವ ಘಟನೆ